Joseba Goikouria, BIC Bizkaia Ezkerraldea: ““BIC Bizkaia Ezkerraldeak aberastasuna eta enplegua sortu gura ditu Ezkerraldea, Meatzaldea eta Enkarterri eskualdeetan…”

“BIC Bizkaia Ezkerraldeak aberastasuna eta enplegua sortu gura ditu Ezkerraldea, Meatzaldea eta Enkarterri eskualdeetan. Horregatik, enpresa berria eratu gura duten ekintzaileei eta enpresei laguntzea, lehendik daudenak bultzatzea eta inbertsio- eta berrikuntza-proiektu berriak eskualdeetara (Ezkerraldea, Meatzaldea eta Enkarterri) erakartzea da bere lana”

Zein da BIC Bizkaia Ezkerraldeak eskaintzen duen balioa?

BIC Bizkaia Ezkerraldea Eusko Jaurlaritzak eta Bizkaiko Foru Aldundiak sustatutako inkubagailua da, Ezkerraldea-Meatzaldean eta Enkarterrin enplegua sortuko duten proiektu ekintzaile berriak bultzatzeko. Bere zerbitzuen artean, negozio-plana egiteko aholkularitza eta laguntza, finantzaketa bilatzea eta prestakuntza daude. Barakaldon dago, Ilgner eraikin historikoan, eta 2.500 m2-ko azalera du. Tamaina desberdinetako 50 enpresa-modulu baino gehiago ditu, eta baita guztiek erabiltzeko espazioak, ekitaldi-aretoa, prestakuntza-gelak eta aparkaleku pribatua ere. Egonaldiak 3 eta 5 urte bitartean irauten du.

BIC Bizkaia Ezkerraldeak enpresa-zentro bat du Barakaldon, «Ilgner pabiloia» Eraikinak eta Eraikin Eranskina izenekoak osatua. Eraikin horiek 7.000 m2 inguruko azalera dute, eta 12.500 m2-ko lurzati batean daude. Horrez gain, hainbat gune ditu, hala nola, Ekitaldi-aretoa, Prestakuntza-gelak, Sustatzaile-gelak, Aparkalekua eta abar, eta hainbat neurritako 54 enpresa-modulu. BIC Bizkaia Ezkerraldea, ekintzaileari lotutako bere prozesu guztietarako Espainian ISO 9001:2008 eta 14001:2004 Arauetan AENORek ziurtatutako Kalitate eta Ingurumen Sistema Integratua duen CEEI bakarrenetakoa da.

Ideia bat duten baina ideia hori gauzatzeko baliabiderik ez duten ekintzaileentzat, zer da BIC Ezkerraldea? Zer eskaintzen die?

BIC Bizkaia Ezkerraldeak talde kualifikatua du, Ezkerraldea-Meatzaldean eta Enkarterrin proiektu berritzaileak sortzen eta sendotzen eskarmentu handia duena. BIC Bizkaia Ezkerraldea Europako Enpresa eta Berrikuntza Zentro bat da, ezagutzaren hainbat arlotan gaitutako eta enpresa-esparruan esperientzia duten profesional-talde txiki batek osatua. Horri esker, tratamendu integrala eman ahal zaie ekintzaileen eta horien jarduketa-eremuan, hau da, Ezkerraldea, Meatzaldea eta Enkarterri eskualdeetako udalerrietan, dauden ETEen beharrei. Bi jarduketa horien osagarri garrantzitsu gisa, BIC Bizkaia Ezkerraldeak proiektu horiek enpresa-inkubagailuan finkatzea erraztu gura du.

Zein motatako enpresari eta enpresa-proiekturi daude zuzenduta BICen zerbitzuak?

BIC Bizkaia Ezkerraldeak aberastasuna eta enplegua sortu gura ditu Ezkerraldea, Meatzaldea eta Enkarterri eskualdeetan. Horregatik, enpresa berria eratu gura duten ekintzaileei eta enpresei laguntzea, lehendik daudenak bultzatzea eta inbertsio- eta berrikuntza-proiektu berriak eskualdeetara (Ezkerraldea, Meatzaldea eta Enkarterri) erakartzea da bere lana. Enpresak sustatzeko lan horrekin batera, lan garrantzitsuak egiten dira pertsonak trebatzeko. Bi jarduketa horien osagarri garrantzitsu gisa, BIC Bizkaia Ezkerraldeak proiektu horiek enpresa-inkubagailuan finkatzea erraztu gura du. Azken batean, BIC Bizkaia Ezkerraldearen xede estrategikoa hau da: proiektu berritzaile hori gauzatzeko laguntza eta aholkularitza behar duten enpresak eta proiektu berritzaileak erakartzea.

Zer abantaila ematen ditu zuen instalazioetan inkubatuta egoteak?

Ezkerraldea, Meatzaldea eta Enkarterri eskualdeetan eta Bizkaiko lurralde historikoaren gainerakoan enpresa berriek aurre egin beharreko oztopo nagusietako bat gauzatu beharreko jarduerarako kokapen egokia hautatzea da.

Kokalekua bilatzeko lana errazteko, BIC Bizkaia Ezkerraldeak sustatzaileei eskaini beharreko bi tresna garrantzitsu ditu. Alde batetik, 2000ko abenduan Ilgner Enpresa-inkubagailua inauguratu zen, zazpi hamarkadatan zehar Bizkaiko Labe garaietako energia elektrikoa eraldatzeko makineriaren zati bat hartu zuen eraikin historikoan. Eraikin horrek, birmoldaketa sakon baten ondoren, bere aztarna industrial guztia kontserbatu du, eta, aldi berean, enpresak hartzeko leku erabilgarria irabazi du, Eraikin erantsi bat eraiki delako, informazioaren eta komunikazioaren teknologia berrietara iristea errazteko.

Arlo horretan, BIC Bizkaia Ezkerraldean, bi helbururen inguruan egiten dugu lan:

– Eskualdeko enpresei prestakuntza handiko langileak ematea, betiere enpresen beharren arabera, eta horiek azkarragoak eta lehiakorragoak izatea.

– Langabezian dauden pertsonak lan-merkatuan sar daitezela erraztea, behar bezala gaituz.

Eskualde bateko giza baliabideen kalitateak modu eraginkorrean laguntzen du enpresa-ekimen berriak instalatzen eta epe luzean tokiko ingurune berean jarraitzen.

Ezkerraldea, Meatzaldea eta Enkarterri Eskualdeak beti izan du eskulan kualifikatua industria-sektorearen barruan, sektore horretan punta-puntako garapena duen eskualde bati dagokion bezala. Hala ere, Eskualdearen jarduera ekonomikoan gertatzen ari diren aldaketek, eskulana errealitate aldakor horretara, kualifikazio eta lanbide berrietara, egokitzea eskatzen dute.

Horrez gain, ezin dugu ahaztu prestakuntzak, langabeen kolektiboen artean dauden enplegu-aukerei aurre egiten lagundu behar duela, emakumeentzako, desgaitasuna duten pertsonentzako, eskola-sisteman porrot egin duten gazteentzako, gizartean baztertuta daudenentzako eta abarrentzako aukera-berdintasunerako zeharkako neurrien bidez.

Zenbat startup daude inkubatuta gaur egun eta zer motatako aholkularitza jasotzen dute?

“Une honetan 25 startup daude Ilgner Inkubagailuan. Bertan dauden bitartean, aholkularitza-zerbitzu iraunkorra ematen zaie Bizkaiko Foru Aldundiak eta Eusko Jaurlaritzak eskaintzen dituzten programen barruan, hala nola: Enpresa-proiektuen garapena, Ekintzaile, Enpresa-proiektuen sorrera, Hazitek, Nazioartekotzea, 2I, Industria Digitala, besteak beste, eta baita finantzaketarako hainbat bide ere (Gauzatu, Elkargi…). Bestalde, proiektuaren garapenean % 15 ekintzailetza-aretoan egon da, enpresa-modulu bat aukeratu aurretik. Modu berean, gure komunikazio-kanaletan eta ekitaldietan hedapen-zerbitzuak eskaintzen zaizkie, eta baita enpresa-kudeaketarekin lotutako laguntza-programetan eta arloetan prestakuntza ere. Prestakuntzarekin batera, azelerazio, mentoring edo berrikuntza irekiko programetan parte hartzeko aukera ere badago. Azkenik, enpresa-inkubagailuko prestakuntza-gelak, bilerak eta abar alokatzeko aukera dute.

Ezkerraldearen eta Meatzaldearen etorkizuna ekintzailetza al da?

Ekintzailetza Startup-ek jartzen duten balio bat da, eta uste dut talde batzuk oso konbentzituta daudela ekintzailetzaren balioaz, eta beste batzuk, berriz, premiaz egiten dutela, konbentzimendu gutxiago duten arren. Jakina, ekintzailetza Ezkerraldearen, Meatzaldearen eta Enkarterriren etorkizunaren parte da.

Zein izango litzateke BICen mezua gauzatzen ari diren proiektu berri horietara erakartzeko?

BIC izaera berritzailea duen enpresa-zentroa da, eta alderdi teknikotik Startup bakoitzeko langileei aholkuak eta tutoretza ematen dizkie. Batez ere Eusko Jaurlaritzak eta Aldundiak sustatzen dituzten laguntza guztiak bideratzeko eta balioesteko aholkularitza. Tutoretza oso garrantzitsua da izaera berritzailea duten enpresa sortu berrientzat.

Enpresa-sustapena, prestakuntza, Ilgner inkubagailua, BICek eskaintzen dituen zerbitzuak dira. Zeintzuk dira epe laburrerako eta ertainerako planak?

BIC Bizkaia Ezkerraldeko Sustapen eta Trebakuntza Eremuaren jarduketa-eremua Ezkerraldea, Meatzaldea eta Enkarterrin gure xede diren kolektiboen prestakuntza- eta enplegagarritasun-beharrei erantzun egokiena ematera dago bideratuta. Ikasleak, Langabeak, Langileak, Enpresen sustatzaileak eta Gizarte-bazterketa egoeran dauden Kolektiboak.

BIC Bizkaia Ezkerraldearen lehentasunezko helburua, abian jarri zenetik, enplegu egonkorrerako aukerak sortuko dituzten enpresa-proiektu berriak sustatzea da, ahal dela berritzaileak; horretarako, tratamendu integrala ematen die aurkezten zaizkion enpresa-proiektu edo -ideiei. Tratamendu integral horrek barne hartzen ditu hasierako aholkularitzatik hasi eta Eskualdearen eremu geografikoan kokagune bat ematea, eta baita proiektuaren Negozio Plana egiten laguntzea edo finantzaketa potentzial egokiena bilatzea eta hautatzea ere.

Lehentasunezko helburu hori lortzeko, BIC Bizkaia Ezkerraldeak Sustapen Aktiboaren irizpidearekin egiten du lan. Irizpide horrek egoera hauetan jardutea dakar:

– Enpresa-ekimenak erakartzea

– Negozio Plana egiten laguntzea

– Proiektua abian jartzea

Modu berean, BIC Bizkaia Ezkerraldeak, bere kide diren erakundeetatik eratorritako jarraibideekin bat etorrita, era aktiboan hartzen du parte enpresa hornitzaile potentzialak dituzten eskualdeetako enpresa traktoreen bidez sortzen diren sinergien barruko enpresa-proiektuak gauzatzeko lanetan.

Horrez gain, azpiegitura bikainak dituen Ekitaldi Zentroa ere bada. Zer erabilera du gaur egun eta zer ekitaldi aurreikusten dira etorkizunean?

Ilgner eraikina BIC Bizkaia Ezkerraldearen (CEDEMI) egoitza nagusia eta aurpegia da. Bizkaiko Labe Garaien azpiestazio elektriko zaharrean egindako birgaitzeari esker, egungo egitura, edozein motatako ekitaldiak hartzeko beharrezko ekipamendua, apainketakoa eta teknologikoa, duen espazio bikaina da. Aretoen moldakortasunari esker, enpresa edo erakunde bakoitzaren beharretara egokitu daiteke.

Gaur egun, bilera-gelak, ikasgelak, areto nagusia eta 35 m2-tik 350m2-ra bitarteko espazio diafanoak ditugu, bilerak, askotariko prestakuntzak (batzar nagusiak, produktuen edo zerbitzuen aurkezpenak) eta mota guztietako ekitaldiak egiteko. Berrikuntzarekin eta sustapen ekonomikoarekin erlazionatutakoek dute lehentasuna.

Lotutako albisteak

2 apirila, 2024 Ekintzailetza

Perseus: “Perseusen I+G+b da gure zerbitzuak hobetzeko erabiltzen dugun indarra”

Irakurri gehiago

26 otsaila, 2024 Berrikuntza

Vostok Electric: “Mugikortasun jasangarriaren esparruan hobe da urrats txikiak eta seguruak ematea”

Irakurri gehiago

23 otsaila, 2024 Ekintzailetza

Ventijetek birikietako haizagailu berritzaileak sortu ditu arnasteko zailtasunak dituzten pazienteentzat

Irakurri gehiago

12 otsaila, 2024 Digitalizazioa

Chubby Apps: “App bat errentagarria izan dadin, produktua, marketina eta negozio-eredua bildu behar ditu”

Irakurri gehiago

22 urtarrila, 2024 Ekintzailetza

Ardiluzu: “Gertatzen ari denari buruzko zenbait ideia bisualki islatzeak hitzaldiaren edo ekitaldiaren balioa handitzen du”

Irakurri gehiago

Joan blog-era