SQAdrones enpresak lortu du AESAk Euskadin eman duen lehen baimena hegaldiak egiteko aireportuetatik hurbil dauden bizileku-guneetan

Baimen horrekin posible izango da Estatuko gune espezializatuetan operatzea

Dronen inguruko aplikazio eta zerbitzuak eskaintzen dituen Donostiako SQAdrones (www.sqadrones.com) enpresa bere sektorean nabarmendu da, berak lortu baitu Estatuko Aireko Segurtasun Agentziak (AESA) Euskadin eman duen lehen baimena hegaldiak egiteko bizileku-guneetako eraikin-aglomerazioen gainean, non aireko espazioa kontrolatuta dagoen aireportuetatik hurbil egoteagatik.

Baimen horrekin SQAdrones enpresak operatu dezake bere dronekin Euskadiko hiru hiriburuetan, eta baita ere Estatu osoan, bost eremu espezializatutan:

-Ikerketa eta Garapen jarduerak

-Argazkigintza, grabaketak eta aireratzeak

-Aireko behaketa eta zaintza, barne direla grabazioak eta basoetako suteen zaintza-jarduerak.

– Larrialdi-, bilaketa- eta salbamendu-operazioak.

– Beste lan berezi batzuk: azpiegituren ikuskapen industrialak: (zubibideak/errepideak/komunikazio-antenak/fatxadak/teilatuak)

AESAk SQAdrones enpresari eman dion baimenak bere baitan hartzen ditu enpresak berak fabrikatzen dituen lau aire-ontzi mota desberdin, zeintzuek gainditu baitituzte bizileku-guneetan operatzeko seguruak direla bermatzen duten proba tekniko guztiak.

SQAdrones enpresako arduradun Fernando Linaresek azpimarratu du konpainiak ahalegin handia egin duela azken 16 hilabeteetan Estatuko Agentziaren baimena lortzeko, izan ere, “enpresa bat operatzaile aeronautiko bihurtzen denean, bere flotako dron txikiena ere -50 gramo bakarrik pisatu arren- helikoptero baten segurtasun-maila berarekin tratatu behar da”.

SQAdrones

2015ean Donostian sortutako enpresa bat da, zeinak I+G, behaketa eta zaintza, larrialdi, ikuskapen industrial eta beste hainbat zerbitzu espezializatu ematen baititu bere aire-ontziekin (badu baimena aireportuetatik hurbil dauden bizileku-guneetan jarduteko). Horrez gain, aholkularitzako eta kudeaketako zerbitzuak eta aireko prestakuntza eskaintzen ditu.

Lotutako albisteak

25 apirila, 2024 Ekintzailetza

Wake Up! Albiste ekintzaile batzuk sarean

Irakurri gehiago

24 apirila, 2024 Ekintzailetza

“Bizkaia enpresekin eta pertsona ekintzaileekin lankidetzan ari da jasangarritasuna eta berrikuntza sustatzeko”

Irakurri gehiago

23 apirila, 2024 Ekintzailetza

Emen4sport, kirol-arrakazta edonoren eskura I+G+b baten bidez

Irakurri gehiago

23 apirila, 2024 Ekintzailetza

Brandfy, markak diseinatzeko prozesua birdefinitzen duen Adimen Artifizial Sortzaile tresna

Irakurri gehiago

22 apirila, 2024 Ekintzailetza

Absentixek lan-absentismoaren kostuak murrizten ditu, enpresen lehiakortasuna eta produktibitatea handitzeko

Irakurri gehiago

Joan blog-era