HRE Hidraulic-ek kriogenizazioa sustatzen du mekanizazioaren munduan, Be Cold-en bidez
Aeronautika bezalako sektoreetan, materialen mekanizazioa lortzeko birziklagarriak ez diren elementu ugari erabiltzetik industriak berak sortzen duen CO2a (-78 gradutara) berrerabiltzera, mekanizazio kriogenikoa egiteko. Aurrerapausu hau 2019. urtearen amaieratik, Elgoibarren egoitza duen HRE Hidraulic euskal enpresak, Tecnaliarekin eta UPV/EHUrekin batera lortu du, Be Cold merkaturatuz. Be Cold mekanizazio-prozesuan erabilitako tresnek ingurumen-inpaktu txikiagoko hozketa eta lubrifikazioa bermatzeko eta ekoizpen-kostu txikiagoa lortzeko.
Ekipo berri hau bi teknologia ezberdinen nahasketa da, Jose Angel Alberdi HRE Hidraulic-eko I+G arduradunak azaldu duenez. Alde batetik, CO2ren bidez egiten den hozte-sistema eta, bestetik, MQL mekanizazioa (minimal quantity lubrication, fluido lubrifikatzaileak murriztearen eta fluido biodegradagarrien aldeko apustua da). Ebaketa-eremuan karbono dioxidoa injektatzen da -likidotik gasera pasatzen da injektatu ondoren– erreminta eta pieza hozteko. Horrela, mekanizazio heze-tradizionala ordezkatzen da.
Bi teknologiak batera kostuak murrizten dituzte –tresnen bizitza-erabilgarria luzatzen delako, iragazki lubrifikatzaileak edo beste sistema batzuk saihesten direlako, pieza egin ondoren txirbilak eta lubrifikatzaileak kentzeko kosturik ez dagoelako, etab.-. Gainera, ekoizpen-denbora (% 30–50 gutxiago) murrizten da eta ekonomia zirkularrean aurrerapenak egitearen aldeko apustua egiten da, industriak berak sortzen duen CO2-ari bigarren erabilera bat emanez. Batez ere aeronautikaren sektorean ardaztu egin da orain arte Be Cold-en erabilera, titanioan, inkonelean, altzairu gogorretan edo beroari erresistenteak direnetan eta lan egiteko altzairu konplexuetan bereziki ondo funtzionatzen duelako. Baina tresna hau ere material bigunetan erabiltzen da, hala nola plastikoetan edo kortxoan.
Be Cold unibertsitatetik merkatura ezagutza transferitzeko kasu berri bat da. Prozesua UPV/EHUko kriogenikari buruzko ikerketarekin hasi zen eta, Tecnaliarekin eta HRE Hidraulic–ekin batera, patentea lortuta Be Cold-en merkaturatze prozesua hasi da. Ekipoak lau modelo ditu orain, eta bai makina berrietan baita PLC autonomo batekin jada martxan dauden beste ekipo batzuetan ere egokitu daiteke.
Modelo guztiak egungo osasun-larrialdiaren ondorioz azarora mugitu den Makina Erremintaren Biurtekoan izango dira, eta Alemanian ere bai. Gainera, datozen hilabeteetan, pandemia globalaren bilakaeraren arabera betiere, teknologia-zentroetara, unibertsitateetara eta estatuko eta Europako ikerketa-zentroetara hurbiltzeko lan egiten ari dira, Alberdik adierazi du. Baita Lanbide Heziketako zentroetara ere, ekipo berria ezagutarazteko. Bai Tecnaliak, Basque Research & Technology Alliance (BRTA) aliantzaren kide dena, bai UPV/EHUk lehen belaunaldiko ekipo bat dute, testak eta probak egiteko aukera eskaintzeko.
Proiektuak Eusko Jaurlaritzaren Hazitek laguntzen (2013-2019) ekarpena jaso du. Une honetan, lantaldea aurrera egiten du teknologia hori auto elektrikoaren osagaien mekanizazioan aprobetxatzeko. Auto hauen pieza asko aluminiozkoak dira, eta teknika honen bidez manipulatu ahal izango dira.
Lotutako albisteak
ETEentzako produktuen eta prozesuen berrikuntza babesten dugu Hazinnovarekin
Hazinnova euskal ETE-ei doako aholkularitza eskaintzen dien programa da, produktu eta prozesuetan berrikuntza-mikroproiektuak bultza ditzaten. Eska ezazu 2025eko maitzaren 6tik urriaren 29ra.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
Sei euskal ikerketa-erakundek bat egin dute ITTHACAn zahartze osasuntsua sustatzeko
Elkartek programak finantzatutako proiektu honek biomarkatzaileak, iragarpen-ereduak eta osasunaren zuzeneko monitorizazioa erabiltzen ditu.
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
Industriarako soluzio teknologiko aurreratuen garapenean erreferentea den ULMA kooperatiba taldea bisitatu du Mikel Jauregi sailburuak
Oil&Gaseko negoziorako brida homologatuen fabrikazioan munduko liderra den ULMA Forged Solutionsen lantegi nagusian ibili da eta "ziurgabetasuna nagusi den une honetan, ULMA kooperatiba-taldea industriaren, inbertsioaren, berrikuntzaren eta kalitatezko enpleguaren aldeko apustua nabarmena egiten ari da" nabarmendu du
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Connect Group, zentro teknologikoa Donostian duen multinazionala
Donostiako lantegiak SPRI Taldearen BDIH Konexio programaren laguntza jaso du, eta urtean bi milioi txartel elektroniko diseinatu eta fabrikatzen ditu
Innobideak Prestakuntza prestatu zure lantaldea balioan lehiatzeko eta ez prezioan
Euskadiko ETEen % 60k berrikuntzaren alde egiten du, baina gehienek kostua murrizteko edo kalitatea hobetzeko egiten dute eta ez dute benetako abantaila lehiakorra sortzen merkatuan. Alabaina, berrikuntza ez da etorkizunean mantentzeko tresna soila, etorkizunean liderra izateko estrategia baizik. Horretarako, gakoa teknologia ez ezik, pertsonak, estrategia eta egokitzeko gaitasuna ere badira.
Eusko Jaurlaritzak Bikaintek programa zabaldu du enpresetan ikerlariak kontratatzea sustatzeko
2025erako planak 5,7 milioi euroko aurrekontua du eta urtean 60.000 euro bitarteko dirulaguntzak eskaintzen ditu kontratazio bakoitzarentzat