Unai Aguirre.
Elkarrizketak 9 maiatza, 2024

Egoingo lau proiektutatik bat atzerritik iristen da dagoeneko

Egurraren arloko taldeak 25 milioi euro inbertitu ditu Legutioko fabrika moderno batean eta Europa hegoaldeko lidergoa finkatu du
-

Arabako Legutio udalerrian egin du Egoinek bere azken inbertsio handia. Familiako enpresa hori duela 30 urte sortu zen Natxituan (Bizkaia), eta egurraren sektorean jarduten du. Egun, erreferente da Europa hegoaldean. Enpresaren azken apustu handia 28.500 metro karratuko ekoizpen-fabrika bat izan da (lau futbol-zelairen baliokidea da), eta, horri esker, egurraren eraikuntza industrializatuaren arloan finkatu eta ekoizteko gaitasuna handitu nahi du. Azken proiektu horrek 25 milioi euroko kostua izan du eta Egoinek hiru zentro ditu dagoeneko, ordezkaritzak estatuko logistika-gune estrategikoetan eta nazioarteko presentzia Andorran eta Erresuma Batuan. Guztira, ia 200 langile ditu euskal enpresa horrek eta 40 langile Arabako fabrika berrian daude dagoeneko, Unai Agirre zuzendari nagusiaren arabera.

Zergatik egin duzue proiektu hori eta inbertsio handi hori une honetan?

Orain zen unea. Duela urte batzuetatik liderrak gara Europa hegoaldeko egurraren eraikuntza industrializatuan, estatu mailan batez ere. Gainera, merkatua handitzen ari da eta eskaria handia da; hortaz, liderrak izaten jarraitzeko apustua egiteko unea zen. Apustu teknologiko eta kalitatezkoa ez ezik, baita ekoizteko eta kudeatzeko gaitasunaren aldeko apustua ere.

“Arriskurik handiena ez arriskatzea” dela diozue…

Liderra zarenean, errazena eta erosoena bertan geratu eta ez arriskatzea da. Gu eraikitzaileak gara, baina egurrarekin egindako eraikuntzak ez dira % 2ra iristen egun estatuko eraikuntzan. Aldiz, nazioartean, joera hori handiagoa da, Europa Erdialdean batez ere, eraikuntza berriko eraikinen % 30-40 egurrezkoak baitira. Kontu kulturala da. Duela urte batzuetatik ikusten ari gara eskaria eta kalitatearen exijentzia handitzen ari direla, baita eraikuntza-proiektuen tamaina eta exijentzia teknologikoa ere. Apustua egiteko gure unea zen. Lehenengoak izaten jarraitu nahi bagenuen, ekoizteko teknologia eta gaitasun berriak izan behar genituen, merkatuari eraikuntzako soluzio lehiakorragoak eskaintzen jarraitzeko.

 Hobien mundu-erreferenteak “Ezkutuko txapeldunak” direla dioen enpresa-definizio bat bada. Zuen proiektua bat dator horrekin…

Mundu mailan, egurraren balio-kate osoa integratzen duen enpresa gutxienetakoa da gurea, basotik hasi eta obra amaierako muntaketara arte. Duela 30 urte baino gehiago hasi ginen, hasieran, baserrietako egituren birgaitzeak egiten, betiere posizio oso industrializatu batetik. Denborarekin, teknologia guztiak garatu eta eraikin mota guztiak egin ditugu (etxebizitza familiabakarrak, bizitegiak edo zuzkidurakoak), bai estatuan, bai nazioartean. Gure ingeniaritza-taldearen espezializazioari esker egin ahal izan dugu hori, bezeroei laguntzen baitie eraikina diseinatzeko hasierako fasetik, eraikuntzarako ahalik eta soluziorik onenak eskaini ahal izateko. Obraren amaierako exekuzioarekin amaitzen da bide hori. Egoinen uste dugu proiektu bakoitza berria dela eta ikuspegi berdingabea behar duela.

Zer ekoitziko duzu Legutioko fabrikan?

Fabrika berria eraikuntza-teknologia industrializatuaren ekoizpenean dago espezializatua, hau da egur kontraijeztuan, edo CLT izenez ezagunagoa. Hormak eta egurrezko forjatuak eraikitzeko egur oso industrializatua da, bereziki, bizitegi-eraikin altuentzat edo hotelentzat, besteak beste. Fabrika berri horrekin Europa hegoaldeko CLT teknologia-ekoizle nagusia bihurtu gara. EGO CLT HF teknologian oinarritutako muntaketa-sistema horrek Legoren egitura handi baten modura funtzionatzen du, eta, hala, obraren denbora % 50era arte murriztu dezakegu, baita prozesuaren zati horrekin lotutako kostuak ere.

Eta zer bolumenetan?

Fabrika horretan eta gainerako fabriketan egurrarekin eraikitzeko teknologia mota guztiak eskaintzen ditugu, egurrezko eraikinen diseinua optimizatzeko bezeroentzat. Eta Albertiako fabrikakoa beste teknologia bat da, habe ijeztua edo Timber Frame izan daitezkeen moduan. CLT beste teknologia bat gehiago da, eta, beste teknologiekin uztartuz, eraikuntza-soluzio oso espezifikoak eskain ditzakegu proiektu bakoitzarentzat. Zehazki, fabrika horretan xedea da 32.000m3 CLT fabrikatzea bi txandatan. Bolumen handia da hori. Mundu mailan hainbat teknologia fabrikatzen ari gara egurraren 50.000 m3-ren gainetik. Eta hori guztia tokiko egurrarekin, ziurtatutako gertuko basoetatik eratorritakoarekin.

Fabrika horrek zer nolako ekarpena egingo dio Taldearen hazkundeari?

Fabrika berri horrekin, Egoin Wood Groupen ekoizpen-gaitasuna nabarmen handituko da CLT teknologian, eta urtean 35.000 m3 ekoiztetik 52.000 m3 ekoiztera igaroko da. Gainera, operazio horri esker, egurraren eraikuntza industrializatuaren sektorean dugun posizioa indartu ahal izango dugu, eta, aldi berean, ingurumenarekin dugun konpromiso sendoa eta tokiko lehengaien aldeko apustua mantenduko ditugu.

Duela urte batzuk ohartarazi zuten Euskadin egurra bigarren mailako materiala izan dela beti eraikuntzaren arloan, ez ordea Europan… Pertzepzio horrek bere horretan jarraitzen du urte batzuk geroago?

Egoinen sorreran, 90eko hamarkadan, eraikuntzarako erabiltzen genuen egurra Europa Erdialdetik ekartzen genuen, zehazki, Europa erdialdeko izeia izaten zen. Euskadiko egurra kalitate txarrekoa dela zioen uste oker bat egon da tradizionalki. Hori ez da hala. Guk frogatu dugu ez dela horrela, gure radiata pinuak, gure inguruko basoetan ohikoena denak, sobera betetzen dituela eraikinen egiturek behar dituzten funtzioak eta eskakizunak. Apustu erabakigarria da eta gure inbertsioaren zati handi bat da; izan ere, gertuko basoen alde egiteko apustu handia egin behar da I+Gan eta espezie bakoitzaren ezaugarrien ezarpenean. Egun, gure eraikuntzen % 95 Euskadiko basoetako egurrarekin egiten dira eta apustu zaila izan arren, herrialde-apustua da. Garrantzitsua da gogoratzea eraikuntza-sektoreak sortzen dituela CO2 isurpenen % 40, eta guretzat, etorkizunera begira, garrantzitsuena da CO2 biltegiak eraikitzen ari garela, hots, gure eraikinak, etorkizuneko belaunaldientzako bizitokiak. Eta horretarako basoen kudeaketa jasangarria egiten dugu, horrekin bat datorren politikarekin, eta, hala, inpaktu positiboa dugu biodibertsitatean eta aberastasuna sortzen dugu lehen sektorean. Kudeatzen ez den basoa azkenean abandonatuta geratzen den basoa baita.

Taldeak zenbat proiektu egiten ditu urtean eta zer sektore/arlotan?

Egun, 250 eraikuntza-proiektu baino gehiago egiten ditugu urtean mundu osoan zehar, baina, batez ere, Espainian, Erresuma Batuan, Frantzian, Bahametan eta Andorran. 30 urtez sektorean jardun ostean, iragan otsailean 5.000 eraikuntza-proiektutara iritsi ginen. Eta egiten ditugun proiektu moten artean adierazgarrienak dira egurrezko egiturak eta birgaitzeak, bizitegi-eraikinak, familiabakarreko etxebizitzak eta zuzkidura-eraikuntzak edo ekipamenduak, hala nola kirol-pabilioiak, upategiak edo bulegoak.

Une honetan egiten ari zareten proiekturen bat aipa dezakezu?

Praktikan, eraikuntzaren % 25 nazioartean gauzatzen dugu. Aurretik aipatu dudan moduan, gure merkatu nagusiak Erresuma Batuan, Andorran, Portugalen eta Bahametan daude. Luxuzko etxebizitzak egiten ari gara han oraintxe bertan. Puntualki, eskaintzak jasotzen ditugu normalean lan egiten ez dugun merkatuetatik eta horiei ere erantzuten diegu, baina % 75 merkatu nazionalari dagokio. Hori dela eta, Euskadiko fabrika eta egoitzez gain, delegazio tekniko-komertzialak ditugu Madrilen, Balearretan, Katalunian eta Andaluzian.

Eta horrek berezitasuna ematen dio zuen egiteko moduari…

Hala da, bai. Andaluziako erkidegoan esaterako, proiektu oso bereziak lantzen ari gara une honetan, esaterako, Malagako katedraleko obrekin ari gara. Eraikinaren egurrezko estalki osoa egiteaz arduratuko gara. Proiektu horren izaera dela eta, oso sinbolikoa eta berezia da guretzat. Gainera, probintzia horretan bertan, beste proiektu bat egiten ari gara: Torremolinoseko hotel bat Europako hegoaldeko colivingerako egurrezko eraikinik handiena bihurtuko dugu.

 

Lotutako albisteak

Txikitok  euskal  transmedia  narratiba    berrikuntza  digitalaren  bitartez  bultzatzen  du
17/09/2025 Berrikuntza

Txikitok euskal transmedia narratiba berrikuntza digitalaren bitartez bultzatzen du

Euskal konpainiak Bilboko sinbolo tradizional bat tradizioa, teknologia eta entretenimendua uztartzen duen ‘unibertso’ sortzaile bihurtu du.

Iraunkortasunaren  aldeko  apustua  egin  du  Equipel  enpresak,  trantsizio  energetikoa  bultzatzen  duten  erdi-tentsioko  gelaxkekin
16/09/2025 Berrikuntza

Iraunkortasunaren aldeko apustua egin du Equipel enpresak, trantsizio energetikoa bultzatzen duten erdi-tentsioko gelaxkekin

Konpainia bizkaitarrak 200 gelaxka baino gehiago fabrikatu ditu azken urtean, teknologia garbia eta ingurumena errespetatzen duena, SF6rik gabe.

Ekomodok  hondakinak  diseinu  jasangarri  bihurtzen  ditu
15/09/2025 Nazioartekotzea

Ekomodok hondakinak diseinu jasangarri bihurtzen ditu

Motxiletatik hiri-altzarietara, Donostian egoitza duen enpresak ekoizpen-eredu zirkular eta arduratsu baten aldeko apustua egin du.

Bihar  Batteries:  “Sodiozko  bateriek  enpresen    energia-kostua  %  50  murrizten  lagun  dezakete”

Bihar Batteries: “Sodiozko bateriek enpresen energia-kostua % 50 murrizten lagun dezakete”

Gipuzkoako startupak lehengai oparoak erabiltzen ditu, gatza esaterako, eta Km0 industria bat sortzea du helburu, tokiko eragileekin lankidetzan.

Battery2Life  proiektuaren  helburua  baterien  bizitza  baliagarria  luzatzea  da

Battery2Life proiektuaren helburua baterien bizitza baliagarria luzatzea da

CIDETEC Energy Storage proiektu europar honen zuzendari teknikoa eta lan-pakete baten liderra da.

Wavegarden,  olatu  perfektuak  mundura  esportatzen  dituen  enpresa  donostiarra
10/09/2025 I+G+B

Wavegarden, olatu perfektuak mundura esportatzen dituen enpresa donostiarra

Teknologia propioarekin eta surf parkeetarako soluzio integralekin, orduko 1.000 olatu sortzeko gai den sistema patentatu bat garatu du eta dagoeneko 11 instalaziotan funtzionatzen du.

Bioplastics4health-ek  %  100  konpostagarriak  diren  filmen  eta  ontzien  soluzio  berritzaileak  sortzen  ditu

Bioplastics4health-ek % 100 konpostagarriak diren filmen eta ontzien soluzio berritzaileak sortzen ditu

Gaiker euskal zentro teknologikoak patata-almidoitik eratorritako biopolimero batekin egindako material horien garapenean parte hartu du bazkide teknologiko gisa.

Lanzo  Batteriesek  bateriak  emango  dizkio  MIURA  5  jaurtitzaile  espazial  espainiarrari
08/09/2025 I+G+B

Lanzo Batteriesek bateriak emango dizkio MIURA 5 jaurtitzaile espazial espainiarrari

Euskal enpresa proiektuaren buru den PLD Space-rekin elkarlanean ari da.

AI4SoilHealth:  lurzoruaren  jarraipenerako  bilakaera  digitala

AI4SoilHealth: lurzoruaren jarraipenerako bilakaera digitala

Neiker zentro teknologikoak parte hartzen du lurzoruen bilakaera aurreikusteko eta kudeaketa hobetzeko tresna digital bat garatzen duen ekimen honetan.

Webker:  “Mundu  digitalean,  erronka  nagusia  eguneratuta  egotea  da”
03/09/2025 Ekintzailetza

Webker: “Mundu digitalean, erronka nagusia eguneratuta egotea da”

Iaz, Gasteizko bi gaztek sektore digitalean ekitea erabaki zuten, eta Webker sortu zuten. Bertatik, beren negozioa bultzatzeko online presentzia garatzeko aukera eskaintzen diete bezeroei.

Joan blogera

Jarrai gaitzazu

Kanal espezializatuak eta eguneroko gaurkotasuna gure sareetan.