Filtros X
Tipos de Posts
Agenda

Joan blog-era Euskal enpresaren blog-a

Zure enpresarentzat garrantzitsua den eguneroko informazioa

Albisteak 22 urria, 2018 Berrikuntza Digitalizazioa Energia Fast Track Innobideak programa Industria adimenduna Ris3 Euskadi Smart Industry Programa

5.0 gizartea, offshore eolika eta automobilgintza Tapiak Japoniara egingo duen erakunde-bidaiaren ardatzak izango dira

Ordezkaritza Gestampek datorren ostegunean Matsusakan inauguratuko duen fabrika berriaren inaugurazioan izango da

 

Ordezkaritza Gestampek datorren ostegunean Matsusakan inauguratuko duen fabrika berriaren inaugurazioan izango da

Sailburua Japoniako Gobernuko Kabineteko eta Ekonomia, Merkataritza eta Industria Ministerioko ordezkariekin bilduko da

 

Arantxa Tapia Ekonomiaren Garapeneko eta Azpiegituretako sailburuak bihar goizean hasiko du erakunde-bidaia Japonian, Asian euskal industriaren kalitatearen eta lehiakortasunaren eta Basque Industry 4.0 politika-estrategiaren berri emateko, eta hainbat sektoretako euskal enpresei merkatuak eta lankidetzarako kanalak irekitzen laguntzeko.

 

Arantxa Tapiak Japoniara, munduko hirugarren ekonomiara eta industria- eta teknologia-arloetan aurreratuen dagoen herrialdeetako bat den horretara, egingo duen bidaiaren helburua honako hau da: zuzenean ezagutzea herrialdeko merkataritzan euskal enpresak sartzeko bide eman dezaketen Japoniako erakunde eta enpresak, eta horiekin harremanetan jartzea. Japoniak kokapen estrategikoa du, une hauetan munduko eskualde dinamikoenean (Asia-Pazifikoa), eta oso merkatu interesgarria da; aurrezpen nazionalaren maila oso altua da (BPGd-aren % 23ren parekoa), baita teknologia aurreratuaren maila ere, eta industria-sektore dibertsifikatua du.

 

5.0 gizartea

Japonia herrialdean egongo den bitartean, Arantxa Tapia hiru sektoretan (automobilgintza, energia berriztagarriak eta 5.0 gizartea) erreferentziazkoak diren zenbait enpresatako zuzendaritza-langileekin batuko da. Tapiak Euskadiren ezaugarriei eta bere industriari buruzko informazioa zabalduko du, bai eta bertako politika publikoei, Basque Industry 4.0 estrategiari eta sektore pribatuko ezarpenari buruzko informazioa ere. Era berean, gara daitezkeen lankidetzako arlo teknologikoak aztertuko dira.

 

Gainera, ordezkaritzak Japonian dagoeneko 4.0 industriak eta digitalizazioak gizartean duen islan lanean dabiltzan enpresa eta erakunde garrantzitsuenak ezagutuko ditu. Society 5.0 (5.0 gizartea) terminoa erabiltzen dute dagoeneko eguneroko ohituretan ezarritako aurrerakuntza digitalekin bizi den gizartea izendatzeko.

 

Eremu horretan, Tapiak “Japonia 5.0 gizartea eginez berreraikitzen” ekimena ezagutuko du; Keidnaren (Japan Business Federation) elkartea da ekimenaren buru. Elkartea 1.376 enpresak, 109 industria-elkartek eta 47 erakunde ekonomikok osatzen dute. NTT Data oso presente dago Euskadin, Everis kontsulta-etxearen bidez; enpresa horretan ezagutuko dituzte, zuzenean, 5.0 gizarte horren eskura jartzen diren soluzioak; CRDS (Center for Research and Development Strategy), Japoniako Zientzia eta Teknologia Agentziara afiliatutako erakundean ere, zientzia, teknologia eta berrikuntzako politikei buruzko ikerketak eta proposamenak egiten dituenean, kontzeptu berri hori ere landuko da.

 

Gobernu-erakundeetatik, halaber, egoera berri horretarako politikak aktibatzen ari dira; beraz, sailburua Masayoshi Yamakage eta Takuya Yamazaki Japoniako Gobernuko Ekonomia, Merkataritza eta Industria Ministerioko goi-karguekin batuko da, bai eta Takao Nitta Japoniako Gobernuko Kabineteko Zientzia, Teknologia eta Berrikuntzako zuzendariarekin ere.

 

Automobilgintza eta offshore energia

Bidaia horretan eta Euskadiko Automobilgintzako klusterrarekin Honda, Toyota eta Bridgestone enpresak bisitatuko dituzte. Enpresa horiek lider dira automobilgintzako sektorean, eta euskal ordezkaritzarekin partekatuko dituzte automobilgintzaren merkatu-analisi globala eta beren etorkizuneko proiektuak.

 

NEDO (New Energy and Industrial Technology Development Organization) da I+G jarduerara bideratutako laguntzak kudeatzen dituen erakundea, eta, duela hilabete gutxi, Euskadin izan zen, zuzenean Haizea Wind edo Windbox instalazioak ezagutzen, besteak beste. Bilbon izan ziren jardunaldietan, energia berriztagarrien eremuan, offshore eolikoan lankidetzakoak izan daitezkeen proiektuak identifikatzeko lanean jarraitzea adostu zen. Oraingoan NEDO eta Eusko Jaurlaritza partekatzen dituzten eta bi ekonomietarako interesekoak izan daitezkeen lan-eremuak zehatzago zehazten saiatuko dira.

 

Azkenik, Eikei Suzuki-k egingo dio harrera Tapiari, Mie probintziako prefeturako gobernatzaileak, eta berarekin sinatuko du erakunde-lankidetzarako memoranduma. Gainera, Mien Gestamp ingeniaritza autopropultsatuko enpresak fabrika berria inauguratuko du; ekitaldian, euskal erakunde-ordezkaritza izango da.

 

Merkatu zorrotza eta erosahalmen handikoa

Euskal merkataritzak Japonian presentzia txikia du. Gaur egun, 70 euskal enpresak dituzte esportazioak Japoniarekin. 8 euskal enpresa daude Japonian finkatuta, eta Japoniako 20 enpresa daude Euskadin finkatuta. Japoniako merkatua oso zorrotza da; bertan, produktuaren kalitatea erabakigarria da, eta hainbat sektoretan eskaintzen ditu negozio-aukerak, besteak beste, energia berriztagarrietan, elikaduran, automobilgintzan edo ezagutzaren trukean. Asia kontinentean duen eragin-eremua kontuan hartuta, interesgarria izan daiteke, halaber, hirugarren merkatuen nazioarteko lankidetza garatzeko.

 

Lotutako albisteak

27 Marzo, 2024 Berrikuntza
INCONEF, termodinamika- eta kontrol-ingeniaritza, mahasti artean
Irakurri gehiago
26 Marzo, 2024 Berrikuntza
Sustatu berrikuntza-proiektuak zure enpresan Fast Track Innobideak ekimenarekin
Irakurri gehiago
Bikote Solar AMercado de la Ribera 25 Marzo, 2024 Berrikuntza
Bikote Solar, 18 urte eguzki-energia enpresa-sektorera eskaintzen
Irakurri gehiago
21 Marzo, 2024 Berrikuntza
Azalera bertikal eta altuetan korrosioaren aurkako estalduren egoera sentsoreekin neurtzen duten droneak
Irakurri gehiago
21 Marzo, 2024 Berrikuntza
Elkor, teknologia eta berrikuntza altzarien eta zuraren sektorerako
Irakurri gehiago
Joan blog-era

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?
// Kanal espezializatuak

Jarrai iezaguzu. Kanal espezializatuak
eta eguneroko berriak