Eraldaketa digitala Nazioartekotzea
Albisteak 13 iraila, 2019

Euskadi EMO 2019ra doa bi helbururekin: euskal enpresak indartzea eta lehentasunezko merkatu bat den Alemaniaren egungo egoera aztertzea

Arantxa Tapia sailburua, datorren astean, AFM klusterraren eskutik EMOra doazen makina-erremintako 45 euskal enpresekin batera joango da
-

Arantxa Tapia sailburua, datorren astean, AFM klusterraren eskutik EMOra doazen makina-erremintako 45 euskal enpresekin batera joango da.

Euskal ordezkaritzak in situ analizatuko du Alemaniako egoera ekonomikoa, Euskal Autonomia Erkidegoaren interesentzat lehentasunezko merkatu bat baita.

Arantxa Tapia sailburua datorren astean bi helbururekin Alemania bisitatuko duen instituzio- eta enpresa-misioaren buru izango da. Lehenik, AFM klusterraren eskutik EMOra doazen makina-erremintako 45 euskal enpresekin batera joango da. Aurten, bere standen artean Basque Industry 4.0 marka izango dute, fabrikazio aurreratuko euskal estrategia sustatzeko. Marka hori dagoeneko ezaguna eta aintzatetsia da Hannoverren, azken hiru urteetan Messe erakustazokan parte hartu baitu.

 

Bigarren helburuak lotura estua du Europako egungo egoerarekin, eta euskal ordezkaritzari aukera emango dio in situ analizatzeko Alemaniako egungo egoera ekonomikoa, Euskal Autonomia Erkidegoaren interesentzat lehentasunezko merkatu bat baita.

 

EMO erakustazoka bienala irailaren 16tik 21era bitartean egingo da Hannoverren. Munduko erakustazoka handiena da fabrikazio aurreratuan. 47 herrialdetako 2.000 erakustoki baino gehiago ditu, eta euskal ordezkaritzak guztira 5.420 m² hartuko ditu, erakustokiaren barrutiko pabiloietan banatuta.

 

“Etorkizuneko produkzioa bultzatzen duten teknologia adimendunak” da EMOren aurtengo ediziorako aukeratutako goiburua. Erakusketa bienal horrek lehiakortasun industrialean funtsezkoak diren fabrikazio-teknologien sorta osoa erakutsiko du. Ingurugiro honetan gainera sailburuak BECeko arduradunek egingo duten BIEMH 2020eko aurkezpenean parte hartuko du. Javier Zarraonandia Industria sailburuak eta Alex Arriola SPRIko zuzendari nagusiak osatuko dute Euskadiko ordezkaritza Hannoverreko EMO erakusketan.

 

EMO erakustazokaren ondoren, fabrikazio aurreratuaren hurrengo zita Basque Industry 4.0 – The Meeting Point izango da. Azaroaren 20an eta 21ean egingo da BECen. Zibersegurtasuna, 4.0 industria, startupak, enpresak eta BRTAko teknologia-guneak izango dira jardunaldien protagonista.

 

Euskadiren eta Alemaniaren arteko merkataritza-harremana

Bidaian zehar ordekaritzak ahalegin berezia egingo du Alemaniak bizi duen egoera ekonomikoa gertutik aztertzeko, hau baita Euskadirentzat merkaturik garrantzitsuenetakoa. Gaur egun, 90 euskal enpresa daude ezarrita Alemanian. Horietatik 66 merkataritzakoak dira, eta 24 produkziokoak. Hala, Alemania zortzigarren tokian dago herrialdeen sailkapenean, euskal ezarpen kopuruari dagokionez. Bestalde, Alemanian dauden Euskal Autonomia Erkidegoko enpresa traktoreek, funtsean, sektore hauetan dihardute: automobilgintza, elektrizitatea, energia, makina-erreminta, metala, automatizazioa eta hondakinak.

 

Gainera, Euskal Autonomia Erkidegoan 70 bat enpresa alemaniar daude ezarrita (makina-erreminta, automobilgintza, etab.), zuzenean nahiz euskal enpresekin hitzartutako joint ventures direlakoen bitartez.

 

Alemania Euskal Autonomia Erkidegoaren esportazioen bigarren helmuga da, Frantziaren atzetik.

 

Bai Euskal Autonomia Erkidegoa, bai Alemania, sendo industrializatutako ekonomiak dira. Izan ere, Alemaniako BPG industriala (eraikuntza kenduta) produkzio osoaren % 25,6 da (% 24,3 Euskal Autonomia Erkidegoan). Erreferentzia gisa, Europan askoz ere txikiagoa da, % 19,6.

 

Bi lurraldeetako enpresa-ehuna oso antzekoa da osaerari dagokionez. Izan ere, bi kasuetan, enpresen % 99 baino gehiago ETEak dira, 250 langile baino gutxiagoko enpresak. Aldea honetan datza: Alemanian enpresa ertainak (50 eta 249 enplegatu artekoak) dira nagusi, eta Euskal Autonomia Erkidegoan, berriz, ETE gehien-gehienak (% 93 inguru) 50 langile baino gutxiagokoak dira.

 

Bestalde, badituzte antzekotasunak ere funtsezko sektore ekonomikoetan, eta horrek erraztu egiten du lankidetza eta merkataritza eta, aldi berean, bi herrialdeen arteko lehiakortasuna eta eskakizun-maila areagotzen du. Bien industriaren bereizgarri espezializazioa, kalitatea eta doitasuna dira.

Lotutako albisteak

Europar  Batasunak  Itsaso  Beltzean  egonkortasuna,  garapena  eta  jasangarritasuna  bultzatzeko  plana  aurkeztu  du
12/07/2025 Nazioartekotzea

Europar Batasunak Itsaso Beltzean egonkortasuna, garapena eta jasangarritasuna bultzatzeko plana aurkeztu du

Estrategia Europako beste politika batzuekin koordinatuta garatuko da, EB zabaltzeko prozesua, Ekialdeko Elkartea eta Global Gateway estrategia barne.

Europar  Batasuna  eta  Arabiar  Emirerri  Batuak  negoziatzen  hasiak  dira  Golkoko  lehen  merkataritza-akordio  integrala  lortzeko
11/07/2025 Nazioartekotzea

Europar Batasuna eta Arabiar Emirerri Batuak negoziatzen hasiak dira Golkoko lehen merkataritza-akordio integrala lortzeko

Ondasun eta zerbitzuen merkataritza erraztu, inbertsioa sustatu eta merkataritza digitalaren garapena bultzatzea da negoziazio-prozesuaren helburua

KAUDATU:  Euskal  enpresentzako  digitalizazio  seguru  eta  jasangarria

KAUDATU: Euskal enpresentzako digitalizazio seguru eta jasangarria

KAUDATUren web plataforma errazten du eIDAS 2 araudian oinarritutako digitalizazioa, eta enpresei eskaintzen dizkie lege-betekizunak eta datuen pribatutasuna betetzeko beharrezko tresnak, digitalizazio arduratsu baterantz aurrera egiteko bidean

1M  €-rainoko  laguntza  ematen  dizugu  zure  enpresa  2025  Nazioarteko  Gauzatu  programarekin  nazioartera  zabaltzeko
11/07/2025 Finantziazioa

1M €-rainoko laguntza ematen dizugu zure enpresa 2025 Nazioarteko Gauzatu programarekin nazioartera zabaltzeko

Nazioarteko Gauzatu programak nazioartekotzeko estrategiak garatzeko aukera ematen die euskal enpresei, eskatutako inbertsioei ekiteko baliabideekin eta finantzaketarekin hornituz. Interesik gabeko kredituak eskaintzen ditu, 1M euro artekoak, atzerrian instalazioak ireki, handitu edo berritzeko. Laguntza hau eskatzeko epea uztailaren 15ean hasteko da eta azaroaren 11an amaituko da.

Europako  Batzordeak  muga-zergak  ezarri  dizkio  Txinako  latorriari,  ‘dumping’  praktikak  detektatu  ondoren
10/07/2025 Nazioartekotzea

Europako Batzordeak muga-zergak ezarri dizkio Txinako latorriari, ‘dumping’ praktikak detektatu ondoren

Erabakia Bruselak hasitako ikerketaren ondoren hartu da, Europar Batasuneko ekoizleei eragindako kalteak identifikatuta.

Aurrekontuak  berriro  zabalduko  ditugu,  adimen  artifizialeko  teknologiak  barne  hartzen  dituzten  eta  Euskadiko  enpresen  datuen  azpiegitura  optimizatzen  duten  proiektuak  babesteko.

Aurrekontuak berriro zabalduko ditugu, adimen artifizialeko teknologiak barne hartzen dituzten eta Euskadiko enpresen datuen azpiegitura optimizatzen duten proiektuak babesteko.

Laguntza horiek Europar Batasunak finantzatzen ditu NextGenerationEU berreskuratze-planaren bidez, pandemiak eragindako kalteak konpontzeko eta etorkizun jasangarriago, digitalago eta erresilienteago baten oinarriak ezartzeko. Espainian, funts horiek Berreskurapen, Eraldaketa eta Erresilientzia Planaren bidez kudeatzen dira.

Jauregiren  hitzetan,  “oraindik  aukera  dago  Estatu  Batuekin  merkataritza-akordio  ona  lortzeko”
09/07/2025 Nazioartekotzea

Jauregiren hitzetan, “oraindik aukera dago Estatu Batuekin merkataritza-akordio ona lortzeko”

Pradales Lehendakariaren mezua berretsi du: Euskadi prest dago joan den otsailetik Trumpen muga-zergen mehatxuari aurre egiteko.

Seinalek  enpresei  beren  informazioa  edozein  mehatxuren  aurrean  babesten  laguntzen  die
08/07/2025 Zibersegurtasuna

Seinalek enpresei beren informazioa edozein mehatxuren aurrean babesten laguntzen die

20 urte baino gehiagoko esperientziarekin, Seinale zibersegurtasunean eta Zuzenbide Digitalean espezializatutako konpainia gisa finkatu da

SPRI  Taldeak  adimen  artifizialari  buruzko  sei  tailer  antolatuko  ditu  Euskal  Encounterren

SPRI Taldeak adimen artifizialari buruzko sei tailer antolatuko ditu Euskal Encounterren

Hilabete honetako 24tik 26ra egingo dira eta izen-emateak (doakoak) irekita daude dagoeneko

Europar  Batasuna  Estatu  Batuekin  negoziatzen  ari  da  merkataritza  arloko  akordioa  lortzeko
03/07/2025 Nazioartekotzea

Europar Batasuna Estatu Batuekin negoziatzen ari da merkataritza arloko akordioa lortzeko

Batzordearen esanetan, AEBetako muga-zergek Europak Estatu Batuetara egindako esportazioen % 70i eragiten diete, 382.000 milioi euro inguruko inpaktuarekin.

Joan blogera

Jarrai gaitzazu

Kanal espezializatuak eta eguneroko gaurkotasuna gure sareetan.