Euskal enpresaren blog-a Zure enpresarentzat garrantzitsua den eguneroko informazioa

9 ekaina, 2021
Bigda Solutions, eraginkortasun energetikoan oinarritutako digitalizazio-proiektuak

Gasteizko start-upak energia-kontsumo handiko enpresei aholkularitza ematen die, eta haien digitalizazio-prozesuan laguntzen die
Bigda Solutions

Gaur egun, garapen teknologikoari esker, enpresak datu-bolumen handiagoa sortzen ari dira. Datu horiek kudeatzeko, Big Data teknologia dago, informazioa gorde eta kudeatuko duen arkitektura bideragarri bat sortzea helburu duena. Balio erantsia ateratzeko, adimen artifiziala eta datuen analitika sartzen dira jokoan, eta sektore horretan dago espezializatuta Bigda Solutions enpresa.

Bigda Solutions, Arabako Parke Teknologikoan kokatuta dagoen start-upa da, eta digitalizazio-proiektu bat osatzen duten fase guztietan espezializatuta dago: datuen atzematea (LoRAWAN teknologiaren bidez), datuen kudeaketa, garbiketa eta biltegiratzea, inteligentzia artifizialeko teknologien bidezko iragarpen-sistemen inplementazioa eta Business Intelligence tresnekin reporting-a. Gainera, BEMP (BigDa Energy Management Platform) plataforma bat du, enpresen energia-kontsumoak monitorizatzen, kontrolatzen eta iragartzen laguntzen duena.

Bere bezeroen profila energia-kontsumo handiak dituzten enpresak dira, automobilgintzan, siderurgian edo industria kimikoan esaterako, eta beren kontsumoa parametro desberdinen arabera nola aldatzen den hobeto ezagutzea bilatzen dute, hala nola tenperatura, ekoizpen-maila, asteko eguna, materialaren kalitatea… “Gure helburua da beren lana erraztuko duen eta gaitasun analitikoa hobetuko duen tresna bat eskaintzea, teknologia-hornitzailea izanik” azaldu du Ibon Salbidegoitiak, Bigda Solutionsen CTOak.

Enpresa Europako REACH Incubator proiektuan parte hartzeko aukeratu dute. Ekimen honetan, Bigda Solutionsek proiektu bat hasiko du Italiako 6 irin fabrikatan, 3.000 gailu baino gehiago monitorizatuz. Proiektu honekin, Europa mailan nazioartekotze prozesua hasi nahi du.

Etorkizunerako plan gisa, Bigda Solutionsen arabera, “orain arte Euskadi mailako proiektuak egin ditugu. Urte honen hasieran, beste probintzia batzuetako bezeroekin hasi ginen, eta, une honetan, aholkulari energetikoak gure bezero-zorroan integratzen ari gara, estatu mailako estrategia definitzen ari gara “. Gainera, Italiako proiektua nazioarteko hedapenerako lehen urrats gisa ikusten da enpresan.

SPRI Taldeak berrikuntzaren, ekintzailetzaren eta barne-ekintzailetzaren alde egiten du, eta laguntza integrala ematen du ideiak merkatura arrakastaz irits daitezen, Aurrera, Basque Fondo, Bind 4.0, Ekintzaile edo Barne-ekintzailetza programen bidez. Informazio gehiago esteka honetan.

Basque Industry 4.0 15 ekaina, 2021
Sei enpresa handik industriako adimen artifiziala-ren lehen partzuergoa sortu dute Espainian

Repsol, Gestamp, Navantia, Técnicas Reunidas, Telefónica eta Microsoft enpresek IndesIA sortu...Leer más

Basque Industry 4.0 14 ekaina, 2021
SPRIk ezagutzera emango du Adimen Artifiziala industria-jardueran aplikatzeko eredua

Euskal enpresek uztail honetan ezagutuko dute SPRIren bitartez Adimen Artifiziala...Leer más

Startup-ek eta enpresa handiek bosgarren BIND 4.0ren 30 proiektu teknologiko disruptiboak aurkeztuko dituzte

Ekitaldi horretan seigarren deialdia zabalduko da, eta hainbat nobedade egongo da 2016an sortu...Leer más

Basque Industry 4.0 8 ekaina, 2021
Food 4 Future-ek Euskadi FoodTech industriaren munduko erreferente bihurtuko du

Food 4 Future – ExpoFoodTech 2021ek 20 herrialde baino gehiagotako elikaduraren eta edarien...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?