Gipuzkoa Open Future_ ekimenak erronka bat abiarazi du gastronomiaren sektorea digitalizatzeko

Gipuzkoako Foru Aldundiak eta Telefónica-k Gipuzkoa Open Future_ sortu dute Basque Culinary Center-en laguntzarekin, enpresetako berrikuntza sustatzen duen ekosistema babesteko.

Ekimen honen xedea da talentua eta ekintzailetza bultzatzea etorkizuneko sektore estrategikoetan –hala nola, zibersegurtasuna, gastronomiaren digitalizazioa, mugikortasun sostengarria eta bio-zientziak- eta, horrezaz gain, erreferentziazko konexio-puntu bihurtu nahi du berrikuntzaren arloan.

Open Future_ plataformaren bitartez, “berrikuntza irekiko” prozesuak abiaraziko dira, konponbidea bilatzeko benetako negozio-erronkei, prozesu horretan inplikaraziko direlarik ekintzaileak, startupak, ETEak, unibertsitateak eta teknologi zentroak. Erronka horietako bakoitzean gailentzen direnek aukera izango dute proiektu pilotu bat garatzeko enpresa parte-hartzaileekin.

Proposatuko zenuke konponbiderik jatetxe bateko bezeroaren esperientzia digitalizatzen laguntzeko?

Gipuzkoa Open Future_ ekitaldiak bere lehen erronka teknologikoa aurkeztu du “IXO Grupo” taldearen eskutik: datuen tratamenduaren kudeaketan oinarritutako konponbideak identifikatzea bezeroaren esperientzia berritzeko, bere lehentasun eta iritziei buruzko ezagutza hobetzeko, eta komunikazio hurbil eta atsegina aktibatzeko.

Baldin eta uste baduzu “Data Mining”, “Big Data”, “Analitika” eta puntako beste teknologia batzuk funtsezkoak izan daitezkeela erronka hori gainditzeko, hauxe da momentua mundu gastronomikoaren kudeaketan joera teknologiko bihurtu daitezkeen konponbide disruptiboak proposatzeko. Proiektu irabazleak konponbidearen pilotu bat egin ahal izango du IXO Grupo taldearen laguntzarekin. Gainera, 15.000 eurorainoko sari bat irabaziko du eta aukera izango du Gipuzkoako Foru Aldundiaren laguntza jasotzeko.

Kontsultatu oinarriak eta eman izena HEMEN.

Lotutako albisteak

18 apirila, 2024 Ekintzailetza

Wake Up! Albiste ekintzaile batzuk sarean 240415

Irakurri gehiago

18 apirila, 2024 Ekintzailetza

Abian da ekintzailetza berritzailea sustatzeko Toribio Echevarria sarien 34. edizioa

Irakurri gehiago

17 apirila, 2024 Ekintzailetza

Grabitek bat egin du NVIDIA Metropolisekin ikusmen artifizialeko soluzio aurreratuen bidez saltokietako galera ezezaguna murrizteko

Irakurri gehiago

17 apirila, 2024 Ekintzailetza

Zinemaldia Startup Challenge ekimenaren VI-garren deialdia abian da

Irakurri gehiago

16 apirila, 2024 Ekintzailetza

SPRIk startupekin berritzearen onurak proposatu dizkie ETEei BIND SME Connection programaren bidez

Irakurri gehiago

Joan blog-era