SPRI Taldeak ADR Foroaren bileran parte hartu du Ceutan

ADR Foroaren Zuzendaritza Nagusien Topaketetan parte hartu du SPRI Taldeak, Ceutan. Espainiako eskualdeen garapenaren arloko ideiak eta esperientziak partekatzeko ekitaldirik garrantzitsuenetako bat da hori. Bilera horiek aukera ematen dute hainbat zuzendaritza nagusiren arteko elkarrizketa eta lankidetza sustatzeko, eta eskualde guztien artean erronka komunei aurre egin ahal izateko.

Ceutan egindako ekitaldian Aitor Cobanerak parte hartu du, SPRI Taldeko Enpresa Sustapeneko zuzendariak. CDTI, ENISA eta hainbat ministerio eta erakunde publikorekin egindako bilerak errepasatu dituzte foroan. Bilera horiek aukera ematen dute askotariko proiektuetan elkarrekin garatutako lankidetza estuari jarraipena emateko.

Bestetik, ADR Foroko lantaldeen aurrerapenak aurkeztu dituzte eta, gero, IBEROAMekin egingo dituzten hurrengo lankidetzak aurkeztu ditu Zuzendaritza Nagusiak. FIADRODET plataformarekin garatuko dituzte lankidetza horiek eta, era berean, jarraipena emango diote Chile-España Fundazioarekin duten harreman bikain eta emankorrari. Harreman horri esker, ADR Foroaren hurrengo topaketan (Hangar 360) parte hartu ahal izango dute irailean, Valdivia hirian.

Bileran, subiranotasun teknologikoari buruzko txosten bat aurkeztu du COTEC Fundazioak. Bertan, jabetza industrialaren eta intelektualaren funtzio estrategikoa aipatzen da, eta Espainian eta nazioartean berrikuntza eta garapen teknologikoa bultzatzeko duten konpromisoa nabarmentzen da.

Lotutako albisteak

15 maiatza, 2024 Berrikuntza

Saizarlan, kartoizko kaxen plastikozko heldulekuak biodegradagarriak izateko proiektu berritzailea garatzen ari den ETEa

Irakurri gehiago

15 maiatza, 2024 Berrikuntza

Lan-Flaten doitasun handiko granitozko neurketa-ekipamenduak garatzen dira

Irakurri gehiago

14 maiatza, 2024 Berrikuntza

Sustatu berrikuntza-proiektuak zure enpresan Fast Track Innobideak ekimenarekin

Irakurri gehiago

8 maiatza, 2024 Berrikuntza

Innoledge, berrasmatzea eta egokitzea nortasun-ezaugarri gisa

Irakurri gehiago

18 apirila, 2024 Berrikuntza

Ikasplay, Gipuzkoako enpresa aitzindaria prestakuntza-esperientzia murgiltzaile eta elkarreragileak sortzen

Irakurri gehiago

Joan blog-era