Abian jarri da Mexikoko ikasleentzako Mugarik Gabeko Gaikuntza programa

11 iraila, 2019

Industria 4.0ko prestakuntza-proiektuak SPRI Taldearen laguntza du

Mexikoko Guanajuatoko ingeniaritzen eta gradu teknikoen arloko ikasleak  dira Mugarik Gabeko Gaikuntza programaren promozio berria eratzen dutenak; programa hau Industria 4.0ri lotuta dauden trebezia profesionaletan trebatzeko da. Proiektua  Mexikoko Guanajuato estatuaren,  SPRI Taldearen eta Gipuzkoako Foru Aldundiaren akordio bati esker garatu da.

 

Ekimen honen bidez datozen hileetan ikasleen talde batek tailerrak eta praktika profesionalak egingo ditu Lanbide Heziketako Zentroetan eta euskal enpresetan. Helburua industriaren transformazio digitalaren arloko gaitasunak eskuratzea da, besteak beste   IoT teknologiak, errealitate birtuala eta transformazio aditiboa bezalako alderdietan, eta baita kalitate-sistemekin eta  ekintzailetzarekin lotuta dauden ezagutzak ere.

 

Programa Tknika, Zubigune Fundazioa, Lea Artibai  eta CIFP Miguel Altuna LHII hezkuntza-zentroekin lankidetzan garatuko da. Halaber, proiektuan parte hartzen dute CIE, Ecenarro, Elay, Garay, Metagra, Panelfisa  eta RPK euskal konpainiek.

 

Promozio berria Tknika enpresaren instalazioetan ikastaroa aurkezteko egin den jardunaldi batekin hasi da. Ekitaldian esku hartu dute Alex Arriolak, Spriko zuzendari nagusiak, eta Nicolás Sagarzazuk, Lanbide Heziketako Sailburuordetzako Plangintza eta Antolaketa zuzendariak. Halaber aurkezpenean  Mugarik Gabeko Gaikuntza programan parte hartzen duten  zazpi euskal enpresetako eta hezkuntza-zentroetako ordezkariak  egon dira.