Albisteak 30 maiatza, 2025

IndeusBerri: Industria eta Euskararen plaza

Gaur albiste dira BeDigital azokako euskarazko jardunaldia, ChatGPTri buruzko ikastaroa, Enpresarean Foroa, Adimen Artifizialak lagundutako kontroldun irudiak sortzea eta Kontrol industrialerako sistema.

Datorren ostegun eta ostiralean ChatGPTri buruzko ikastaroak euskaraz Mikroenpresa Digitalaren eskutik. Maiatzean egindako ikastaroek izan duten arrakasta ikusita, Mikroenpresa Digitala ekimenak ikastarook errepikatzea erabaki du. Ekainaren 5ean egingo da ChatGPT I eta ekainaren 6an berriz ChatGPT II. Ikastaroon helburua izango da Lengoia-eredu nagusien oinarriak ulertzea, ChatGPTk sektore, esparru eta lan askotan dituen aplikazioak ezagutzea, Teknologia mota honi lotutako arriskuak eta erronkak ezagutzea eta dauden ordainpeko eta doako planak ezagutzea. Internet eta bere tresnen erabilera erraz eta dohainik ikasi nahi duten mikroenpresei edota autonomoei zuzenduta dago.

INDEUSek Zibersegurtasunari buruzko jardunaldia antolatu du BeDigital ekitaldian, BECen. +INDUSTRY azokaren barruan, ekainaren 3tik 5era egingo den BeDigital ekitaldiaren egitarauan, Zibersegurtasunari buruzko jardunaldia antolatu du INDEUSek CYBASQUErekin elkarlanean. Ekainaren 4an egingo da ‘Zibersegurtasunaren erronkari erantzun, industria lehiakorragoa eta seguruagoa eraikitzeko’ izenburupean eta Puntueus, Ikerlan, Cybertix edota Orbik enpresek hartuko dute parte zibersegurtasunaren gaia ertz desberdinetatik aztertzeko, hala nola Adimen Artifiziala, Kuantika edota Domeinuak. Amaitzeko enpresetan zibersegurtasuna indartzeko Sprik dituen laguntza-programen berri ere emango da.

Enpresen barne-komunikazioaren ereduak eta baliabideak aztertuko ditu Enpresarean Foroak. Enpresarean proiektuaren barruan, Barne-komunikazioaren inguruko foroa antolatu du Bai Euskarari Elkarteak. Ekainaren 5ean egingo da ekitaldia goizeko 09:30tan hasi eta 11:30etan amaituta, Euskadiko Parke Teknologikoaren Gipuzkoako campusean. Komunikazio korporatiboari buruzko hitzaldiarekin hasiko da topaketa eta ostean, bi enpresen kasu praktikoak aurkeztuko dira, Oreka IT eta Fagor Taldearena hain zuzen ere. Amaitzeko Soziolinguistika klusterrak Jendaurrean.eus aurkeztuko du.

“Kontrol industrialeko sistema” Industria Berriaren Spri Hiztegian. Prozesu industrialak kontrolatzeko erabiltzen diren hainbat kontrol-sistema eta tresneria biltzen dituen termino generikoa. Gaur egun, oso sistema konplexuak izan daitezke, milaka landa-konexio dituen sistema banatu, interkonektatu eta interaktiboak osatuz. Prozesuaren aldagaiak neurtzen dituzten urruneko sentsoreetatik jasotako datuak jasotzen dituzte, bildutako datuak nahi diren doikuntza-puntuekin konparatu, eta prozesu bat amaierako kontrol-elementuen bidez kontrolatzeko erabiltzen diren komando-funtzioak sortzen dituzte.

Ekainaren 9an eta 10ean Adimen Artifizialak lagundutako kontroldun irudiak sortzeko ikastaroa euskaraz. Ikastaro hau adimen artifizialeko irudiak modu erraz eta kontrolatuan sortzeko interesa duen edonorentzat diseinatuta dago, tresna irisgarriak erabiliz. Freepik AI Suiteren funtzio nagusiak ezagutu eta beren proiektuetan aplikatu nahi dituzten sortzaile, ekintzaile eta profesionalen beharrak aseko dituen prestakuntza praktiko gisa aurkezten da. Asmoa da AAk lagundutako irudien sorkuntzara oinarrizko hurbilketa bat eskaintzea, aurretik esperientziarik ez dutenek ere oinarriak ikasi eta beren konposizioak sortzen has daitezen.

Lotutako albisteak

28/05/2025 Euskara industrian

Industriaren Eraldaketa Digital Segurua jardunaldia antolatu dute INDEUSek eta CYBASQUEk euskaraz BeDigital azokarako

Ekainaren 4an egingo da, 'Zibersegurtasunaren erronkari erantzun, industria lehiakorrago eta seguruago bat eraikitzeko' izenburupean.

23/05/2025 Euskara industrian

IndeusBerri: Industria eta Euskararen plaza

Gaur albiste dira Adimen Artifiziala eta irudiak sortzea, ChatGPT ikastaroak, Bai Euskarari ziurtagiriak 25 urte eta Txartel adimendun.

16/05/2025 Euskara industrian

IndeusBerri: Industria eta Euskararen plaza

Gaur albiste dira Adimen Artifizialaren inguruko ikastaro bat, Euskaraldia, Ekintzaile eta Barnekintzaile laguntza-programak, Udaltop eta Blockchain laborategi.

15/05/2025 Euskara industrian

EUSKARALDIA iritsi da SPRI Taldera

SPRI Taldeko erakundeekin batera Bizkaia Plaza eraikinean kokatutako gainerako erakunde publikoek elkarrekin ospatu dute Euskaraldiaren hasiera.

15/05/2025 Zibersegurtasuna

Iritsi da zure datuak eta zerbitzuak hodeira migratzeko unea. Aprobetxatu euskal enpresentzako Kloud laguntza

Kloud programak Euskadiko enpresei haien zerbitzu edo azpiegitura informatikoak Cloud ingurune komertzialetara migratzeko aukera eskaintzen die. Horretarako, enpresa bakoitzeko 50.000 € arte eskaintzen du hodeirako migrazio-prozesu osoa diseinatzen eta ezartzen lagunduko dien kanpoko enpresa bat kontratatu ahal izateko. Azaroaren 10ean amaituko da laguntza hori eskatzeko epea.

09/05/2025 Euskara industrian

Bilaketa iragazi

IndeusBerri: Industria eta Euskararen plaza

Lotutako albisteak

Industriaren Eraldaketa Digital Segurua jardunaldia antolatu dute INDEUSek eta CYBASQUEk euskaraz BeDigital azokarako

IndeusBerri: Industria eta Euskararen plaza

IndeusBerri: Industria eta Euskararen plaza

EUSKARALDIA iritsi da SPRI Taldera

Iritsi da zure datuak eta zerbitzuak hodeira migratzeko unea. Aprobetxatu euskal enpresentzako Kloud laguntza

IndeusBerri: Industria eta Euskararen plaza

IndeusBerri: Industria eta Euskararen plaza

IndeusBerri: Industria eta Euskararen plaza

IndeusBerri: Industria eta Euskararen plaza

Adimen artifiziala, blockchaina eta zibersegurtasuna izango dira Elkargiko 35. Enpresa Topaketaren erdigunean

Jarrai gaitzazu