Euskal enpresaren blog-a Zure enpresarentzat garrantzitsua den eguneroko informazioa
Albisteak 31 Marzo, 2020 Azpiegiturak Sprilur

Ekonomiaren Garapen eta Azpiegitura Sailak argibide-ohar bat bidali die enpresei, martxoaren 29ko 10/2020 Errege Lege Dekretua indarrean sartu ondoren ezarritako jarduera-irizpideei buruz

Eusko Jaurlaritzako Ekonomiaren Garapen eta Azpiegitura sailak argibide-ohar bat bidali die enpresaburuen elkarteei, sindikatu-elkarteei eta industria-klusterrei, enpresei ezarritako jarduera-irizpideak argitzen laguntzeko, martxoaren 29ko 10/2020 Errege Lege Dekretua indarrean sartu ondoren.

 

Idatzi baten bidez, Tapia sailburuak jakinarazi die Eusko Jaurlaritza jakitun dela zailtasunak izaten ari dela, eta nabarmendu die garrantzitsua dela industria-inguruneetarako segurtasun-protokoloa zorrotz aplikatzea.

 

Eusko Jaurlaritzaren argi-oharrean, Ekonomiaren Garapen eta Azpiegitura Sailak azaltzen du zer bereizketa dagoen Errege Dekretuak “funtsezko” gisa katalogatutako jardueren artean, eta argitzen du zer aukera dagoen funtsezko gisa katalogatu ez arren hornidura-katekoak diren eta funtsezkotzat kalifikatutako zerbitzuak behar bezala emateko ezinbestekoak diren enpresen jarduerari eusteko.

 

Gutxieneko jarduera

Eusko Jaurlaritzak honela definitzen du ezinbesteko gutxieneko jarduera: “Enpresari barne-egoera optimoa eta ekoizpen-jarduera nahikoa mantentzea ahalbidetzen diona, eta jarduera ixtea eragin dezaketen egoera traumatikoak (eskaeren galera, kontratuak ez betetzeagatiko zehapenak, etab.) saihestea ahalbidetzen diona”, Ekonomia Gaietarako lehendakariorde Nadia Calviñok gaur eguerdian iragarritakoaren ildotik.

 

Industria elektrointentsiboa

Era berean, ohar honek industria elektrointentsiboari buruzko berariazko erreferentzia egiten du, bereziki garrantzitsua Euskadin. Oharrak adierazten duenez, “Sistema elektrikoaren hornidura eta egonkortasuna bermatzeko beharrezkoa den industria elektrointentsiboa ezinbestekoa izango da”, eta bertan CNAE 24ren jarduerak agertzen dira, hala nola metalurgia; burdinazko, altzairuzko eta ferroaleaziozko produktuen fabrikazioa.

 

Antolaketa-protokoloa

Enpresan antolaketa-protokolo bat egitea gomendatzen da, enpresa bakoitzak “ezinbesteko gutxieneko jarduerari” eusteko arrazoiak jasoko dituena. Protokolo horretan, baimen ordaindu berreskuragarria hartu behar ez duten eta, beraz, beren lanpostuetara joan behar duten enpresako pertsona espezifikoak aipatuko dira.

 

 

Albisteak 2 abuztua, 2022 Azpiegiturak
Arteman Komunikazioa hazi egin da eta proiektu berritzaileak abiatuko ditu Aretxabaletako Basabe eraikineko gune berri batean
Irakurri gehiago
Albisteak 28 uztaila, 2022 Azpiegiturak
Sprilur-ek irailerako amaituko ditu Durangoko Fundifes-en instalazio zaharrak deskontaminatzeko, eraisteko eta hondakinak kudeatzeko premiazko lan konplexuak
Irakurri gehiago
Albisteak 11 uztaila, 2022 Azpiegiturak
Amaitu dira Sprilur-en bi industrialdetan ibilgailu elektrikoentzako 4 karga-puntu instalatzeko lanak
Irakurri gehiago
Albisteak 27 ekaina, 2022 Azpiegiturak
EHUren udako ikastaroetan Sprilur-ek naturalizazioa landuko du industria-espazioak suspertzeko mekanismo gisa
Irakurri gehiago
Albisteak 24 ekaina, 2022 Azpiegiturak
Akuikulturako ingurumen-aztarna murriztea errazteko soluzio digitalak
Irakurri gehiago

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?
// Kanal espezializatuak

Jarrai iezaguzu. Kanal espezializatuak
eta eguneroko berriak