Talentua erakartzeko eta zaintzeko eskatu du industriako sailburuordeak, euskal industriaren lehiakortasuna bultzatzeko
“Talentua erakartzeko lehia bizia dabil Europan. Nahitaez, ekin behar diogu talentua sortu, zaindu eta erakartzeari”, zioen Javier Zarraonandiak Basque Cluster Day-n.
Bere iritzian, klusterren eta hezkuntza-sistemaren arteko lankidetza da “Euskadirako enplegua, aberastasuna eta ongizatea sortzeko bidea”.
2018ko Basque Cluster Day jardunaldiaren aurkezpenak ikus ditzakezu hemen.
Industriako sailburuorde Javier Zarraonandiak esan zuenez, talentua zaintzea eta erakartzea funtsezkoa da euskal industriaren lehiakortasuna sustatzeko eta, aldi berean, Euskadirako enplegua eta aberastasuna sortzeko. “Talentua erakartzeko lehia bizia dabil Europan. Nahitaez, ekin behar diogu talentua sortu, zaindu eta erakartzeari”.
SPRI Taldeak urtero antolatzen duen Basque Cluster Day jardunaldian izan zen Zarraonandia, EHUren Ingeniaritza Eskolan, eta berak eman zuen hasierako hitzaldia. Hezkuntza-sistemaren eta klusterren arteko lankidetzak dakartzan aukerak izan zituen hizpide.
“Oso egokia iruditzen zait jardunaldiaren goiburua, estrategikoa baita gai hori enpresentzat, erakundeentzat, hezkuntza-sistemarentzat eta euskal gizarte osoarentzat”, adierazi zuen. Bestalde, erronkatzat jo zuen “emakumeak industriara erakartzea”.
Eskaintzaren eta eskariaren artean dagoen desoreka aipatu zuen sailburuordeak: “Desoreka hori dela eta, jende asko ari da bere titulazio profesionalaz azpiko lanetan; bestalde, enpresek ez dute aurkitzen trebakuntza egokia duen jenderik egungo testuinguru teknologiko eta ekonomiko aldakor honetan”.
Zarraonandiak zioenez, arazo hori ez dugu Euskadin bakarrik jasaten. “Europan eta Estatu Batuetan ere gertatzen da hori. McKinsey nazioarteko aholkularitza-enpresaren arabera, enplegatzaileen % 40k ez dute aurkitzen behar dituzten gaitasunen jabe den jenderik. Egoera ikusirik, gerra orokorra dago talentua nork eskuratuko”.
Euskal ekonomiaren bilakaera onari buruzko zenbait datu eman ditu Industriako sailburuordeak: BPGa, 72.000 milioi euro; langabezia, % 9,9 (“eta % 8,3ra jaistea espero dugu”); eta esportazio-bolumen jarraitua (ia 24.000 milioi euro urtean, hau da, “BPG osoaren heren bat”).
Osteguneko topaketaren garrantzia azpimarratu zuen sailburuordeak, klusterren, administrazioen, eragile teknologikoen eta hezkuntza-sistemaren ordezkariak bildu baitzituen. “Guztioi dagokigu elkarlanean jardutea lehiaketaren erronkei ekiteko. Euskadiren ongizatea dago jokoan”. Jardunaldiaren goiburua aintzat hartzeko eskatu zuen Zarraonandiak (“Klusterrak eta hezkuntza, balio partekatuak sortzen”), “hori baita Euskadirako enplegua, aberastasuna eta ongizatea sortzeko bidea”.
Unibertsitatearen eta enpresen arteko lankidetza
Orkestrako James Wilsonek, berriz, esan zuen unibertsitatearen eta enpresen arteko lankidetzak “komertzializazio-mekanismo formalak” izan dituela ardatz; besteak bete, patenteak eta lizentziak. “Lankidetzan jarduteko aukera-eremu zabal-zabala dago”, nabarmendu zuen.
“Zergatik den hain garrantzitsua hezkuntza-sistemaren eta klusterren arteko lankidetza?”, galdetu zuen, eta berak erantzun, honela: klusterrek ahalmena daukatelako enpresen eta unibertsitateen estrategiak hobeto uztartzeko.
Lankidetza horrek “denbora asko” behar duela esan zuen, eta hori aitortzea dela gaiaren gakoetako bat; bestalde, neurri espezifikoak adierazi zituen: ikasleak industrian jarduteko mugikortasun-programak, praktikaldiak, egonaldiak, trebakuntza duala eta abar.
Mahai-inguruetan, berriz, industriaren eta unibertsitatearen arteko elkarlana sustatzeko bultzatutako ekimenen berri eman zuen AFM klusterreko Josu Riezuk; besteak beste, IMH zentroa, makina-erremintaren ikasgela eta Makina Erremintaren Bienalaren barneko enplegu industrialaren azoka.
Energiaren klusterreko Marcos Suárezek, berriz, adierazi zuen urtearen erdi aldera ekintza-plan bat jarri zutela martxan ikasleak enpresetara bideratzeko, “bilatzen ari garen talentua aurkitzeko zailtasunak ikusirik”. Izan ere, zenbait enpresatara bidalitako inkesta batek argi utzi zuen hautagai egokien eskasia.
Gaia klusterreko Tomás Iriondok, azkenik, esan zuen hezkuntza-sistemaren alternatibaren baten bila ari direla enpresak talentua berenganatzeko. “Aldaketa bat behar da: eskariak ezarri behar du hautagaien profila. Gaitasun digitalak profil guztiei eskatu behar zaizkie”.
Jardunaldiaren hitzaldiak ikusi nahi dituzu?
Sartu, berrikusi eta deskargatu interesatzen zaizkizunak
Lotutako albisteak
Eusko Jaurlaritzak 13,65 milioi euro bideratuko ditu enpresen berrikuntzara
SPRI Taldeak maiatzean zabalduko ditu Fast Track Innobideak, Hazinnova eta BDIH Konexio programak
Mikel Jauregi Industriako sailburuak Aernnova enpresa bisitatu du, soluzio aeronautiko aurreratuetan liderra
Aernnova enpresak Araban du egoitza, eta lider espezializatua da aeroegituren eta horien osagaien diseinuan, fabrikazioan, mantentze-lanetan eta zerbitzuetan. Ia 6.000 langile ditu 7 herrialdetan, eta 2025ean 1.000 milioitik gorako fakturazioa izatea espero du.
ETEentzako produktuen eta prozesuen berrikuntza babesten dugu Hazinnovarekin
Hazinnova euskal ETE-ei doako aholkularitza eskaintzen dien programa da, produktu eta prozesuetan berrikuntza-mikroproiektuak bultza ditzaten. Eska ezazu 2025eko maitzaren 6tik urriaren 29ra.
Euskadiko industria normaltasunez ari da, joan den asteleheneko itzalaldi orokorraren ostean
“Gure industria-sektorearen lana aitortu nahi dugu", aditzera eman du Mikel Jauregi, Eusko Jaurlaritzako Industria, Trantsizio Energetiko eta Jasangarritasuneko sailburua
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Innobideak Prestakuntza prestatu zure lantaldea balioan lehiatzeko eta ez prezioan
Euskadiko ETEen % 60k berrikuntzaren alde egiten du, baina gehienek kostua murrizteko edo kalitatea hobetzeko egiten dute eta ez dute benetako abantaila lehiakorra sortzen merkatuan. Alabaina, berrikuntza ez da etorkizunean mantentzeko tresna soila, etorkizunean liderra izateko estrategia baizik. Horretarako, gakoa teknologia ez ezik, pertsonak, estrategia eta egokitzeko gaitasuna ere badira.
Imanol Rego, Innobasque Berrikuntzaren Euskal Agentziako presidente berria
Manuel Salaverriaren lekukoa hartu du. Salaverriak euskal ekosistema publiko pribatuaren balioa sustatzen jakin du, Euskadi garatzeko bide estrategiko gisa