Filtros X
Tipos de Posts
Agenda

Joan blog-era Euskal enpresaren blog-a

Zure enpresarentzat garrantzitsua den eguneroko informazioa

Albisteak 21 iraila, 2023 Azpiegiturak SPRILUR Sprilur

Urban Mobility Days jardunaldiek mugikortasun jasangarria hurbilduko dute Sprilur Taldearen enpresa-eremuetara irailean eta urrian egingo diren lau jardunalditan

Enpresek eta, oro har, edozein pertsonak, auto, motor, bizikleta eta patinete elektrikoekin esperimentatu ahal izango dute Artean, Zamudion, Pasaian eta Donostian, eta ibilgailu elektrikoak erabiltzeko txartel jasangarria lortu ahal izango dute.…

Urban Mobility Days, urriko eta azaroko ostiraletan, goizeko 10:00etatik arratsaldeko 16:00etara bitartean egingo dira

Sprilurrek bere Mugikortasun eta Garapen Jasangarriko Planaren barruan kokatu du ekimen hau, 40. urteurrena ospatzen duen urtean.

 

Kontuan hartuta automobilgintzaren sektorea EAEko BPGren % 15 baino gehiago dela, Euskadi urratsak ematen ari da interes orokorreko proiektu estrategikoak txertatzeko, bai energiaren sektorean, energia berriztagarriak sortzeko iturriei eta horien biltegiratzeari dagokienez, bai mugikortasun jasangarriaren sektorean, hala nola mugikortasun adimendunaren zentroan eta Euskadin ibilgailu elektrikoa ekoizteko automozio aurreratuaren gunearen aldeko apustuan. Mugikortasun adimendun eta jasangarriaren aldeko apustu garrantzitsua da, berotegi-efektuko gasen zero isuriko eredu baterantz doana eta Euskadi 2030 Agendarekin bat datorrena.

 

Alde horretatik, Sprilurrek eta Industrialdeak izeneko 11 sozietateek, Spri Taldearen barruan eta Eusko Jaurlaritzaren Ekonomiaren Garapen, Iraunkortasun eta Ingurumen Sailaren mende daudenek, garraioaren eta mugikortasun jasangarriaren sektorea enpresa-segmentura eta, oro har, segmentu publikora hurbiltzeko hainbat jardunaldi egingo dituzte Taldeko bost enpresa-arlotan, Artean, Zamudion, Pasaian eta Donostian, urriaren 6tik azaroaren 10era bitartean. Sprilur Taldearen Mugikortasun eta Garapen Jasangarriko Planaren barruan kokatuta dago ekimen hau eta Plan horretatik sortu da, Taldeak industria-lurzorua sustatzen eta enpresa-arloak kudeatzen emandako 40 urteko jarduera ospatzen duen urtean.

 

Urban Mobility Days ekimenak dibulgazio-saio teoriko-praktikoak egingo ditu Sprilurrek eta  Industrialdeak izeneko sozietateek kudeatutako Bizkaiko eta Gipuzkoako lau enpresa-parke eta industrialdetan. Jarduera-eremu horietako langileek eta erabiltzaileek, eta nahi duen edozein pertsonak, jardunbide egokia eta ibilgailuen erabilera egokia esperimentatu, ikasi eta bermatu ahal izango dituzte, hala nola automobil, motor, bizikleta eta patinete elektrikoena. Horrela, ibilgailu jasangarri horiekin ohitu ahal izango dira eta hobeto gidatzen ikasiko dute.

 

Sprilurrek eta Industrialdeak sozietateek jarriko dituzte aukeratutako industrialdeetan automobilak, motorrak, bizikletak eta patinete elektrikoak erabiltzeko aukera emango duten espazioak eta azpiegiturak, urriko eta azaroko ostiraletan, goizeko 10:00etatik arratsaldeko 16:00etara bitartean.

 

Bizkaian, bi udalerritan egingo dira, Arteako Bildosola industrialdean urriaren 6an, eta Zamudioko Pinoa industrialdeko Ibaia eraikinean urriaren 20an. Bestalde, Gipuzkoan ere bi enpresa-parketan egingo dira: Pasaiako Navalaldea industrialdean urriaren 27an eta Donostiako Zuatzu Enpresa Parkean Urban Mobility Day ekimenaren azken jardunaldia egingo da azaroaren 10ean, biak ala biak goizeko 10:00etatik arratsaldeko 16:00etara bitartean.

 

Espazioa mugatuta egongo da enpresa-eremu bakoitzean, eta kanpoan eta/edo barruan garatuko da, kasu bakoitzaren arabera. Mugikortasun jasangarriko hainbat proba egingo dira. Alde batetik, hedapenerako gune bat sortuko da eta proba teoriko-praktikoetarako beste bat. Erabiltzaileek ibilgailu elektrikoak erabiltzeko behar den Txartel Jasangarria lortzeko aukera izango dute. Erabilgarri dauden ibilgailuak erabiltzeko aldez aurretik izena eman beharko da, eta parte hartu nahi dutenek ibilgailuak gidatzeko gidabaimena edo baimen ofiziala indarrean dutela egiaztatu beharko dute. Aldez aurreko izen-ematea online egingo da, hemen: URBAN MOBILITY DAYS-SPRILUR, Urban Mobility Day Esperientzia batean parte hartzeko lekua eta eguna aukeratuz.

 

 

Sprilur Taldeak eta Ibilgailu Elektrikoen Erabiltzaileen Elkarteak (EUVE) parte hartzen dute ekimenean eta hauek dira helburuak: enpresa- eta gizarte-esparru batean, mugikortasunean ohitura jasangarriak sortzeak dituen abantailei buruz kontzientziatzea, berotegi-efektuko gasen kantitatea murriztea, garraioa optimizatzea eta tokiko eta munduko bizi-kalitatea eta ingurumena hobetzen laguntzea. Euskadi 2030 Agendaren Garapen Jasangarrirako Helburuak lortzen lagundu nahi duen ekimena da.

 

 

URBAN MOBILITY DAYS – SPRILUR

Esperimentatu mugikortasun elektrikoa Bizkaiko eta Gipuzkoako lau tokitan!

Eman izena

Lotutako albisteak

5 ekaina, 2024 Azpiegiturak
Adimen Artifizialak zer nolako eragina du mugikortasunean?
Irakurri gehiago
5 ekaina, 2024 Azpiegiturak
Ipargamak fabrikatzaile europarrak kontrolatu eta ziurtatutako altzairua eskaintzen du
Irakurri gehiago
Puertas SECADES 30 maiatza, 2024 Azpiegiturak
Puertas Secades: “Bere bezeroen arreta pertsonalizatuan oinarritutako enpresa familiarra”
Irakurri gehiago
Canadá 21 maiatza, 2024 Azpiegiturak
BasqueTradek euskal enpresentzat aukera gehien duten Kanadako merkatuak aurkeztuko ditu
Irakurri gehiago
14 maiatza, 2024 Azpiegiturak
Euskadiko industriaren ingurumen-hobekuntza bultzatzea, Deskarbonizazio Industrialerako Programaren bidez
Irakurri gehiago
Joan blog-era

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?
// Kanal espezializatuak

Jarrai iezaguzu. Kanal espezializatuak
eta eguneroko berriak