Bilbon da mikrofinantzen inguruko Europako ekitaldirik garrantzitsuena
Gizarte Ekonomiako Foro Globalaren laugarren edizioa amaitzen den egun berean, Bilbon hasiko da, baita ere, mikrofinantzei buruzko Europako ekitaldirik garrantzitsuena, Microfinance Center (MFC); gainera, urteko biltzarra egingo du European Microfinance Network-ekin (EMN) batera, urriaren 3tik 5era bitartean.
Gaztenpresak babestutako topaketaren helburua da erakunde mikrofinantzarioek teknologia berriak ahalik eta gehien nola erabili eta aprobetxa ditzaketen aztertzea eta ikertzea, ekintzaileei, enpresa berriei eta enpresa sozialei aukera baliotsuagoak eta lehiakorragoak emateko.
Gogoratu mikrokredituak 25.000 €-ra bitarteko maileguak direla eta kapital garrantzitsua dutela ekintzaileak, negozio txikiak eta finkatze-fasean aurkitzen diren enpresak gizarteratzeko eta haien finantzarako. Mailegu horiek, LABORAL Kutxaren kasuan, esate baterako, Europako Inbertsio Funtsaren (EIF) abala dutenez, eskatzaileak baldintza bereziki onuragarriak aplikatzea lor dezake, prezioan nahiz eskatutako bermeetan.
Testuinguru horretan, MCFk sektoreko profesionalak eta adituak bilduko ditu harremanak egin eta esperientziak trukatze aldera hitzaldiaren izenburuaren inguruan: “Pertsonak eta iraultza digitala: gure eginkizun sozialean aurrera egitea teknologiaren bitartez”.
Horrez gain, programa zabala prestatu da digitalizazioaren etorkizunari buruzko gai ugarirekin. Hori dela-eta, Europa osoko 600 parte-hartzaile baino gehiago biltzea espero da aurten Bilbon egingo den biltzarrean.
Etorkizunerako aliantza arrakastatsuen bila bazabiltza, biltzarrarekin bat egin behar duzu.
Begiratu bat eman web guneari informazio gehiago lortzearren.
