Ikusmen artifiziala, kalitate-ikuskapena optimizatzeko

9 urtarrila, 2020
Proiektuak SPRIren Basque Industry 4.0 programari atxikitako finantzaketa lortu du

Vicomtech-ek Ekin enpresak fabrikatzen dituen brotxen ikuskapen-prozesua automatizatzeko sistema garatu du. Proiektuak SPRIren Basque Industry 4.0 programaren finantzaketa lortu du

Vicomtech euskal zentro teknologikoak ikusmen artifizialean oinarritutako automatizazio-sistema garatu du Ekin fabrikatzailearen brotxaketa arloko soluzioak ikuskatzeko, prozesuaren kudeaketa erraztuz eta brotxa bakoitzaren ekoizpen-kostuak murriztuz.

 

Enpresa bizkaitarrak garatzen dituen brotxagailuak barra-barra erabiltzen dituzte sektore energetikoak, aeroespazialak eta automobilgintzak irisgarritasun zaileko azalak lantzeko. Orain arte, Ekinek eskuz egiten zuen makinan txertatutako brotxen ikuskapena, eta zehaztasun handiko lan honek bi ordu ere iraun zezakeen. Horren aldean, Vicomtechek garatutako sistemak brotxa bakoitzaren azaleko akatsak bereiz ditzakeen analisi-software espezializatua du, piezen ikuskapena hobetu eta errazteko.

Erlazionatutako artikuluak

Orobat interesa dakizuke

View all arrow