Euskadik Bavierakin duen aliantza estrategikoa indartu du trantsizio energetikoaren arloan
Bavarian berrikuntza eta enpresa lankidetza bultzatzen dituen Bayern Innovativ erakundeko ordezkaritza bat Euskadin izan da aste honetan, euskal ekosistemarekin aliantza estrategikoa indartzeko eta energia trantsizioaren arloan aukera berriak aztertzeko.
Energia eta Eraikuntzako zuzendaria den Oliver Mayer doktorea eta Bavariako Energia Klusterreko zuzendaria den Christopher Ziegler buru zituen bisitak esperientziak partekatzeko eta euskal energia sektoreko eragile nagusiekin sinergiak ezartzeko aukera eman du.
Agendari dagokionez, Euskadiko Energia Klusterrarekin topaketak egiteaz gain, enpresa eta proiektu erreferenteak bisitatu dira, besteak beste, Cegasa, Basquevolt, Bilboko Portua, Tecnalia, H2Site, Izpitek, Energy Intelligence Center (EIC), Petronor eta Sener.
Ekimenari esker, euskal ekosistemak energia, hidrogenoa, itsas energia, eguzki energia biltegiratzeko eta industria eraginkortasunean dituen indarguneak erakutsi ahal izan dira. baita deskarbonizazioan eta energia trantsizioan duen rol estrategikoa ere. Horrez gain, Bavariarekin lankidetzan aritzeko aukera berriak ireki dira berrikuntza eta energia trantsizioko proiektu bateratuetan.
