Filtros X
Tipos de Posts
Agenda

Joan blog-era Euskal enpresaren blog-a

Zure enpresarentzat garrantzitsua den eguneroko informazioa

Albisteak 1 iraila, 2023 Berrikuntza

Herrería Zaldigainek dekorazio-holtzak fabrikatzen ditu hormak eraiki nahi ez dituzten etxebizitzetarako

Duela ia lau hamarkadatik hona, Gipuzkoako familia-enpresak burdinazko, altzairu herdoilgaitzezko, korten txapako eta forja lanak egiten dituen industriarako, eraikuntzarako eta dekoraziorako jarduten du.

Herrería Zaldigain enpresa gipuzkoarrak 40 urte inguru daramatza burdinazko, altzairu herdoilgaitzezko, korten txapako eta forja mota guztietako lanak egiten. Une honetan, bere produkturik nabarmenena “etxebizitzetan paretak ez eraikitzeko banaketa moduan jartzen ari den dekorazio-holtza da”, aitortu du David Caballerok, Zaldigain Errementaria enpresako gerenteak. 

Gainera, euskal enpresak edozein egitura mota fabrikatzen du, adibidez: etxebizitzetako balkoietarako altzairu herdoilgaitzezko barandak edo mota guztietako metalezko egiturak (eskailerak, igogailua eraikinetan sartzeko gaztelutxoak, solairuarteak, itxiturak, burdin hesiak…). 

Bezeroaren eskaeretara egokitzen da, lanak eskariaren arabera egiten baititu, eta emaitzarik onena eskainiko duten hobekuntzen bilaketan berritzen du. “Soluzioak eskaintzen saiatzen gara beti, batez ere dekorazio-holtzen esparruan, muntaia-sistemak etengabe optimizatzen ari baikara”.  

Material berriak agertu ostean izandako bilakaera

Familia enpresa 1986an sortu zen eta, bere hastapenetan, interiorismoan espezializatu zen. Baina material berriak agertu ondoren (altzairu herdoilgaitza edo korten altzairua, esaterako), enpresen mantentze-lanetara eta obra zibiletara zabaldu zuen beren jarduera. Gaur egun, industria, eraikuntza eta dekorazio sektoreetan jarduten du. “Partikularrei zein enpresa pribatuei egiten dizkiegu lanak, finken administratzaileak eta administrazio publikoak barne”, esan du konpainiaren ordezkariak. 

Urtean 1,8 milioi euro inguruko fakturazioarekin, bere jarduera-eremua Euskal Autonomia Erkidegoa da, batez ere Gipuzkoa. “Nahiz eta alboko probintzietan ere egiten ditugun lanak”, aipatu du Caballerok. 

Euskal enpresak 24 langile ditu gaur egun. “Plantilla handitzeko aukera merkatuak markatuko du. Azken bost urteetan % 100 baino gehiago hazi gara”, azpimarratu du gerenteak. 

Andoaingo konpainiak SPRI taldearen Hazinnova programan parte hartu du. “Esperientzia ona izan da, gure barne-prozesuak optimizatzen lagundu baitigu”, onartu du David Caballerok. 

Gerentearen arabera, Herrería Zaldigainen etorkizuneko helburuak dira “eraikuntzaren sektoreko negozio-bolumenari eustea eta, aldi berean, industriaren sektorean eta, batez ere, dekorazioaren sektorean hazten jarraitzea”. 

Euskal enpresen artean berrikuntza bultzatzeko, enpresa txiki eta ertainetatik konpainia handietaraino, SPRI Taldeak Hazinnova, BDHI Konexio edo Innobideak bezalako berrikuntzarako programak eta laguntzak ditu.   

Lotutako albisteak

12 ekaina, 2024 Berrikuntza
aerOS, AI Redgio 5.0, Women TechEU, WASABI eta CIRCULOOS proiektuek euren hurrengo Open Call ekimenak aurkeztu dituzte ur-jauziko finantzaketari buruzko hirugarren jardunaldian
Irakurri gehiago
11 ekaina, 2024 Berrikuntza
Intermaherrek bezeroei haien makinen bizi-ziklo osoan laguntzeko zerbitzua eskaintzen die
Irakurri gehiago
6 ekaina, 2024 Berrikuntza
Proelek hazi egin da, sektore guztietan zirkuitu elektronikoen eskaria handitu delako
Irakurri gehiago
6 ekaina, 2024 Berrikuntza
Innobasquek adimen artifizialeko eta AA sortzaileko kasu praktikoen deialdia egin du hurrengo Global Innovation Day jardunaldirako
Irakurri gehiago
30 maiatza, 2024 Berrikuntza
‘Sua Jauna’ sistema, 24 orduz sukaldean dagoen suhiltzailea
Irakurri gehiago
Joan blog-era

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?
// Kanal espezializatuak

Jarrai iezaguzu. Kanal espezializatuak
eta eguneroko berriak