Euskal enpresaren blog-a Zure enpresarentzat garrantzitsua den eguneroko informazioa
5 uztaila, 2018

Euskadiko emakume ekintzaileek aukera gehiago detektatzen dituzte, beldur gutxiago diote porrotari eta konfiantza handiagoa dute beren ezagutza eta gaitasunetan

Facebook, ELGA eta Munduko Bankuak “Negozioen Etorkizunari buruzko Inkesta” abiarazi zuten internetez, jakiteko zein igurikapen eta erronka dituzten mundu osoko ETEek, eta milioi erdi bat negoziok parte hartu zuten inkesta hartan. Duela gutxi orobat galdetu zaie beren jardueretarako kapitala eskuratzeko aukerari buruz.

Azterlanak dio munduko ekintzaileek oso modu desberdinetan finantzatzen dituztela beren negozioak, baina badagoela ezaugarri komun bat: emakumeek gizonek baino gutxiago erabiltzen dituzte bankuko maileguak eta sarriago jotzen dute aurrezki pertsonaletara edo beren bikoteen baliabideetara.

Negozioen adinak, tamainak eta jarduerak markatzen dituzte desberdintasun horiek. Genero-etena nabarmenagoa da enpresa txikietan. Dirudienez, kontuan hartuta gorago esandakoa, erakunde eta bankuek eten horiek desagerrarazteko programetan zentratu beharko lukete eta generoaren araberakoak ez diren maileguak sustatu beharko lituzkete.

Toki askotan, emakumezko ekintzaileek ekarpen handiak egiten dizkiote beren herrialdeetako ekonomiari. Oro har emakumeek kudeatzen dituzten enpresak txikiagoak dira eta ez hain errentagarriak, zailtasun gehiago dauzkatelako finantzaketa eskuratzeko, presentzia handiagoa dutelako inbertsioaren itzulera txikiagoa duten sektoreetan, etxeko erantzukizunak dituztelako, eta abar.

Emakumeen enpresek gizonek sortutakoek baino urte gutxiago izaten dituzte. ETE askok online lan egiten dute, eta horrelakoetan ere ugariagoak dira emakumeak. Emakumezko ekintzaileek gehiago lan egiten dute zerbitzu pertsonalen eta sozialen sektoreetan: hezkuntza, osasun zaintza, artea eta irabazi asmorik gabeko beste jarduera batzuk. Joera txikiagoa dute negozio profesionalak edo teknikoak sortzeko, hala nola, higiezinak, finantza zerbitzuak, ondasunen produkzioa edo mantenimendua, fabrikazioa, autoak konpontzeko tailerrak, eraikuntza, komunikabideak edo informazio teknologiak.

Euskadiri dagokionez, GEM txostenak dio Euskadiko Emakume Ekintzaileek indar handia dutela: gizonezko ekintzaileek baino aukera gehiago detektatzen dituzte, beldur gutxiago diote porrotari eta konfiantza handiagoa dute beren ezagutza eta gaitasunetan! Albiste ona da 2017/18ko azterlanari buruzko titularraren ondoan jartzeko, zeinaren arabera ekintzaile kopurua gora baitoa.

Interesatzen zaizkizu Azterlanen ondorioak eta txostenak?
www.gem-paisvasco.es/el-informe-gem-201718-senala-un-repunte-en-el-numero-de-personas-que-emprenden-negocios-en-la-comunidad-autonoma-vasca

https://goo.gl/GEJdLG

bizipoz eider
Ekintzailetza 5 apirila, 2020
“Zahartzaroa, beharrak eta aukerak“: Beatriz Santamaría eta Eider Etxebarria, Bizipoz

Oarsoaldeak doako webinarra antolatu du "Zahartzaroa, beharrak eta aukerak" Bertan, 55 urtetik...Leer más

wake up EUS
decidata-19 covid-19
Ekintzailetza 2 apirila, 2020
Panel DeciDATA-19: Datu Hobeak, Erabaki Hobeak euskal ospitaleen sistemarako.

Nola ari da eragiten COVID-19 euskal ospitaleen sisteman? ...Zein ospitale ari...Leer más

PerpetumMobile
PerpetumMobile: Diseinuak eta koloreak Inklusioan laguntzeko

PerpetumMobile 2018an sortu zen ekimen koloreztatu bat da. Bartzelonako erdiguneko biltegi batean...Leer más

Ekintzailetza 31 martxoa, 2020
CoChallenge! Covid-19aren inpaktu negatiboa murrizteko ideiak

Mondragon Team Academy-k programa bat abiarazi du ekintzailetza sozialeko proposamenak...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?