IDRk fusio nuklearreko ITER erreaktorerako isolamendu bereziak fabrikatzen ditu

Fusio nuklearreko ITER erreaktorea, fusio nuklearra garatzeko nazioarteko lankidetza-proiektua da. Izan ere, Kanadako, Europako, Japoniako eta Errusiako zientzialariak eta ingeniariak ari dira lanean ekimenean, eta IDR enpresa gipuzkoarraren partaidetza izango du ere. Enpresa horrek erreaktoreko hainbat eremutarako isolamendu bereziak fabrikatzen lagundu du. 

Euskal enpresak 25 urte baino gehiagoko esperientzia du, eta neurrirako goi-errendimenduko babes termikoko soluzioak diseinatzen eta fabrikatzen ditu, armarri eta babes termiko malgu edo zurrun gisa. “Bezeroaren kontsulta aztertzen dugu, eta, horretarako software berezi baten bidez aldez aurretik egindako azterketa eta kalkulu termiko batetik abiatuta, isolamendu termiko jakin bat eskaintzen dugu”, dio Jon Garmendia IDRko kudeatzaileak. 

Ildo horretatik jarraituta, enpresaren bezero bat Jan Koum izan da, Whatsapp berehalako mezularitzaren aplikazioaren sortzailea. Gerentearen arabera, “partikulak tratatzeko ekipoaren isolamendua egin dugu ia 100 metroko ‘Moonrise’ megayaterako”. Gainera, une honetan, Elgetan kokatuta dagoen konpainia “litio-ioizko baterietan suaren aurka babesteko soluzioak” garatzeko prozesuan dago”, aitortu duenez. 

Isolamendu termikoko soluzio kapsulatuak

Tenperatura handietarako eskaintzen dituen produktuen artean, neurrira egindako altzairu herdoilgaitzezko isolamendu-soluzio kapsulatuak, ekipoan bertan integratuak edo desmuntagarriak dira. “Prototipo baten diseinutik hasita, masan ekoizten den arte, pieza bakarretik hasita, urtean 5.000 unitate ekoizten ditugu. Eta 1.300 °C-rainoko soluzio espezifikoak garatzen laguntzen dugu bezeroari”, konpainiaren ordezkariak nabarmendu duenez. 

Errendimendu handiko isolamendu termikoekin, IDRk “termikoki isolatzea ahalbidetzen du, energia-galerak murriztean edo berotik babestean aurrezteko”, zehaztu du Garmendiak. 

Gipuzkoako enpresak 16 langile ditu eta 2022an 6 milioi euroko fakturazioa lortu zuen. Besteak beste, motor industrialen, automozio, trenen, energia eta siderurgia sektoreetan jarduten du. “Nazioarteko enpresentzat lan egiten dugu, hala nola Guascor Energy, Irizar, CAF, Arcelor Mittal, ITP Aero eta Sener”, nabarmendu du Jon Garmendiak. 

Euskal enpresen artean berrikuntza bultzatzeko, enpresa txiki eta ertainetatik konpainia handietaraino, SPRI Taldeak Hazinnova, BDHI Konexio edo Innobideak bezalako berrikuntzarako programak eta laguntzak ditu.   

Lotutako albisteak

22 uztaila, 2024 Berrikuntza

Jabones El Abra: “Produktu litro bakoitzeko plastiko gutxiago erabiltzen duen ontzi ekologiko bat garatu dugu Hazinnovari esker”

Irakurri gehiago

18 uztaila, 2024 Berrikuntza

Mikel Jauregi industria klusterrekin elkartu da eta Euskadiren espiritu aitzindaria aldarrikatu du etorkizuneko erronkei eta aukerei aurre egiteko

Irakurri gehiago

12 uztaila, 2024 Berrikuntza

Biotz sendotu egin da Orklirekin aliantza estrategikoa itxi ondoren

Irakurri gehiago

9 uztaila, 2024 Berrikuntza

Erhardt Serikaten teknologia kuantikoak konponbide berritzaileak ematen dizkie logistikaren sektoreko arazoei

Irakurri gehiago

2 uztaila, 2024 Berrikuntza

‘Belk+’, mugikortasunerako laguntza pertsonaleko lehen exoeskeleto adimenduna

Irakurri gehiago

Joan blog-era