Euskal enpresaren blog-a Zure enpresarentzat garrantzitsua den eguneroko informazioa

13 otsaila, 2019
SPRIk 3 milioi euro aktibatu ditu enpresek beren kudeaketa eta errentagarritasuna hobetu dezaten proiektu berritzaileen bitartez

Lehiabide ildoan 50.000 eurorainoko laguntzak daude bakarkako proiektuentzat eta 100.000 eurorainokoak lankidetzan eginikoentzat

 

Laguntza horiekin finantzatuko diren proiektuen helburua da dimentsio handiagoa lortzea merkatuan, berrikuntzak egitea produktu eta prozesuan eta pertsonen parte hartzea bultzatzea enpresetan

Innobideak 2019 ekimenak onuradunen kolektiboa zabaldu du, multzo horretan sartuz diseinu industrial, ikus-entzunezko, bideo-joko eta moda sektoreetako industria sortzaileak

 

Ekonomi Garapen eta Azpiegitura Sailak, SPRIren bitartez, hiru milioi euro bideratuko ditu Innobideak programara, aurreko deialdian baino %20 gehiago. Laguntza horien helburua da euskal ETEek, beren kudeaketa aztertu eta aldatu ondoren, optimizatu ditzatela beren negozioak eta hobetu dezatela errentagarritasuna, horrela, posizio hobea lortzeko merkatuan eta lehiakorrago egiteko enpresa-eskaintza.

 

Innobideak Programaren bidez gorpuzten da laguntza hori eta bere helburu nagusia da finantza-laguntza eta kanpoko profesionalen laguntza ematea enpresak eraldatu eta modernizatzeko, bai kudeaketan eta bai antolakuntzan. Hala, programa horren bitartez bultzatutako proiektuek aukera ematen diete ETEei negozioaren alderdi produktiboan eta teknologikoan eginiko hazkunde- eta inbertsio-mailak mantentzeko.

 

SPRIk laster irekiko du INNOBIDEAK programaren 2019ko deialdia, zeinak hiru ildo hauek barne hartzen baititu: INNOBIDEAK-Lehiabide (berrikuntza proiektuak, dibertsifikazio proiektuak, tamaina handitzeko proiektuak, eta enpresa trakziogileen eta beren hornitzaileen artean lankidetzak garatzeko proiektuak), INNOBIDEAK- Pertsonak (langileen enpresako parte hartzea sustatzen dutenak) eta INNOBIDEAK-Kudeabide (enpresen kudeaketa hobetzeko proiektuak). Eskaintza horren osagarri, gaitasunen prestakuntzara zuzendutako ildo transbertsal bat dago, aurrekoak inplementatzen laguntzeko: Innobideak Pestakuntza.

 

Innobideak programak itzuli beharrik gabeko diru-laguntzak ematen ditu. Laguntza ekonomiko horiek proiektuko gastuen %60rainokoak izan daitezke, programaren araudian zehazten diren berezitasunen arabera. Lehiabide ildoan 50.000 eurorainoko laguntzak daude bakarkako proiektuentzat eta 100.000 eurorainokoak lankidetzan eginikoentzat. Pertsonak ildoari dagokionez, proiektu bakoitzak 50.000 eurorainoko laguntzak jaso ditzake eta Kudeabide ildoan, gehienez 25.000 eurokoak.

Innobideak programaren onuradun izan daitezke 10 langiletik gorako ETEak, antolakuntzako aldaketekin zerikusia duten kudeaketako hobekuntza-proiektuak egin nahi dituztenak eta neurri berritzaileak aplikatu nahi dituztenak, baina horretarako laguntza profesionala eta ekonomikoa (laguntza honen funtsezko alderdiak) behar dutenak. Beraizik zuzentzen zaie industria arloko ETEei, aurrekoen produkzio prozesuekin lotutako zerbitzu teknikoak eskaintzen dituztenei eta informazioaren gizarte eta komunikazio arloetakoei. 2019ko nobedade gisa, laguntza-programak bere baitan hartzen ditu diseinu industrial, ikus-entzunezko, bideo-joko eta moda sektoreetako industria sortzaileak.

 

Innobideak 2013-2018 programa

INNOBIDEAK programak,  2013. urteaz geroztik martxan dagoenak, eta harrezkero hainbat berrikuntza sartu dituenak bere jarduera-ildoetan (Foru Aldundien lakindetzarekin Kudeabide ildoan), 2.470 enpresa-ekimen babestu ditu industria arloko 700tik gora enpresatan, horietatik %72 Euskadiko arlo estrategikoetakoak, RIS3 espezializazio adimenduneko estrategian esaten den bezala.

Enpresa horien fakturazioa 3.000 milioi euro ingurukoa da eta EAEko industria arloko BPGren %17 baino gehiago ordezkatzen dute. Aipatzekoa da 50 langile baino gutxiagoko enpresak direla INNOBIDEAK programan gehien parte hartzen dutenak, baina orobat parte hartzen dutela gure ekonomian trakzio-indarra egiten duten enpresa garrantzitsuek”.

Berrikuntza 1 abendua, 2020
Euskadi da 2019an I+Gn gehien inbertitu duen Estatuko lurraldea (BPGren % 1,97)

Ekonomiaren Garapeneko, Jasangarritasuneko eta Ingurumeneko sailburuak INEren (Estatistikako...Leer más

Berrikuntza 25 Azaroa, 2020
Boletin autonomoak eta mikroenpresak (Prestakuntza-Inplantalariak)

MARKETIN DIGITALAEstrategia digitala sortu zure bezero potentzialak erakartzeko.  Blog...Leer más

Berrikuntza 23 Azaroa, 2020
Abian da BBDWeek, sormena eta industria hibridatzeko aukerak

  Kultura- eta Sormen-industriak garrantzia hartzen ari dira Europan sektore estrategiko...Leer más

Berrikuntza 20 Azaroa, 2020
Bizkaia Plaza eraikineko Erakunde Publikoek EUSKARALDIArekin bat egin dute 30 Arigune eta 100dik gora Ahobizi eta Belarriprestekin

Bilboko Bizkaia Plaza eraikinean kokatutako Erakunde publikoek, hau da Energiaren Euskal...Leer más

Berrikuntza 18 Azaroa, 2020
Sprilur Eraikune-k antolatutako Eraikuntza Aurreratuaren eta Arkitektura Jasangarriaren Europako Kongresuan

  Sprilur-ek parte hartuko du Eraikune-Euskadiko Eraikuntzaren Klusterrak antolatutako...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?