Gure Balioak” sariketa: balore sozialak sustatzen dituzten bizitzak

2 uztaila, 2019

 

Sariketa honek aitortza egiten die Debabarrenako garapen sostengarria sustatzen duten pertsona eta erakundeei

 

Gure Balioak sariketaren helburua da aitorpena egitea Debabarrenako gizarte-, ingurumen- eta kohesio-baloreak sustatzen dituzten pertsona eta antolakundeen lanari. Debegesa Eskualde Garapeneko Agentziak urtero antolatzen duen sariketa honek kontuan hartzen ditu lau baloregatik nabarmentzen diren ibilbideak: integritatea, errespetua, ekintzailetza eta lankidetza-elkarlana.

 

Zabalik dago 10. ediziorako deialdia eta uztailaren 14ra arte aurkeztu daitezke hautagaitzak Agentziaren webgunean. Lehenengoz 2010ean egin zen ekimen honek helburutzat du balore sozialak indartzea aurrera egiteko Debabarrenako garapen sostengarriranzko bidean, bai ikuspegi ekonomikotik, bai ikuspegi sozialetik eta baita ere ingurumen ikuspegitik.

 

Hala, “Gure Balioak” sariketaren asmoa da balore horiek sustatzea eskualdean, gizartea sentsibilizatzea garapen sostengarriak duen garrantziaren inguruan eta aitortza egitea beren ibilbide pertsonal edo profesionaletan garapen sostengarria sustatu duten pertsonen lanari. Hautagaitzak eragile sozialei zuzentzen zaizkie eta eragile horiek izan daitezke hiritarrak, enpresa mundukoak, elkarteetakoak, hezkuntzakoak edo ikerketakoak.

 

Hautagaiek hiru baldintza bete behar dituzte parte hartu ahal izateko: Debabarrenakoak izatea edo beren bizitza eskualdean garatu izana, bere baloreengatik nabarmentzen den ibilbide bat izatea eta eskualdearen garapenean inplikatuta egotea. Saria emateko, epaimahaiak hainbat irizpide hartuko ditu kontuan, hala nola, etika eta erantzukizun soziala, aniztasuna sustatzea, espiritu kritikoa, sormena, konpromisoa eta elkartasuna.

 

Aurreko edizioetako sarituen artean daude Julen Zabaleta Barrenetxea marrazkilaria, zeinak bizitza osoa igaro baitu Debabarrenako aberastasun historiko eta arkitektonikoa ilustratzen; Felix Etxeberria Larrañaga ekintzailea, euskara sustatzeko egin duen lanagatik; eta Nerea del Campo Aguirre, genero indarkeriaren biktimei laguntzeko Mujeres al cuadrado elkartearen eta emakume migratzaileak ahalduntzeko Empalabramiento proiektuaren sortzaileetako bat.

 

Debabarrena Garapen Agentzia Debabarrena eskualdeko zortzi udalek partaidetutako sozietate bat da: Eibar, Elgoibar, Deba, Mutriku, Soraluze, Mendaro, Ermua eta Mallabia. Erakundearen helburua da eskualdeko hazkunde sostengarria bultzatzea, bertako giza baliabide eta baliabide materialak sustatuz.