Filtros X
Tipos de Posts
Agenda

Joan blog-era Euskal enpresaren blog-a

Zure enpresarentzat garrantzitsua den eguneroko informazioa

Albisteak 14 maiatza, 2019 Ekintzailetza Start up UP Euskadi

Lea-Artibaiko Enpresa Proiektu Lehiaketaren 13. ediziora aurkezteko epea zabaldu da

Maiatzaren 24an bukatuko da proiektuak aurkezteko epea.
lea artibai

Bi modalitatetan bereiztuko dira proiektuak: negozio ideia berritzaileak; eta merkataritza, ostalaritza, turismo eta zerbitzu enpresak. Emakume ekintzailearentzako aipamen berezia ere
egongo da.

Aurtengo edizioan, berrikuntza bezala, bi modalitateetako
irabazleei beraien proiektua ezagutzera emateko sustapen
bideo bat oparituko zaie.

Azaro Fundazioa eta Leartibai Garapen Agentzia-Behargintza enplegu eta tokiko garapenerako zentroak, urtero antolatzen duten Lea-Artibaiko Enpresa Proiektu Lehiaketaren 13. edizioa abiarazi dute. Bizkaiko Foru Aldundiaren laguntzarekin antolatutako lehiaketa honetara proiektuak aurkezteko azken eguna maiatzaren 24a izango da.

Lehiaketara, 2018 urteaz geroztik Lea-Artibai eskualdean enpresa berri bat martxan jarrita edo 2019an martxan jartzeko asmoa duten ekintzaile guztiak aurkeztu daitezke. Ekintzaileen ahalegina eta lana saritzea helburu duen ekimen honek bi modalitate eta aipamen berezi bat bereizten ditu edizio honetan:

  • Negozio ideia berritzaileak. 2.000€-ko sariarekin.
  • Merkataritza, ostalaritza, turismo eta zerbitzu enpresak. 1.500€-ko sariarekin.
  • Aipamen berezi gisa, Emakume ekintzaileari banatuko zaion 500€-ko saria ere egongo da.

Oharra: sariak ez dira beraien artean bateragarriak izango.

Bi modalitateen kasuan, saria eskuratzen duten ekintzaileek Lea-Artibaiko Berrikuntza Gunean dagoen enpresa-haztegian kokatzeko erraztasunak izango dituzte eta, enpresa martxan jarri arte eta ondorengo urteetan aholkularitza eta laguntza jasoko dute erakunde antolatzaileen eskutik. Halaber, erakunde antolatzaileek kudeatzen dituzten programa ezberdinetan parte hartzeko aukera izango dute eta ekintzaileentzako beraien proiektuak sustatzeko lagungarri izango zaien bideo promozional bana ere oparituko zaie aurtengo edizioan.

Sari banaketa ekainaren 7an izango da Etxebarrian ospatuko den Lea-Artibaiko Ekintzaile Egunaren baitan antolatuko diren ekimenekin batera.

Lehiaketan parte hartzeko interesa duten guztiek informazio zabala, inskripzio orria eta lehiaketaren oinarriak eskuragarri izango dituzte Azaro Fundazioa eta Leartibai Garapen Agentzia-Behargintza enplegu eta tokiko garapenerako zentroaren bulegoetan eta webguneetan / www.azarofundazioa.com / www.leartibai.com /

Lea-Artibai eskualdearen garapenarekin konprometituriko bi erakunde hauek beraien misioaren baitan jasota dute enpresa berrien sorreraren alde lan egitea, eta ekimen honekin, ekintzailetza kultura hedatzeko eta enpresekin erlazionatutako ekimen berriak sustatzeko ahalegin berezia ere egiten dute. Horrela, bere edizio guztietan 200 proiektutik gora aurkeztu dira lehiaketara eta inoiz ez da saririk esleitu gabe gelditu. Guztira, 35 proiektu saritu dira eta 75.000€ baino gehiago banatu dituzte erakundeok sarietan.

Lotutako albisteak

Alfa Quantum 29 Marzo, 2024 Ekintzailetza
Alfa Quantumek teknologia kuantikoa ikastetxeetara hurbiltzen du
Irakurri gehiago
Wake Up Euskadi 27 Marzo, 2024 Ekintzailetza
Wake Up! Albiste ekintzaile batzuk sarean
Irakurri gehiago
27 Marzo, 2024 Ekintzailetza
Gamanek aldagailu inklusiboak eta higienikoak diseinatzen eta instalatzen ditu desgaitasuna duten pertsonentzat
Irakurri gehiago
26 Marzo, 2024 Ekintzailetza
Nola izan enpresa ekintzaile bat Barnekintzaile programarekin, barne-ekiteko laguntza.
Irakurri gehiago
26 Marzo, 2024 Ekintzailetza
Ekintzaileentzako laguntzak: Bihur ezazu zure negozio ideia enpresa berritzaile eta errentagarri Ekintzailerekin
Irakurri gehiago
Joan blog-era

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?
// Kanal espezializatuak

Jarrai iezaguzu. Kanal espezializatuak
eta eguneroko berriak