Iker Asurmendi, Mindfoodland: “Jaten duguna gara, baita Lurra ere”.

Ideia hau haren Master Amaierako Proiektutik dator: Iker Asurmendi bere proiektua ‘Basque Culinary Center’-en garatzen ari zen. “Helburua sukaldaritza zentrala sortu eta produktu ekologikoa merkaturatzea zen. Sukaldaritza ardatz duen ardurazko elikadurarako formakuntzan diharduen lagun batek deitu zidan eta Estibalizen sukaldean ‘nutrazeutiko’ mota honetako platerrak prestatzea iradoki zidan…

Urtebeteren buruan, Mindfoodland-ek eko-platerrak ekoizten ditu enpresa eta gizabanakoentzat, hastapenetan BIC Arabak eskainitako laguntzari zor. Orain Iker eta bere kide Luis, Christian, Joao eta Felipe egonkortze-prozesuan eta kanporanzko proiekzioan lan egiten ari dira, negozioa indartuko duten entitate publiko eta pribatuen laguntzaz.

Ardurazko elikaduraren aldeko apustua egiten duen proiektua; osasunaz gain planeta jagoteko asmoz…

Bai, “Geu bezala, Lurra ere jaten duguna da” da gure esaera. Gure platerrek elikagarrien %100 mantentzen dute eta beroketa bidezko prozesurik ez dugu erabiltzen. Honela, planetaren kutsadura gutxitzen laguntzen duen eta erabat osasuntsua den elikadura eskaintzan ari gatzaizkio gizarteari.

Gure ekoplaterrek euren zapore eta osasungarritasunari eutsi biezaiote, ordu asko ematen ditugu 42ºra ernetze, hartzidura, aktibazio, mazerazio eta deshidratazio-ternikak aplikatzen geure barazki ekologikoetan.

Nortzuk dira zuen bezeroak? Zein bezero motari zuzentzen zatzaizkie?

Gure bezerorik ohikoenak euren langileen bizi-kalitatea ardurazko elikaduraren bidez hobetu nahi duten enpresak dira. Horretarako, ‘mindfullnes’ eta ‘mindful eating’ tailerrak eskaintzen dizkiegu; honez gain, geure platerrak eskuragarri dituzte ‘delivery’, ‘makina-jatetxe’ eta ‘vending’ deritzenen bidez. Hau guztiau egunean-egunean hartzen dituzten elikagarriak neurtzeko aukerarekin, gure ‘app’-ari esker.

Badira bestelako bezeroak, hala nola elikadura osasuntsua izan nahi dutenak, beganoak, glutena zein laktosa har ezin dezaketenak… edota, beste barik, euren elikaduraren bidez planetari lagundu nahi dioten pertsonak.

Iker, BIC Arabaren laguntza eta euskarria jaso duzue proiektua martxan jartzean. Nolako etekina ateratzen diozue?

BIC Araba izan da gugan konfiantza izan duen Euskadiko lehen erakundea; haiei esker, Elkargi eta Luzaro bezalako entitateen babesa lortu dugu, kanpoko merkatuetan hazi eta murgiltzea ahalbidetuz.

I+D+i ezinbestekoa da negozio ororentzat; Midfoodlandek beste zenbait entitatetik jasotzen du bere produktua eta zerbitzua garatzeko laguntza.

Halaxe da, I+D prozesuetan laguntzen diguten beste enpresa batzuekin dihardugu. Lehenbiziko urratsa ‘Basque Culinary Center’-en azeleragailuan onartzea izan zen. Bertan I+D elikaduraren sektoreko enpresa baten alor guztietan aplikatzen ikasi genuen.

Besteren artean, Gasteizko ‘Vending Modular’ konpainiarekin ari gara elkarlanean, hozkailuak ‘jatetxe-makina’ bihurtzen laguntzen digutenak. ‘Actualiza’-ren babesa ere jasotzen dugu, gure hozkailu eta ekoplaterrei inteligentzia emateko gurekin elkarlanean ari den mugikorretan espezializatutako enpresa. Haiekin batera, elikagarri gardenak antzematen dituen munduko lehenengo ‘wereable’-a diseinatzen gabiltza.

‘Eco packaging’-ei dagokienez, bi enpresekin ari gara elkarlanean; bata Bartzelonako “Lo Siento”, eta bestea Bizkaiko “Gutiérrez Angulo”. Bai batak eta bai besteak laguntzen digute gure elikagaiak barneratzen, konpost egin daitekeen packgaging-az beti bizirik daudenak.

‘Basque Food Laboratory’-rekin ere ari gara lan egiten, ‘raw’ sukaldaritzaren hastapenak betetzen dituzten formulak diseinatzen. Aktibitate honekin jan aurreko ekologikoak, erabat osasungarriak eta prozesatu gabeak merkaturatu nahi ditugu, gaur egungo vending makina gehienetakoak ez bezalakoak. Ibilbide honetan Tecnalia Fundazioaren Elikadura Osasuntsuaren esparruarekin kolaboratzen dugu antioxidatzaile organikoak garatzeko; baita Azti Tecnaliarekin, HPT teknologia duen packaging-eko I+D-rako.

Araban sortutako proiektu hau lurralde gehiagora zabaltzeko asmoa duzue…

Jakina. Hastapenak Euskadin egin arren, 2019ko urtarrilean Madril eta Bartzelonara zabaltzeko helburua dugu, betiere euren langileek ardurazko elikadura izateko irrika duten enpresen eskutik. Gure hurrengo erronka Europako beste herrialde batzuetara zuzentzea da, janari beganoa banatzen espezializatutako enpresekin batera.

Informazio gehiagorako: www.mindfoodland.com

Lotutako albisteak

2 apirila, 2024 Ekintzailetza

Perseus: “Perseusen I+G+b da gure zerbitzuak hobetzeko erabiltzen dugun indarra”

Irakurri gehiago

26 otsaila, 2024 Berrikuntza

Vostok Electric: “Mugikortasun jasangarriaren esparruan hobe da urrats txikiak eta seguruak ematea”

Irakurri gehiago

23 otsaila, 2024 Ekintzailetza

Ventijetek birikietako haizagailu berritzaileak sortu ditu arnasteko zailtasunak dituzten pazienteentzat

Irakurri gehiago

12 otsaila, 2024 Digitalizazioa

Chubby Apps: “App bat errentagarria izan dadin, produktua, marketina eta negozio-eredua bildu behar ditu”

Irakurri gehiago

22 urtarrila, 2024 Ekintzailetza

Ardiluzu: “Gertatzen ari denari buruzko zenbait ideia bisualki islatzeak hitzaldiaren edo ekitaldiaren balioa handitzen du”

Irakurri gehiago

Joan blog-era