Donostialdea, Tolosaldea eta Bidasoa Behereko 61 enpresak jaso dute enpresa berritzailearen Hazinnova akreditazioa

• Hazinnovak doako aholkularitza-zerbitzua eskaintzen die Euskadiko ETEei berrikuntza ez teknologikoari buruz, lehiakorragoak izan daitezen
• Urnietako ekitaldi hau EAEko hainbat eskualdetan egiten ari diren bost topaketen parte da, eta beren bitartez EAEko 321 ETEk berrikuntzaren euskal ekosisteman sartzeko egindako ahalegina aitortzen ari dira

Donostialdea, Tolosaldea eta Bidasoa Behereko 61 enpresak enpresa berritzailearen ziurtagiria jaso dute, Eusko Jaurlaritzako Ekonomiaren Garapen, Jasangarritasun eta Ingurumen Sailaren, SPRIren eta Innobasque-Berrikuntzaren Euskal Agentziaren eskutik. Ziurtagiria jaso duten enpresa horiek berrikuntza ez teknologikoko mikro-proiektuak ezarri dituzte beren erakundeetan merkatuan duten posizioa hobetzeko.

Ziurtagiri honen banaketa-ekitaldia gaur goizean egin da Iparlaten instalazioetan, Urnietan, eta bertan izan dira Aitor Urzelai, SPRIko zuzendari nagusia eta Gotzon Bernaola, Innobasque-Berrikuntzaren Euskal Agentziaren Enpresa Berrikuntzako koordinatzaile nagusia.

Urnietako jardunaldi hau EAEko hainbat eskualdetan egiten ari den bost topaketako zirkuitu baten parte da. Bertan, EAEko 321 enpresa txiki eta ertainek berrikuntzaren euskal ekosisteman sartzeko egindako ahalegina aitortzen da.

Topaketa honetan, ETEen ondoan izan dira sareko tokiko agenteen ordezkariak, laguntzaile izan dituztenak berrikuntzako mikro-proiektuen ezarpen-prozesuan: AFM, Beterri-Buruntza Udalak-Andoaingo Udala, Bidasoa Activa, Bizkaiko Merkataritza Ganbera, AFM, Elikadura Klusterra, Mugikortasun eta Logistika Klusterra, Euskadiko ekipamenduaren, altzarien eta diseinuaren klusterra, Habic, Arrantzako Tokiko Ekintza Taldea (GALP), Oarsoaldea, Tolosaldea eta Siderex.

Ziurtagiri hau gaur jaso duten Donostialdea, Tolosaldea eta Bidasoa Behereko enpresa txiki eta ertainek 74 proiektu osatu dituzte Hazinnova 2022 deialdiaren bidez. Berrikuntzak produktuetan zein negozio-prozesuetan, fabrikazioan, logistikan, merkaturatzean, administrazioan edo finantzetan egin dituzte.

Banaketa-ekitaldiaren ondoren, berrikuntzako kasu praktikoak aurkeztu dira. Horietan, Hazinnova 2022 programan parte hartu zuten enpresetako hiruk beren esperientzia praktikoak eta lortutako emaitzak partekatu dituzte: Iparlat, esnekien eta edari begetalen fabrikatzailea, Urnietan kokatua, Atearen txokoa, egurrezko ateak fabrikatzen, dekoratzen eta jartzen dituen Urnietako enpresa, eta Forest Pioneer, Irunen egoitza duen eta basogintza sektorean zentratua dagoen enpresa taldea.

Uztailaren 13an, Gipuzkoako beste 38 enpresak Hazinnova ziurtagiria jasoko dute Azpeitian, EAEko hainbat herritan egiten ari den birari amaiera emateko.

2022ko deialdian, Hazinnova programak 2.760.000 euroko aurrekontua izan du.

Hazinnova 2023 deialdia

Hazinnova 2023 deialdia zabalik dago jada eta interesa duten enpresa berriek urriaren 26ra arte eskatu ahal izango dituzte laguntzak. Programak 2,7 milioi euroko aurrekontua du esleituta urte honetarako.

HAUEXEK DIRA HAZINNOVA ZIURTAGIRIA JASO DUTEN DONOSTIALDEA ETA BIDASOA BEHEREKO 53 ENPRESAK

DONOSTIALDEA

BIDASOA BEHEREA

TOLOSALDEA

Lotutako albisteak

15 maiatza, 2024 Berrikuntza

Saizarlan, kartoizko kaxen plastikozko heldulekuak biodegradagarriak izateko proiektu berritzailea garatzen ari den ETEa

Irakurri gehiago

15 maiatza, 2024 Berrikuntza

Lan-Flaten doitasun handiko granitozko neurketa-ekipamenduak garatzen dira

Irakurri gehiago

14 maiatza, 2024 Berrikuntza

Sustatu berrikuntza-proiektuak zure enpresan Fast Track Innobideak ekimenarekin

Irakurri gehiago

8 maiatza, 2024 Berrikuntza

Innoledge, berrasmatzea eta egokitzea nortasun-ezaugarri gisa

Irakurri gehiago

6 maiatza, 2024 Berrikuntza

SPRI Taldeak ADR Foroaren bileran parte hartu du Ceutan

Irakurri gehiago

Joan blog-era