BIND 4.0k izena emateko epea ireki du etorkizuna lideratu nahi duten eta industria eraldatu nahi duten enpresentzat
- BIND 4.0 partner berriak izateko industria adimendunaren, energia garbi eta jasangarriaren, elikaduraren eta osasunaren sektoreetako enpresek izena emateko epea martxoaren 31ra arte egongo da zabalik.
BIND 4.O industria adimenduneko berrikuntza irekiko plataformak deialdia ireki du, Euskadiko enpresek startupen azken soluzioekin abian jarri diren proiektuei esker berrikuntza eta eraldaketa digitala jada lideratzen duten konpainia handiekin bat egin ahal izateko. BIND 4.0ren helburua euskal enpresen digitalizazioa, lehiakortasuna eta lidergoa bultzatzea da, teknologia berriak ezartzearen bidez, besteak beste, adimen artifiziala, Big Data, IoT, errealitate birtuala, ikuspen artifiziala edo robotika.
Zehazki, BIND 4.0k industria adimendunaren, energia garbi eta jasangarriaren, elikaduraren eta osasunaren sektoreetako enpresei zabaldu die atea, teknologia eta soluzio berritzaileenak arin txerta ditzaten. Ekoizpen-prozesuak optimizatzeko, efizientzia areagotzeko eta behar-beharrezkoa den eraldaketa digitalari erantzuna emateko helburuarekin, enpresek proiektuak garatuko dituzte industria adimendunago, efizienteago eta jasangarriago baterantz jotzeko beharrezko dinamismoa, arintasuna eta teknologia dituzten startupekin elkarlanean. Era horretara, BIND 4.0ko partner enpresek 4.0 Industriaren abangoardian kokatzea lortzen dute, bai eta, aldi berean, berrikuntza irekiaren bitartez nazioartean lehiakortasuna hobetzea ere.
BIND 4.0 programa 4.0 Industriako ekimen publiko-pribatua da, Ekonomiaren Garapen, Jasangarritasun eta Ingurumen Sailak SPRI Taldearen bidez sortua, eta nazioarteko erreferentziako programa bihurtu da zazpi edizioren ondoren. Programa 2016an abian jarri zenetik 190 startup baino gehiago azeleratu dira eta 290 proiektu baino gehiago garatu dira, eta 7,5 milioi eurotik gorako fakturazioa gainditu da programaren 7 edizioetan. Gainera, plataformak bi ekimen berri ditu: ETE-ei zuzendutako BIND 4.0 Connection eta BIND 4.0 GovTech ekimen pilotu berria, eta ekimen honetan Euskadiko sozietate publikoek parte hartzen dute.
Zergatik izan BIND 4.0ko partner enpresa?
Partner enpresentzat, BIND 4.0ren parte izateak berrikuntza teknologiaren buruan kokatzea eta trantsizio digitala lehiarako abantaila bihurtzea dakar. Hori dela eta, plataformak sektorean erreferentzia diren 69 konpainia ditu gaur egun: Mercedes Benz, Petronor-Repsol, Iberdrola, ITP Aero, Sidenor, Angulas Aguinaga, Gureak, Mondragon BDC, CIE Automotive eta Quirónsalud, besteak beste.
Zehazki, ITP Aerok BIND 4.0-ren bidez aurkitu du “nazioartean teknologia disruptiboak dituzten industria-start-upen katalogo eguneratuenetako bat, eta teknologien urteko bilakaera erakusten digu 4.0 industriaren arlo nagusietan”, baloratu du Mikel Esparta fabrikazio-prozesuen teknologoak. Gainera, corporate client ereduaren bidez, irtenbide berritzaile pertsonalizatuak lortzen ditu: “Corporate-partnerren ekosistema industrial bateko kide izateak, non antzeko arazoak dituzten proiektuei aurre egiten baitzaie, sektore desberdinetako start-upen konponbideen eskaintzak bat egin dezake, eta ITP Aeroren premia berezi bati erantzun”.
Angulas Aguinagak BIND 4.0 ereduan elementu estrategiko bat topatu du: “Angulas Aguinaga-rentzat BIND 4.0 startupekin dugun lankidetza-estrategiaren azeleragailu nagusia izan da. Arlo teknologikoagotik hasita, hau da, 4.0-tik hasita, gure lankidetzak produktuari eta kontsumitzaileari zabaltzen ari gara. BIND 4.0-tik gehien laguntzen diguna hurbilketa pragmatikoa eta exekuziora bideratua da”, dio Javier Apalateguik, Angulas Aguinagako eraldaketa digitaleko zuzendariak.
BIND 4.0ren eta honen berrikuntza irekiko ekosistemaren parte izateak onura ugari dakartza hainbat eta hainbat esparrutan. Hauek dira onura nagusiak:
- Eraldaketa digitalak planteatzen dituen erronka teknologiko berriei erantzutea, enpresa eta sektore bakoitzaren premietara egokitutako soluzioen bitartez.
- Nazioartean lidergoa eta lehiakortasuna areagotzea teknologia berritzaileenak txertatzearen bitartez.
- Behatoki teknologikoa trakzio-enpresen intereseko negozio-arloetan potentzial handiena duten tokiko, estatuko eta nazioarteko startupak ezagutzeko, berrikuntza-lerro disruptibo berriak aztertu eta sortzeko helburuarekin.
- Startup azeleratu, prestatu eta trebatuekin lan egitea, haien irtenbidea industrian modu arin, lehiakor eta profesionalean ezar dadin.
- Erreferentziako berrikuntza irekiaren eta industria adimendunaren plataformako kide izatea, eta plataformako kideekin jardunbide egokiak eta arrakasta-kasuak partekatzea, berrikuntza-proiektuak inplementa daitezen eta lortu nahi diren helburuak lor daitezen.
- Prestakuntza espezifikoa enpresek Venture Client gaitasunak gara ditzaten eta startupekin elkarlanean aritzearen inpaktua maximizatuko duten metodologiak eta tresnak txerta ditzaten, berrikuntza-iturri gisa negozio-eragiketak optimizatzeko eta hobetzeko, eta erakundeen barruan produktu eta zerbitzu berriak garatzen laguntzeko.
- Berrikuntza Irekiko Hub handienarekin bat egitea, Euskadiko industriako liderrekin, berrikuntzan eta ekintzailetzan aholkulari diren adituekin, 20 inbertitzaile baino gehiago dituen Venture Club batekin eta aldaketa nola gidatu ikasteko 290 bat proiektu arrakastatsurekin batera.
BIND 4.0ren azelerazio eta berrikuntza irekiko programako enpresa partner gisa parte hartu ahal izateko, baldintza batzuk bete behar dira. Enpresek 250 langile baino gehiagoko jarduera-zentro bat, gutxienez, izan behar dute Euskadin, eta berrikuntzarako eta startupekin lan egiteko interes eta konpromiso handia izan behar dute.
Trakzio-enpresa berriek izena emateko epea martxoaren 31ra arte egongo da zabalik bind40.com webgunearen bidez, eta bertan dago programari buruzko informazio gehiago.
Lotutako albisteak
Euskadiko Parke Teknologikoak, 2024an 8.243 milioi euro, 2023an baino % 11,5 gehiago, fakturatu zituzten 673 enpresa ditu dagoeneko
23.600 pertsonak baino gehiagok, gehienak kualifikazio handikoak, egiten dute lan Euskadiko Parke Teknologikoko sei Campusetan instalatutako enpresaren batean
Metal 78 enpresa ezarrita, Arcelorrek Zumarragan zuen lantegiaren berregokitze industriala abian jarri da
Arcelorrek Zumarragan garai batean zuen fabrikan industria eremuaren berroneratze integrala eta berregokitzea egiteko prozesuaren barruan kokatzen da enpresaren ezarpena, eta Eusko Jaurlaritzak 25 milioi euro inbertituko ditu bertan
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Wake Up! Albiste ekintzaile batzuk sarean 250324
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Zabalik dago MAKE IN! Ekintzailetza Industriala programaren 4. ediziorako izen-emate epea
Apirilaren 25a izango da programan izena emateko azken eguna
Wake Up! Albiste ekintzaile batzuk sarean
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Foodtech Startup Forum 2025: elikagaien industriarako berrikuntzaren eta teknologiaren arloko punta-puntako irtenbideak
Elikagaien eta edarien sektorerako proiektu, irtenbide edo negozio eredu iraultzaileak aurkeztu nahi dituzten startupek apirilaren 1era arte ikustarazi ahal izango dute bere hautagaitza
Zure proiektua bultzatu 2025eko Ostegun Ekintzaileekin
"Kabiak" ekintzailetzako ekosistema sendotu du ‘Ostegun ekintzaileen’ beste ibilbide batekin
Wake Up! Albiste ekintzaile batzuk sarean 250309
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Eusko Jaurlaritzak Legazpiko garai bateko Sidenorren lantegia berroneratzeko bigarren fasea jarri du abian, Urola ibaia azaleratzeko eta ingurua berrurbanizatzeko obrekin
Obrak egiteko 13 hilabeteko epea aurrez ikusi da, eta 5 milioi euroko inbertsioa egingo da