Sprilur Eraikune-k antolatutako Eraikuntza Aurreratuaren eta Arkitektura Jasangarriaren Europako Kongresuan
Sprilur-ek parte hartuko du Eraikune-Euskadiko Eraikuntzaren Klusterrak antolatutako Eraikuntza Aurreratuaren, Eraginkortasun Energetikoaren eta Arkitektura Jasangarriaren kongresuan. Ekitaldi hori telematikoki egingo da abenduaren 1ean eta 2an, UPV-EHUren Udako Ikastaroen laguntzarekin.
Euskal enpresarentzat azpiegitura arloko konponbideak eskaintzen dituen sozietate honek (SPRI Taldean eta Ekonomi Garapen, Jasangarritasun eta Ingurumen Sailean integratua) gaiari buruz duen ezagutza partekatuko du eta eraikuntza nahiz arkitektura jasangarriaren sektoreetako jardunbide egokietatik eratorritako esperientziak bilduko ditu.
Sprilur-ek 25 urte beteko ditu aurten eta 38 urte daramatza jarduera ekonomikoetarako lurzoru eta industria-guneak sustatzen eta euren kudeaketa integrala garatzen. Apustu irmoa egin du beti ingurumenaren aldetik jasangarria den kudeaketarako teknika berritzaileak aplikatzeko enpresa-guneen urbanizazio eta eraikuntza proiektuetan.
Bere jardueraren lehentasunezko ekintza-ildo bilakatu dira zaharberritze eta birgaitze industrialeko proiektuak eta erabiltzen ez diren espazioak berraktibatu eta balioan jartzeko ekimenak. Proiektu eta ekimen horietan, Sprilur-ek jardunbide egokiak eta teknika, teknologia eta garapen-neurri aurreratuak inplementatzen ditu, berrikuntzaren eta lehiakortasunaren hobekuntzaren alde hartua duen konpromisoa handitzeko bere enpresa-guneetan.
Ekimen jasangarriak
Hala, Sprilur-ek bere kudeaketan aplikatu dituen ekimen jasangarrien artean aipatzekoak dira: instalazio fotovoltaikoak martxan jartzea, nanoteknologiako teknikak aplikatzea birgaikuntzari lotutako proiektuetan, BIM-Building information Modeling teknologia aplikatzea eraikuntza proiektuak diseinatu eta kudeatzean, energiaren % 30 geotermia bidez sortzea klimatizazio sistemetan, CO2 atzematen duten zoladurak instalatzea eta material birziklatu jasangarriak erabiltzea urbanizazio lanetan, sinergiak sortzea hondakinak eta materialak berrerabiltzeko, ondare industrialeko eraikinak babestu eta kontserbatzea, espazio naturalak deskontaminatu, ingurumenaren aldetik berroneratu eta berlandareztatzea, mugikortasun planak eta kontserbazio erakundeak sortzea, eta abar.
Sprilur Taldeak datozen urteetarako duen erronka da Nazio Batuen Munduko Itunean oinarritutako Euskadi 2030 Agendako Garapen Jasangarriko Helburuak bultzatzea. Zentzu horretan, dagoeneko hasi da Plan bat definitzen bat etortzeko Garapen Jasangarriko 17 Helburuekin.
Sprilur-ek parte hartuko du Arkitektura eta Hirigintza arloetako Eraikuntza Aurreratuaren, Eraginkortasun Energetikoaren eta Jasangarritasunaren Kongresuan, non onlineko stand bat izango baitu eta B2B elkarrizketa telematikoak egingo baititu parte-hartzaileekin eta enpresa interesatuekin (Eraikune eta UPV-EHUren eskutik), aukera izan dezaten komunikazio-bideak irekitzeko eta proiektuak, ekimenak nahiz jardunbide egokiak partekatzeko.
EESAP11 eta CICA 4 – European Congress 2020
Bi edizioetan, abenduaren 1ean eta 2an, hizpide hartuko da berrikuntzak ekarri duen disrupzioa jarduera programatuen oinarri gisa, normalean alderdi hori teknologia aplikatzearen ondorio bezala azaltzen baita, eta ez kontuan harturik zertan eta nola aplikatzen den teknologia. Topaketan arkitektura eta eraikuntza industrien ikuspegi berritu bat eskainiko da, fokua 2030ean jarriz eta lehentasuna emanez etorkizunean beharrezkoa izango den eraldaketari.
Egitarauak eduki ugari eskaintzen ditu: osoko bilkurak, kasu praktikoak, mahai-inguruak eta B2B elkarrizketak, zeintzuetan hizpide hartuko baitira hiri eta eraikinetako eraginkortasun energetikoa eta jasangarritasuna, eraikuntza aurreratuarekin lotutako digitalizazioa eta 4.0 eraikuntza (produktibitatea, ingurumen inpaktua eta segurtasuna).
Hiri plangintzako, kudeaketako eta tokiko, Estatuko nahiz nazioarteko proiektu estrategikoen arloetako adituz osatutako talde batek azalduko du zein aukera eskaintzen dituzten eraikuntza aurreratuaren sektoreak eta eraginkortasun eta jasangarritasun arloko proiektuek ziklo berri bat irekitzeko 4.0 eraikuntzaren eta jasangarritasunaren esparruetan.
EESAP11 eta CICA4 ekitaldietako egitaraua
Lotutako albisteak
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
Sei euskal ikerketa-erakundek bat egin dute ITTHACAn zahartze osasuntsua sustatzeko
Elkartek programak finantzatutako proiektu honek biomarkatzaileak, iragarpen-ereduak eta osasunaren zuzeneko monitorizazioa erabiltzen ditu.
Euskadiko Parke Teknologikoak, 2024an 8.243 milioi euro, 2023an baino % 11,5 gehiago, fakturatu zituzten 673 enpresa ditu dagoeneko
23.600 pertsonak baino gehiagok, gehienak kualifikazio handikoak, egiten dute lan Euskadiko Parke Teknologikoko sei Campusetan instalatutako enpresaren batean
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
Industriarako soluzio teknologiko aurreratuen garapenean erreferentea den ULMA kooperatiba taldea bisitatu du Mikel Jauregi sailburuak
Oil&Gaseko negoziorako brida homologatuen fabrikazioan munduko liderra den ULMA Forged Solutionsen lantegi nagusian ibili da eta "ziurgabetasuna nagusi den une honetan, ULMA kooperatiba-taldea industriaren, inbertsioaren, berrikuntzaren eta kalitatezko enpleguaren aldeko apustua nabarmena egiten ari da" nabarmendu du
Metal 78 enpresa ezarrita, Arcelorrek Zumarragan zuen lantegiaren berregokitze industriala abian jarri da
Arcelorrek Zumarragan garai batean zuen fabrikan industria eremuaren berroneratze integrala eta berregokitzea egiteko prozesuaren barruan kokatzen da enpresaren ezarpena, eta Eusko Jaurlaritzak 25 milioi euro inbertituko ditu bertan
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Connect Group, zentro teknologikoa Donostian duen multinazionala
Donostiako lantegiak SPRI Taldearen BDIH Konexio programaren laguntza jaso du, eta urtean bi milioi txartel elektroniko diseinatu eta fabrikatzen ditu
Innobideak Prestakuntza prestatu zure lantaldea balioan lehiatzeko eta ez prezioan
Euskadiko ETEen % 60k berrikuntzaren alde egiten du, baina gehienek kostua murrizteko edo kalitatea hobetzeko egiten dute eta ez dute benetako abantaila lehiakorra sortzen merkatuan. Alabaina, berrikuntza ez da etorkizunean mantentzeko tresna soila, etorkizunean liderra izateko estrategia baizik. Horretarako, gakoa teknologia ez ezik, pertsonak, estrategia eta egokitzeko gaitasuna ere badira.