Euskal enpresaren blog-a Zure enpresarentzat garrantzitsua den eguneroko informazioa

11 abendua, 2019
Kwidok adinekoei zuzendutako etxe adimendunaren proiektua abiarazi du

Proiektu pilotua gizarte-arreta eta urruneko zainketaren arloko Sacyr iChallenges delako erronkari atxikita garatuko da

Proiektu pilotua gizarte-arreta eta urruneko zainketaren arloko Sacyr iChallenges delako erronkari atxikita garatuko da

Mendekotasuna duten pertsonen etxeko arreta hobetzeko asmoz, Ideable Solutions enpresa bizkaitarrak etxean erabiltzeko moduko inbasiorik gabeko monitorizazio-teknologiak oinarri dituen proiektua abiaraziko du urtarrilean. Adinekoen bizi-kalitatea hobetzeko soluzioak ardatz dituen Kwido ildoaren bitartez, Ideablek proiektu pilotua bultzatuko du Madrilgo eta Getafeko 40 etxebizitzatan. Proiektua Sacyr enpresaren gizarte-arloaren lankidetzaz gauzatuko da, izan ere, proiektua bera Kwidok Gizarte-arreta eta urruneko zainketaren arloko Sacyr iChallenges saria jaso izanaren ondorioz abiarazi da.

 

Proiektu pilotuaren bitartez, mugimendu-sentsoreak txertatuko dira etxebizitzetako gune estrategikoetan ezohiko egoerak eta balizko larrialdiak detektatzeko, gailu horiek erabiltzaileen eguneroko bizimodua trabatu gabe. “Normalean, etxez etxeko arreta ematen duten enpresek egunean bisita bat egiten dute, eta gainerako denboran erabiltzailea bakarrik dago etxean eta ez da erraza jakitea ezohiko portaerak edo gorabeherak gertatzen ote diren”, adierazi du Iñaki Bartolomé Ideable Solutionseko CEOak, “ildo horretan, sentsoreek informazio zabala eskaintzen digute garrantzizko alderdiei buruz; adibidez, pertsonak ordu asko ote daramatzan jarduera-zantzurik erakutsi gabe, edo gauean etxetik irteten ote den”.

 

Sentsoreek denbora errealeko informazioa bidaltzen dute hodeiko plataforma batera, eta hortxe sortzen dira alarmak arrisku-egoerarik izatekotan. Gainera, zaintzaileek zein senitartekoek une oro jakin dezakete pertsona etxean normaltasunez jokatzen ari ote den edo portaera arraroak dituen, zeozer gaizki dabilen seinale. Hori guztia, inbertsio handiak behar ez dituzten teknologien bitartez egingo da, 24 orduko monitorizazioa eskaini ahal izateko.

 

Proiektua urtebeteko epean garatuko da, eta emaitzak onak baldin badira, etxebizitza gehiagotara hedatzeko asmoa dago. Kwidok teknologia horiek aldez aurretik probatu ditu AAL-Petal europar proiektuaren barruan, hainbat herrialdetan proiektu pilotuak garatuz. Orain, euskal konpainiak etxez etxeko laguntzan diharduten beste enpresa batzuei eskaini nahi die soluzio teknologiko hau, Kwido Home markapean.

 

Kwido Ideableren dibisioa da, osasuna monitorizatu eta estimulazio kognitiboa sustatzeko teknologien garapena ardatz duena. Berrikitan plazaratu duen beste soluzio batek errealitate birtuala erabiltzen du, jokoaren bitartez adinekoen gaitasun kognitiboak estimulatzeko, eta luze gabe, Portugalgo arreta soziosanitarioko 20 zentrotan hedatzeari ekingo dio.

Berrikuntza 6 maiatza, 2021
SPRI Taldeko zuzendariak hasiera eman die ETEentzako laguntza-planak aurkezteko eskualde mailako jardunaldiei

  SPRI Taldeko zuzendari nagusi Aitor Urzelaik ostegun honetan eman die hasiera Ekonomi...Leer más

Berrikuntza 5 maiatza, 2021
Eusko Jaurlaritzak Basque Green Deal aurkeztu du, Bidezko Garapen Jasangarriaren Ereduan aurrera egiteko ekimena

  Europako Itun Berdea edo European Green Deal, Europar Batasunak 2019ko abenduan proposatu...Leer más

centro innovación abierta Álava Araba Gasteiz Vitoria
Berrikuntza 4 maiatza, 2021
Arabak Berrikuntza Irekiko Zentro bat izango du enpresa-berrikuntza bultzatzeko

Aurtengo udan inauguratuko da Arabako Foru Aldundiak abian jarri duen Berrikuntza Irekiko eta...Leer más

Agroplaza
Berrikuntza 3 maiatza, 2021
Pezestudio: “Agroplazaren helburua hiriko bizitzaren aldeko hirigintza sortzea da”

Pezestudio arkitekturaren bidez inguruak sozial eta ekologikoki aldatu nahi duten arkitektoen...Leer más

Berrikuntza 29 apirila, 2021
Pertsonak ardatz dituen diseinua enpresetara eramateko laguntza-programa ezagutaraziko du Mondragon Unibertsitateak

  Mondragon Unibertsitateak online egingo den doako jardunaldi bat antolatu du enpresa eta...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?