Euskal enpresaren blog-a Zure enpresarentzat garrantzitsua den eguneroko informazioa

2 ekaina, 2021
“Estrategia komertzialari lehenbailehen ekin behar zaio, plana perfektua izateari itxaron gabe”

Orain geure zerbitzuen komertzializazioan eta metalen ekoizpen gehigarriaren prozesua sustapenean zentratuta gaude.
MADIT metal 3d

3D inprimaketari esker, materialaren bidez osagaiak ekoiztu daitezke. MADIT Metal, Javier Díaz Gutiérrez eta Asier Dominguez Olabe, mota honetako 3D-metal inprimaketan espezializatu dira SLM (Selective Laser Melting) teknologiaren bidez. Cebek Emprenderen blogean partekatzen dute euren lana: “Industriarako osagaiak ekoizten ditugu aluminio, altzairu herdoilgaitz eta altzairu gogorrean, 250x250x320 mm-ko dimentsioak izan ditzaketenak”. Gainaldeen leunketak egiteko prozesuetan ere espezializatu dira, “bezeroari dagokion pieza amaiturik igorri ahal izateko”.

 

ITP Aero-n ibili ondoren sortu zen zuen ekimen hau.

Bai, neuk konpainia horretan izandako esperientziatik sortu zen ideia. Ekoizpen gehigarriaren prozesuen arduraduna nintzen bertan. Industriari orokorrean metalari lotutako zerbitzuak eskaintzeko enpresak eta gaitasuna falta zitzaizkiola antzeman nuen; prozesuaren industrializazioa eta kostuen murrizketa behar zen. ITP Aeroko langile ohia den Asierrekin elkartu nintzen. Azken urteotan bera enpresa baten diseinuaren arduraduna izan da. Hala, ekoizpenean eta diseinuan dugun esperientzia elkartu genuen zerbitzurik onenak eskaintzeko.

 

Zer kostatu zitzaizuen gehien zuen hastapenean?

Gure arazo nagusia pandemia izan da, 2020ko otsailean geure aurreko lanak utzi genituelako. Ondorioz, ekintza batzuk atzeratu egin zitzaizkigun, hala nola, instalazioen prestakuntza. Baina irailean, behin bukaturik, geure bezeroei lehenbiziko osagaiak ematen hasi ginen.

Orain geure zerbitzuen komertzializazioan eta metalen ekoizpen gehigarriaren prozesua sustapenean zentratuta gaude. Ezjakintasun handia dago teknologia hauek egin dezaketenari dagokionez; bai diseinuan, bai 3D inprimaketaren bidez ekoiztea zentzua duen aplikazioetan. Hauxe da arazo nagusia. Honenbestez, teknologia hau ezagutzera emateko lan handia egitera behartuta gaude.

 

Orain ezagutza ere eskaintzen duzue, enpresaren beste zerbitzu bat bezalaxe…

Injinerutzan erreferente diren enpresa askok ez dituzte ondo ezagutzen 3D inprimaketak ekar ditzakeen aukerak. Ekoizpen gehigarriaz asko hitz egin da, baina honen barruan abantailak eta desabantailak dituzten teknologiak ere badaude, eta hau ere ezagutu beharrekoa da. Industriaren sektoreak aukera hauek ezagutzea gure lanaren parte da. Hortik sortu dira eskaintzen ari garen teknologiari buruzko aholkularitza-zerbitzuak.

 

Metalean egindako 3D inprimaketak bereizten zaituzte gehien.

MADIT metalezko 3D inprimaketan espezializatu da. Aktibitatea material bakoitzean lan egiten duten hiru makinarekin hasten da; ondorioz, ekoizpen-gastu xumeagoak ditugu, bestelako ekoizleekin konparatuz. Honez gain, prozesuen garapenak osatu ditugunez, makinen ekoizpen handiagoa lortzen dugu. Bestalde, gainaldeen leunketak egiten hainbat prozesu sartzen ari gara enpresan, beste enpresa batzuk azpi-kontratatzea saihetsirik; hortaz, osagaien salneurria eta ekoizpenerako epea ez dira handitzen.

 

Zuen lana martxan jarri eta garatzean, nolako akatsak azter daitezke beste ekintzaile batzuek akatsok saihestu ahal izateko?

Akatsak alor askotan izan dira, gure espezialitatea alderdi teknikoa baita: enpresa bat sortzean, alor batzuetan ez genuen inolako ezagutzarik. Funtsezkoa da kutxaren nondik-norakoak ondo kontrolatzea, eragiten duten faktore guztiak aintzat harturik. Bestalde, estrategia komertziala oso argi izatea eta lehenbailehen hastea komeni da, dena ezin hobeto edukitzera itxaron gabe…

 

Ondo egin dituzuen zein gauza gomendatuko zenituzkete?

Startup bat sortzerakoan, negozioa menderatzen edo ondo ezagutzen den sektore batean oinarritzea gomendatuko nuke, betiere sektore honek etorkizunera begira benetako potentziala baldin badu. Ordu asko ematen dira horretan lan egiten eta arriskua oso altua da. Hortaz, egiten duzuna ondo ezagutzea eta atsegingarria izatea oso beharrezkoa da.

 

MADIT 3d METAL

 

Andróemda Moto
Ekintzailetza 25 iraila, 2021
Andromeda Moto: motorrean ibiltzeko larrurik gabeko arropa etorkizuneko gidarientzat

Beste ideia handi asko bezala, gaurkoan aurkezten dizuegun hau ere norbere beharrizanetik sortu...Leer más

Wake up news up Euskadi
Ekintzailetza 24 iraila, 2021
Wake up! Albiste ekintzaile batzuk sarean. Asteko laburpena: Irailaren 20tik, 24rako astea

Wake up! -ek Komunikabide eta Sareko Blog desberdinek argitaratutako albisteen hautaketa txiki bat...Leer más

Ekintzailetza 23 iraila, 2021
Haizetek sendotzen ari da iragazte-sistema industrialen espezialista bezala

  David Pérez de Burgosen istorioa inoren konturako beste hainbat profesionalen bezalakoa...Leer más

ENAUT David Ibáñez
78.000 euro Novaut-en marketplace industrialaren lehenengo inbertsio-errondarako

Novaut.com, industria-produktuen salerosketara zuzendutako web plataformak 78.000 euro jasotzea...Leer más

airea e-Learning, pertsonak eta erakundeak ahalduntzea gaitasun digitalen bidez

2016tik, airea e-Learning-en ikaskuntza-esperientzia digitalak diseinatu eta ezartzen dituzte...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?