Auspola, Euskadin buru den errementaritza industriala
Auspola errementaritza industrialean eta metalezko egituretan espezialista den eta hogeita hamabi urteko ibilbidea duen kooperatiba da. Egoitza nagusia Galdakaon du eta bere jarduera nagusia partikularrei, eraikuntzako enpresei eta industrialei, gremioen koordinatzaileei, arkitektura-estudioei, finken administratzaileei eta jabeen komunitateei zuzentzen die.
Hiru hamarkada baino gehiagoko historian zehar, metal-eraikuntzen merkatuan finkatu da Auspola, eta hori lortu du bere produktuen kalitate handiari esker eta merkatuak une bakoitzean zituen beharretara egokituz joan delako. Era berean, langile kualifikatu guztien ezagutzak eta esperientzia eta langile horien lanaren eraginkortasuna funtsezkoak izan dira.
2015ean instalazioak handitu zituzten, eta, ordutik, Auspola ia 2000 metro koadroko industria-pabiloi batean egiten du lan, Galdakaoko Erletxe industrialdean. Horren ondoan 300 metro koadroko pabiloi bat dago, altzairu herdoilgaitzezko produktuetan espezializatua.
Konpainiaren altzairu herdoilgaitzezko zein burdinazko lan guztiak merkatuaren eskarira egokitzen joan dira, eta balkoietan, metalezko egituretan, igogailuetan, erakusleihoetan, barandetan, galdaragintzan eta abarretan erabili dira.
Auspolak hasieratik jakin du bezeroak direla beti garrantzitsuena, eta horiek konpainiaren proiektuekin gogobetetzea funtsezkoa da egunero aukeratzen jarrai dezaten.
“Ekar iezaguzu zure ideia eta guk burdin edo altzairu bihurtzen dugu” lelopean, enpresak edozein erronkari aurre egiten dio behar guztiak ahalik eta azkarren eta modu profesionalean betetzeko.
Auspolak soldadura-sistema modernoenak erabiltzen ditu, eta horrek aukera ematen du teknikoki zailagoak diren proiektuak egiteko. Era berean, horri esker erreferente bihurtu da neurrira egindako era guztietako produktuak egiteari dagokionez.
Egoitza Galdakaon duen kooperatibaren bezero nagusien artean, honako hauek nabarmentzen dira: Eldu (Auspolarengan konfiantza du neurrira egindako piezak eta bankadetakoak fabrikatzeko), Lekunbide Taldea (gauza bera egiten du transformazio-zentroetarako piezekin), Clemco (bere kabina eta zoru berreskuratzaileekin zerikusia duen guztirako) eta Orona (igogailuen muntaketarekin zerikusia duen guztirako). Horiek, beste bezero askok bezala, lekukotasun positiboak uzten dizkiote beti Auspolari.
