Euskal enpresaren blog-a Zure enpresarentzat garrantzitsua den eguneroko informazioa

26 ekaina, 2020
SPRI Taldeak zibersegurtasunaren euskal ekosistema aurkeztu du Eslovakian

Nazioartekotzeko Euskal Agentziak eta Zibersegurtasuneko Euskal Zentroak -biak SPRI Taldean integratuak- zibersegurtasunaren euskal ekosistema aurkeztu dute Eslovakian, Euskadik Pragan daukan Txekia eta Eslovakiarako bulegoak antolatutako jardunaldi birtual batean

Nazioartekotzeko Euskal Agentziak eta Zibersegurtasuneko Euskal Zentroak -biak SPRI Taldean integratuak- zibersegurtasunaren euskal ekosistema aurkeztu dute Eslovakian, Euskadik Pragan daukan Txekia eta Eslovakiarako bulegoak antolatutako jardunaldi birtual batean. Horretarako, laguntzaile izan dute SARIO (Eslovakiako Gobernuko Inbertsioen eta Merkataritzaren Garapenerako Agentzia), iragan urte hauetan lankide dutena.

 

Eslovakia nahiko merkatu heldua da IT eta zibersegurtasun arloan, eta baditu nazioarteko pisua duten tokiko enpresa batzuk, hala nola ESET. Aipatzekoa da IKTen sektoreak ia 50.000 pertsona enplegatzen dituela, BPGan industriaren portzentaje handiena duen herrialdea dela, munduko per capita auto fabrikatzaile handiena, eta 10.000 langile bakoitzeko robot industrial gehien dauzkan herrialdeetako bat. Gainera, badauzka linea-integratzaile propioak eta herrialde askotan erabiltzen diren nazioarteko robotak.

 

Sektore horien kontzentrazio handiak nahasketa interesgarri bat eskaintzen du, eta Eslovakia merkatu potentzial bihurtzen du zibersegurtasunarekin eta 4.0 industriarekin lotutako teknologiak eskaintzen dituzten euskal hornitzaileentzat.

 

Eslovakiak interesa agertu du BIND 4.0 eta BDIH bezalako ekimenetan eta nazioarteko proiekzioa duten eta Eslovakiako merkatuan interesatuta dauden zibersegurtasun sektoreko euskal enpresetan; hala, alderdi biek elkarrekin lan egingo dute urtearen azken hiruhilekoan ekintza zehatzak antolatzeko eta aldebiko lankidetza indartzeko.

 

Bideokonferentzian parte hartu dute Javier Dieguezek, Basque Cybersecurity Centre-ko zuzendariak; Gabriel Fedorko-k, Eslovakiako IT elkarteko idazkariak; David Dvořák-ek, SOITRON konpainiako IT Advisory Manager-ak; Stanislava Plascencia-k, SARIOko inbertsio proiektuetako senior aholkulariak; eta Martin Uhnak-ek, Berrikuntzako Ekonomiaren aldeko Eslovakiako Aliantzako zuzendari exekutiboak.

Basque Industry 4.0 2 abendua, 2020
IKERLAN nazioarteko proiektu bat gidatzen ari da Adimen Artifiziala aplikatzeko makinen “autodiagnostikoan”

  FRACTAL nazioarteko proiektu bat da, BRTAko (Basque Research & Technology Alliance)...Leer más

CounterCraftek NATOren zibererasoen aurkako Defentsa Aktiboko proiektu batean parte hartzen du

CounterCraft cyber deception teknologiaren bidez defentsa aktiboan espezializatutako euskal enpresa...Leer más

Basque Industry 4.0 1 abendua, 2020
Versia-k Blockchain, IoT eta machine learning bezalako teknologiak erabiltzen ditu bere bezeroen prozesuak hobetzeko

  Versia-k 30 urte bete ditu IKTen sektorean datu esanguratsuekin. Barakaldora eraman dute...Leer más

Basque Industry 4.0 26 Azaroa, 2020
Arabako dozena bat enpresak elkarrekin partekatuko dituzte pandemiaren krisiari aurre egiteko digitalizazio-planak

  Dozena bat enpresak abenduan aurkeztuko dituzte Covid-19aren krisiari aurre egiteko...Leer más

Ideko
Basque Industry 4.0 25 Azaroa, 2020
Robotika aurreratua pieza metaliko konplexuetan eskuzko lixatzea alde batera uzteko eta akabera automatizatuetara pasatzeko

BRTA aliantzako kide den Ideko zentro teknologikoak ARGRIND proiektuan parte hartu du. Sistema...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?