Mundu mugikorrerako garapen eta marketin joerak Bilbapp ekitaldian

20 maiatza, 2019

 

Tellmewow, Appsamblea eta Present for you startup-ek beren konponbideak aurkeztuko dituzte

 

Maiatzaren 24an egingo da Bilbon aplikazio mugikorren diseinu, garapen eta marketineko Bilbapp ekitaldiaren 3. edizioa. SPRI Taldearen eta Bizkaiko Foru Aldundiaren (BEAZen bitartez) babesa duen jardunaldi honek aplikazio arrakastatsuak sortzeko estrategiak eskainiko dizkie bertaratzen diren guztiei.

 

Jardunaldia beraizik zuzendurik dago garapenarekin eta marketinarekin lotutako profilei, bai eta startup, ekintzaile eta ikasleei. Ekitaldiko hitzaldi inspiratzaileen helburua da erabiltzaileak ulertzeko, proiektu erakargarriak sortzeko eta marketin mugikorraren aukerak aprobetxatzeko estrategiak erakustea.

 

Topaketan hiru euskal startup-ek parte hartuko dute eta aplikazioen garapenean izandako esperientziak aurkeztuko dituzte. Tellmewow enpresa gazte bat da, estimulazio kognitiborako casual bideojokoak garatzen dituena. Bere produktu garrantzitsuenetako bat da Entrena tu Cerebro jolas-paketea, dagoeneko milioi bat deskarga baino gehiago dituena. Bilbapp ekitaldian izango da baita ere Appsamblea, prozesu parte-hartzaileak modu seguru, sekretu eta fidagarrian egiteko onlineko bozketa sistema bat. Azkenik, Present for you enpresak crowdgifting aplikazio mugikorra aurkeztuko du, zeinak aukera ematen baitu lagunartean opari kolektiboak egiteko Facebook erabiliz eta oso modu sinplean.

 

Garapen mugikorraren arloko adituek ere parte hartuko dute jardunaldian. Hitzaldietan hainbat gai landuko dira, besteak beste, hauek: produktuaren diseinua aplikazio mugikorretan, growth hacking metodologiak edo posizionamendu estrategiak erabiltzaileak erakartzeko eta mundu mugikorrak enpresa handiei eskaintzen dizkien aukerak.

 

Binima enpresak, Mondragon Unibertsitateak eta Bart Farrellek antolatzen dute Bilbapp ekitaldia. Proiektu ekintzaileentzako Bilbao Berrikuntza Faktoria haztegian egingo da eta izen-ematea dohainik da.

 

Erlazionatutako artikuluak

Orobat interesa dakizuke

View all arrow