SPRI Taldeko zuzendari nagusi Alex Arriolak jakinarazi du abian jarriko dela zibersegurtasun industrialerako lehen laguntza-programa
Zibersegurtasuna ari da sustraitzen Euskadiko industria sektorean, baina bide luzea dauka oraindik egiteko. Basque Cybersecurity Centre (BCSC) eta SPRI Taldeak ingurune industrialetako zibersegurtasunari buruzko esperientziak eta kasu arrakastatsuak trukatzeko antolatutako IndusSec2018 Kongresuan argi adierazi da zibersegurtasuna ezartzeko giltzarrietako bat dela kontzientziazioa eta langileak prestatzea.
“Garrantzitsuena da elkarrekin lan egitea, gure azpiegiturei ahalik eta ikusgarritasun handiena ematea eta zibersegurtasuna prozesu osoan txertatzea, hasi edozein proiekturen diseinutik eta eraikuntza eta operazio faseraino” adierazi du Ihacklabs erakundeko Samuel Linaresek Ideo-Oronak Hernanin duen egoitzan egin den jardunaldian.
SPRI Taldeko zuzendari nagusi Alex Arriolak eman dio hasiera kongresuari, non jakinarazi baitu abian jarriko dela Zibersegurtasun Industrialerako lehen laguntza-programa, manufakturako enpresa industrialetako IT/OT inguruneetan (Information Technology/Operational Technology) zibererasoetatik babesteko sistemen konbergentzia eta integrazioa lantzen duten proiektuei zuzendua dagoena.
BCSCko zuzendari Javier Diéguezek ere parte hartu du kongresuan eta aipatu du zentro berriak, zerbitzu hori eskaintzeaz gain, laguntza eman nahi diela euskal enpresei merkatu-nitxo berri horretan sar daitezen.
Samuel Linares adituak esan du enpresek babestuta egon behar dutela, baina ez bakarrik enpresek baita ere ekosistemak, zeren “azpiegitura kritiko bat (energia edo ura adibidez) erasoz gero, ondorioak suntsitzaileak izan baitaitezke. Gaineratu du zibersegurtasuna dela “gure babesaren zutabeetako bat, lan eta ingurumen arloko segurtasunarekin, segurtasun fisikoarekin eta operazioetarako segurtasunarekin batera”, eta babesaren arlo horretan “ezin dela norbere kabuz aurrera egin”. Pertsonak dira gakoa. Arlo horretan prestatutako profesionalak behar dira”.
Bere iritziz, funtsezkoa da elkarlana, azpiegiturei ahalik eta ikusgarritasun handiena ematea, eta zibersegurtasuna txertatzea prozesu osoan, hasi edozein proiekturen diseinutik eta eraikuntza eta operazio faseraino. “Zenbat eta lehenago hasi zibersegurtasuna aplikatzen, orduan eta diru gehiago aurreztuko dugu. Prestakuntza eta entrenamendua eman behar zaie pertsonei” errepikatu du.
Innotec System enpresan aholkulari eta zibersegurtasun industrialeko ingeniari den Edorta Echavek azpimarratu du enpresa industrialetako kudeaketa- eta produkzio-taldeek bat egin behar dutela, nahiz eta tradizionalki ez duten izan ia inolako loturarik. “Segurtasun industriala lortzeko diziplina anitzeko taldeak behar dira”.
Siemens enpresako zibersegurtasun industrialeko zuzendari Ignacio Álvarezek ere esan du beharrezkoa dela enpresa industrialetako kudeaketa- eta produkzio-taldeen lankidetza. “Aro berri batean sartu gara, 4.0 Industriaren aroan, non negozio-eredu berriak baitauzkagu eta non ez baitugu makinarik erosiko, baizik alokatuko; lagatzeagatik eta erabiltzeagatik ordainduko dugu, baina makinak konektatuta egongo dira, eta horregatik da beharrezkoa zibersegurtasuna”.
IndusSec kongresuan mahai-inguru bat egin da, aztertzeko euskal enpresak prest dauden zibersegurtasun mehatxuei aurre egiteko. Bertan parte hartu dute David Imizcozek (Nextel), Hugo Llanosek (LKS), Mikel Díaz de Arcayak (Jakincode), Alvaro Frailek (ITS), Iñaki Eguiak (RKL Integral) eta Elyoenai Egozcuek (S21sec).
SPRI Taldeak (enpresen garapenerako euskal agentziak) urtero antolatzen duen Indussec...Leer más
Partekatu
SPRI Taldeko zuzendari nagusi Aitor Urzelaik ostegun honetan eman die hasiera Ekonomi...Leer más
Partekatu
Enpresa txiki eta ertainen eraldaketa digitala bultzatzea funtsezkoa izango da COVID-19aren...Leer más
Partekatu
CLcircular enpresaren proiektua planeta babesten duten horietako bat da. 2019an sortua,...Leer más
Partekatu
I+G+b zentroetatik enpresei teknologia transferitzeko garatzen ari diren...Leer más
PartekatuEguneroko informazioa, jarduera-sektoreka eta intereseko
hartzeko.
ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.
Interesgarria, ezta?