Euskal enpresaren blog-a Zure enpresarentzat garrantzitsua den eguneroko informazioa
Albisteak 6 maiatza, 2020 Sprilur

Sprilur-ek 2023ra arte berritu du Kalitatearen ISO 9001-2015 ziurtagiria bitarteko telematikoak erabiliz

SPRI Taldean integratutako eta Eusko Jaurlaritzako Ekonomi Garapen eta Azpiegitura Sailari atxikitako Sprilur sozietateak ISO-9001 2015 Kalitate Ziurtagiria berritu du salbuespenezko epe eta moduan, hots, bitarteko telematikoak erabiliz.

Sprilur-eko langileak telelanera egokitu izana eta Aenor-eko lantalde ebaluatzailearen lanerako jarrera eta malgutasuna, lagungarri izan dira lehenengo Kanpo-ikuskaritza Telematikoa egiteko eta ikuskaritza horren bidez ISO-9001-2015 ziurtagiria berritzeko.

 

SPRI Taldean integratutako eta Eusko Jaurlaritzako Ekonomi Garapen eta Azpiegitura Sailari atxikitako Sprilur sozietateak ISO-9001 2015 Kalitate Ziurtagiria berritu du salbuespenezko epe eta moduan, hots, bitarteko telematikoak erabiliz. Hauxe izan da Sprilur-ek Aenor-ekin egin duen lehenengo Kanpo-ikuskaritza Telematikoa, eta helburua izan da bere jardunbide egokien berri ematea, eta jarduera ekonomikoetarako pabilioi eta eraikinen sustapen eta garapenerako kudeaketa-sistema jakinaraztea.

 

Iragan martxoan, osasun alarma eta itxialdi egoera agindu zenean, iraungitzekotan zen Sprilur-en aurreko Kalitate Ziurtagiria. Hortaz, nola ISO-9011 2015 ziurtagiria berritzeko ezinbestekoa zen ikuskaritza egitea, Sprilur telelanaren modalitateari atxiki zitzaion, eta aholkularitzari planteatu zion ba ote zegoen aukerarik Kanpo-ikuskaritza urrunetik egiteko, bitarteko telematikoak erabiliz.

 

Sprilur-eko langileen jarrera onari eta Aenor-eko ikuskaritza-taldearen moldagarritasun eta malgutasunari esker, posible izan da ikuskaritza hori epe barruan egitea. Hala, Sprilur-ek iragan apirilaren bukaeran jaso zuen ikuskaritzaren onarpena eta ISO-9001:2015 ziurtagiri berritua. Ziurtagiri horren indarraldia 2023. urtera artekoa da. Ondorioz, Sprilur-ek 3 urte dauzka erabakitzeko hobekuntzarik egingo duen eta ziurtagiria berrituko duen.

 

Ikuskaritza-taldeak urrunetik aurkeztutako dokumentazioa kontrastatu zuen Taldeak berriki txertatu dituen tresnak erabiliz. Hala, agerian geratu da baduela gaitasuna adituen eskaera tekniko eta dokumentalari telematikoki erantzuteko.
Aholkulari taldeak bereziki azpimarratu ditu Sprilur-ek azken urteetan aplikatu dituen aldaketa esanguratsuenak. Besteak beste, Eusko Jaurlaritzak onartutako Kudeaketa Aurreratuko Eredua aplikatzeagatiko Brontzezko A ziurtagiria, prozedura berriak eta prozesu-mapa txertatu izana, Aginte Koadro Integralaren berrikuspena adierazle berriekin, GJHak sartu izana Sprilur-en eguneroko jardueran, eta barneko kudeaketarekin lotutako beste plan eta analisi batzuk.

 

Kanpo-auditoretzak egitea, legeak agindutakoaz harago, jardunbide hedatua da Sprilur Taldean, horrela frogatzen dituelako bere kudeaketa-sistema eraginkorrak eta kudeaketa publikoko erakunde gisa dituen lege, araudi eta kontratu-eskakizunen betetze mailak.

Albisteak 11 urtarrila, 2022 Azpiegiturak
Ermuak biki digital bat txertatu die igogailu publikoei euren funtzionamendua hobetzeko
Irakurri gehiago
Albisteak 19 abendua, 2021 Azpiegiturak
Gasteizko Azucarera eraikineko atrioa eszenatokitzat erabili da kultur arloko bideoklip bat eta integrazio sozialeko kanpaina bat grabatzeko
Irakurri gehiago
Albisteak 16 abendua, 2021 Azpiegiturak
Sprilur-ek Gipuzkoako lurzoru industrialaren eskaintza indartuko du 69.000 metro koadro atonduz Zumaiako Oikia industrialdean
Irakurri gehiago
Albisteak 13 abendua, 2021 Azpiegiturak
Geist Consultancy: “Funtsezkoa da antolakundeetako pertsonen ezagutza eta gaitasunak identifikatu eta optimizatzea enpresak arrakasta izan dezan”
Irakurri gehiago
Albisteak 5 abendua, 2021 Azpiegiturak
Sprilur-ek jasangarritasun arloko jardunbide egokiak partekatu ditu EHUko Ingeniaritza Zibileko ikasleekin
Irakurri gehiago

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?
// Kanal espezializatuak

Jarrai iezaguzu. Kanal espezializatuak
eta eguneroko berriak