Euskal enpresaren blog-a Zure enpresarentzat garrantzitsua den eguneroko informazioa

22 Marzo, 2021
TECNALIAk eta BECSAk startup bat sortu dute trenbide-azpiegituren inpaktu akustikoak murrizteko

TECNALIAk eta BECSAk startup bat sortu dute trenbide-azpiegituren inpaktu akustikoak murrizteko
Acustrain Becsa Tecnalia

TECNALIA ikerketa eta garapen teknologikoko zentroak, Becsa (Simetría taldeko enpresa) azpiegituretan eta eraikuntzan espezializatutako enpresarekin batera, startup berri bat sortu du trenen maila akustikoa gutxitzeko hirietan. Enpresa berriak Acustrain du izena, eta Bizkaian dago. Hormigoian eta material xurgatzaileetan oinarritutako hesi akustikoak diseinatu, fabrikatu eta instalatuko ditu, hiri-inguruneetako trenbidearen errodadura-zarata murrizteko.

TECNALIA Ventures deep tech venture builderen laguntza izan du azkartzeko, eta soluzio berritzaile bat da, egungo merkatuak estaltzen ez duen eskari bati erantzuten diona. Jotzen da Espainian urtean 400 milioi eurotik gorako negozioa sor dezakeela. Acustrainen azken helburua pertsonen bizi-kalitatea hobetzea da, eta Europako biztanleen % 6ri eragiten dion arazo bati irtenbidea ematea, konfort akustikoa hobetuz; hala, zarata-maila handien ondoriozko patologiak gutxituko dira.

ETS Euskal Trenbide Sarearen Ermuko estazioan du jada bere lehen instalazioa enpresa berriak. Garaiera txikiko hesi akustiko bat da, 2020an egina, eta 310 metro luze da. Zirkulazioaren bi noranzkoak estaltzen ditu, tarte bereziki konplexuetan (sestrak, bihurguneak, trenbide bikoitzak, espazio txikia, etab.), hain zuzen ere pantaila-soluzio konbentzionalak instalatu ezin diren tokietan. Instalazio horren emaitzak, arduradunen arabera, “oso onak dira inpaktu-azterketari dagokionez, ez baitira inoiz gainditu hiri-inguruneetarako kutsadura akustikoaren arauzko mailak”. Nabarmentzekoa da trenen zarata minimizatzea sektorearen lehentasunen artean dagoela eta trenbide-kudeatzaile nagusiak dagoeneko ekintza-planak egiten ari direla konponbideak ezartzeko.

Enpresa berria Bizkaiko Zientzia eta Teknologia Parkean dago, eta, hasieran, 2 pertsonako taldea izango du. Laugarren urtea baino lehen 5 milioi eurotik gorako fakturazioa lortzea aurreikusten du.

 

Soluzio teknologiko aitzindaria

Garapen berria garaiera txikiko hesi akustikoko sistema modular bat da, 1,5 metrotik beherakoa, hormigoizko egitura batean oinarritua. Soinua xurgatzeko gaitasuna du aurrealdeko plakaren diseinu geometrikoaren bidez eta gehitzen zaion material xurgatzailearen bidez. Diseinatuta dago trenaren beheko elementuen eta trenbidea osatzen duten elementuen arteko kontaktuak eta bibrazioak sortzen duten zarataren hedapena murrizteko, zirkulazio-abiadura 150 km/h-ko baino txikiagoa den zatietan.

Azken 4 urteotan ingurumenaren eta jasangarritasunaren arloan espezializatutako TECNALIAko ikertzaileek Simetría taldeko Becsa enpresako I+Gko taldearekin lankidetzan egindako lanaren emaitza izan da; hala, garapen teknologiko bat merkaturako balio erantsia duen produktu bihurtzea lortu da.

Acustrainen soluzioak abantaila hauek ditu, besteak beste: ez du zimendatze gehigarririk behar, soluzio propio baten bidez ainguratzen baita, eta trenbidetik hurbil kokatzen diren elementuek bete beharreko trenbide-arauak betetzen ditu; bihurguneetan eta sestra-aldaketak dituzten tarteetan instalatzeko konplexutasuna konpontzen du; fokutik urrutiago ezarritako pantaila akustiko baten bidez lortzen den soinu-indargabetze berdina edo handiagoa lortzen du; eraginkortasun bereko hesi konbentzional batek baino kostu txikiagoa du, ikusizko inpaktu txikiagoa du, eta ez du haize-kargen inpaktuaren arazorik, bere pisuagatik. Hala, operadoreek ezarritako galiboak errespetatzen ditu soluzioak, eta ez du zailtzen ebakuazioa gorabeheraren bat izanez gero.

Hurrengo urratsei dagokienez, bere negozioa estatuko merkatuan finkatzen saiatuko da Acustrain, eta, ondoren, nazioarteko estrategia hedatzeari ekingo dio, lehentasuna Europako merkatuan jarrita. Horretarako, startupak dagoeneko baditu harremanak tokian tokiko preskriptore eta aurrefabrikatzaileekin, eta akordioak egingo ditu haiekin. Aldi berean, produktuaren I+Ga garatzen jarraituko du, egungo bazkideen laguntzarekin eta balio erantsi handiagoko soluzioak gauzatzeko helburuarekin. Adibidez, tokiko sorkuntza berriztagarria, sentsorika —smart city (hiri adimenduna) kontzeptua zabaltzeko—, edo aireko kutsatzaile espezifikoak (adibidez, CO2-a) xurgatzeko gaitasuna ere baduten material xurgatzaile akustikoak erabiltzea.

www.acustrain.com

Ironchip Telco Emprendedor XXI
Ekintzailetza 19 apirila, 2021
‘Ironchip Telco’k, EmprendedorXXI Sariak irabazi du

CaixaBank eta Enisak aktibitate ekintzailea bultzatzen jarraitzen dute, osasun-egoera latza bizi...Leer más

UpEuskadi Wake Up Up euskadi
Ekintzailetza 16 apirila, 2021
Wake up! Albiste ekintzaile batzuk sarean. Asteko laburpena: Apirilaren 12, 16rako astea

Wake up! -ek Komunikabide eta Sareko Blog desberdinek argitaratutako albisteen hautaketa txiki bat...Leer más

Ekintzailetza 15 apirila, 2021
Jaurlaritzak bere babesa emango die startup-ei “Cita Emprende” ekitaldian

  Eusko Jaurlaritzak eta enpresen garapenerako bere agentziak, hots, SPRI Taldeak euren...Leer más

JONGO DESIGN KREOS
Ekintzailetza 13 apirila, 2021
KREOS: Zeure erronketarako sormenezko konponbideak topa itzazu!

Jon Gorroño eta Rossana Ortúzarrek JonGo estudioa osatzen dute. Bizkaiko estudio hau diseinua,...Leer más

bme bilbao
Ekintzailetza 12 apirila, 2021
Fintech eta insurtech erronkak konpontzeko nazioarteko lehen hackathona burutuko da Bilbon

Apirilaren 23an, 24an eta 25ean "Hack & Disrupt!" ekitaldia egingo da Bilbon. Fintech eta...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?