Enpresa-garapenerako
euskal agentzia
Enpresa-garapenerako
euskal agentzia
Euskal ordezkaritzak Stanfordeko Unibertsitatea eta Google bisitatu ditu
Adimen Artifiziala, Errealitate Birtuala edo Errealitate Handitua bezalako 4.0 teknologiak izan dira egunean zehar aztertu diren gai nagusiak
Estatu Batuetako mendebaldera egiten ari den bidaiaren lehen egunean, Eusko Jaurlaritzako ordezkaritzak 4.0 teknologiak eta ekintzailetza izan ditu ardatz.
Ekonomiaren Garapen eta Azpiegitura sailburuak Sillicon Valleyko hogei bat start-upei ezagutzera eman die BIND 4.0 enpresen azeleraziorako programa. Ekintzaileekin eginiko topaketan programaren hurrengo edizioan parte hartzera animatu ditu, Californiako teknologiarik aurreratu eta puntakoenak euskal industriaren garapena bultzatu dezaten. Programa oso ondo hartua izan da eta bertaratutakoek Euskadiko ekosistemaren balioa eta enpresa-kultura aitortu dituzte.
Topaketan, sailburuarekin batera Estatu Batuetan Eusko Jaurlaritzaren delegazioko Jorge Fernandez, Teknologia eta Berrikunza sailburuordea Estibaliz Hernaez, SPRIko zuzendari nagusia Alex Arriola, Euskal Nazioartekotze Agentziak Washintonen duen bulegoko zuzendariak Jurdana Izagirrek eta Zibersegurtasun Zentroaren zuzendariak Javier Dieguezek parte hartu dute.
Stanfordeko Unibertsitatea
Goizean, euskal ordezkaritzak bilera egin du Stanfordeko Unibertsitateko Adimen Artifizialeko Laborategian, mundu mailan alor hau lantzen duen laborategirik garrantzitsuenean. Laborategia gidatzen duen Christoopher Manning irakasleak azaldu duenez, gaur egun Unibertsitateak Adimen Artifiziala gizakia ardatz lantzen du.
Bileran zehar Adimen Artifizialaren aplikazio ezberdinak aztertu dira, Euskadiko Zentro Teknologikoetan ere lantzen ari direnak: automobilgintza eta gidatze autonomoa; robotika; osasunaren alorra; eta lengoaiaren alorrean, gure kasuan Euskara ardatz, itzulpen automatikoen sistemak hobetzeko.
Jaurlaritzatik sortu berria den BRTA kontsortzioarekin ahalmenak zeintzuk diren azaldu dira eta etorkizunean lankidetza bideak adosteko aukera zabaldu da. Lankidetza horriek helburu hauek izago ditu: I+G proiektuak partekatzea, ikerlari trukea ahalbidetzea, doktore ikasketak egiten ari diren ikasleen egoitzak erraztea, edo industriari zuzendutako Adimen Artifiziala ardatz industriari zuzendutako proiektuak elkarrekin lantzea.
Googleren eraikin nagusienetako bat ere ikusi ahal izan du Euskal ordezkaritzak, multinazionalean lan egiten duen Iker Jamardo Software Ingeniari Seniorraren laguntzarekin. Jamardo Daydream taldeko partaide da, eta Errealitate Birtuala nahiz Errealitatea Handitua lantzen ditu.
Elkarrengandik gertu dauden bi teknologia hauen aplikazioa aztertu dute bileran, baina ez bakarrik enpresa munduaren esparruan, baita pertsona guztien egunerokoan zabaltzen dituen aukeren inguruan ere.
Googlek gaur egun bulegoak ditu bost kontinenteetan eta 95.000 pertsonek egiten dute lan bertan.
Energiako euskal enpresak Ekialdeko kostan
Mendebaldeko kostaldean bidaia egiten ari den aldi berean, enpresa-ordezkaritza bat Javier Zarraonandia Industria sailburuordea buru, Siemens Gamesak Bostonen duen egoitzara bisita egin dute eta Iparramerikako ekialdeko kostaldean egiten ari diren hainbat proiektu eoliko offshore aztertu ahal izan dituzte.
Enpresek inguru horretan zabaldu daitezkeen negozio aukerak ezagutu nahi izan dituzte eta proiektu guztietan digitalizazioak duen garrantzia ere baieztatu ahal izan dute. Bileran gainera etorkizunean landu daitezkeen elkarlanerako aukerak aztertu dituzte.
Euskaditik bidaia honetan parte hartzen ari diren enpresak hauek dira: Erreka, Euskabea, Ibermática, Idom, Nautilus, Ormazabal, Saitec eta ZIV.
Hemen aurki ditzakezu gure ekitaldiak, argitalpenak eta eduki guztiak.
