Joan blog-era Euskal enpresaren blog-a

Zure enpresarentzat garrantzitsua den eguneroko informazioa

Albisteak 19 iraila, 2019 Digitalizazioa Zibersegurtasuna Basque Cybersecurity Center (BCSC) Industria adimenduna Smart Industry Programa

Zibersegurtasuneko Euskal Zentroak kontzientziazio jardunaldi bat antolatu du Lanbide Heziketa arloko zuzendariak kontzientziatzeko

2018tik, Hezkuntza Sailak eta zentroak irakasleei zibersegurtasun arloko prestakuntza emateko ekimenak sustatu ditu

2018tik, Hezkuntza Sailak eta zentroak irakasleei zibersegurtasun arloko prestakuntza emateko ekimenak sustatu ditu

Zibersegurtasunerako Euskal Zentroak, Eusko Jaurlaritzaren Hezkuntza Sailarekin batera, kontzientziazio jardunaldi bat antolatu du ostegunean, Lanbide Heziketa arloko langileei zuzenduta. Ekitaldian Lanbide Heziketa zentroetako zuzendariak izan dira, eta hainbat gai landu dituzte; hala nola, zibersegurtasunaren egungo egoera Euskadin (mehatxuak eta arriskuak barne), esku artean ditugun aukerak eta etorkizunera begirakoak, eta batez ere, Lanbide Heziketak profesional kualifikatuak prestatzeko orduan dauka egiteko garrantzitsua.

 

Jardunaldia bukatzeko, Zibersegurtasunerako Euskal Zentrora bisita egin da, Arabako Parke Teknologikoan. Bertan azaldu zaie zein den zentroaren egitekoa eta nola lagun dezakeen zibermehatxuen aurrean prestatuago dagoen gizarte bat egiten; gizarte seguruago bat, alegia.

 

Ziberkrimena negozio profesionalizatu bihurtu da azken urteetan. Hori horrela izanik, erabiltzen dituzten teknika, taktika eta prozedurak etengabe garatzen ari dira, eta horrek asko zailtzen du zibersegurtasun arloko langileen lana. Sagua eta katuaren arteko jokoa da.

 

Etekin ekonomikoak lortzeko asmoz, zibergaizkileak lehen aritzen ez ziren esparruetan ere sartzen ari dira, hala nola, Industrian.  Beraz, gaur egun eskaera handia dago sektore horretako profesionalen aldetik, eta, aurreikuspen guztien arabera, joera hori mantendu egingo da.

 

Egoera horri erantzuna eman ahal izateko, Eusko Jaurlaritza hainbat ekimen babesten ari da, bestelako organismo publiko eta pribatu batzuen bidez, adingabeen zibersegurtasun arloko bokazioa sortzeko.

 

2018an, Hezkuntza Sailak eta Zibersegurtasunerako Euskal Zentroak arlo horretako prestakuntza programa bat jarri zuten martxan. Helburua da irakasleek aspektu horiek beren informatika programetan txertatzea, ikuspuntu praktiko batetik. Horrela, ikasle horiek baliabide gehiago izango dituzte lan merkatuan.

 

Era berean, zentroak CyberHaurrak izeneko programa ere garatu du. Horren baitan, adingabe, irakasle eta guraso elkarteei zuzendutako kontzientziazio jardunaldiak ematen dira, eta lanbide heziketako zentroekin zuzenean lan egiten da, honakoekin, esaterako: Maristak-Durango Ikastetxea, IES Xabier Zubiri Manteo BHI e IES UNI Eibar-Ermua. Asmoa da ekimen horietan dabiltzan ikasleen lan aukerak erraztea.

Lotutako albisteak

18 iraila, 2024 Azpiegiturak
Mikel Jauregi: “Industria gehiago, industria hobea eta isuri gutxiago” dira Euskadiren etorkizuneko ongizatearen eta kalitateko enpleguaren oinarriak
Irakurri gehiago
11 iraila, 2024 Digitalizazioa
Barnetegi Teknologikoak: AA Sortzailea, Chat GPT eta Power BI hasieratik amaierara
Irakurri gehiago
3 iraila, 2024 Digitalizazioa
Onenprok neurrira egindako softwarea garatzen du barne-prozesuak digitalizatzeko
Irakurri gehiago
2 iraila, 2024 Digitalizazioa
Hobetu zure enpresaren konektibitatea, eraldaketa digitala bultzatzeko
Irakurri gehiago
2 iraila, 2024 Digitalizazioa
Arson Metering, uraren eta gasaren kudeaketa eraginkorragorako tele-irakurketa
Irakurri gehiago
Joan blog-era

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?
// Kanal espezializatuak

Jarrai iezaguzu. Kanal espezializatuak
eta eguneroko berriak