“Denok daukagu barruan ekintzaile bat, eta horri etekina atera behar diogu”.

IMME elkarteak antolatuta, hiru emakume ekintzaileren esperientziak ezagutzeko saioa egin dute Arrasatean. Najia Loftik, Paloma Martinezek eta Joana Manzisidorrek euren ibilbideak azaldu dituzte bana-banan, baina antzerako mezuarekin: “denok daukagu barruan ekintzaile bat, eta horri etekina atera behar diogu”.

Hiruen artean hitza hartzen lehena Joana Manzisidor izan da. Kooperatiba munduan eman zituen lan munduko lehen urratsak, delineatzaile moduan. Baina krisialdia heldu zenean, Arte Ederrak ikasi zituen. Hasieran biserak diseinatzeari ekin zion, eta gutxika muralen munduan sartu zen. Gaur egun Muralart elkarteko kide da, eta “maite duen hori” egitetik bizi da.

Hitza hartzen bigarrena, Paloma Martinez izan da. Azaldu du, Mexikotik Euskal Herrira etorri zenean, garbitzaile moduan aritzea bakarrik lortzen zuela. Bere ustez, “denok daukagu ekintzaile bat gure barruan, denok gara onak zerbaitetan”. Baina horri etekina ateratzeko, “lotsak eta beldurrak” gainditu behar direla dio. Kohesio soziala helburu duen Gu Haziak Gara elkarteko kide da gaur egun, eta gizarte justuago eta solidarioago bat lortzeko askotariko ekimenak antolatzen dituzte.

Lehen bi testigantzen ostean, Najia Loftiren txanda heldu da. Ekonomia ikasketak egin ostean, Marokotik Bartzelonara joan zen, eta Palomari bezala, garbitzaile lanak bakarrik eskaintzen zizkioten. Baina ez zen horrekin konformatu, eta ekonomia arloan doktoretza titulua lortu zuen. Gaur egun, Bartzelonako unibertsitatean dihardu irakasle, eta islamdarrentzako banku etiko baten sortzaile ere bada. Mezu garbi bat helarazi nahi izan du: “Ikasi ahalik eta gehien, aliantzak bilatu, eta helburuak lortzen ahalegindu”.

+info: http://xurl.es/1d0am

Lotutako albisteak

25 apirila, 2024 Ekintzailetza

Wake Up! Albiste ekintzaile batzuk sarean

Irakurri gehiago

24 apirila, 2024 Ekintzailetza

“Bizkaia enpresekin eta pertsona ekintzaileekin lankidetzan ari da jasangarritasuna eta berrikuntza sustatzeko”

Irakurri gehiago

23 apirila, 2024 Ekintzailetza

Emen4sport, kirol-arrakazta edonoren eskura I+G+b baten bidez

Irakurri gehiago

23 apirila, 2024 Ekintzailetza

Brandfy, markak diseinatzeko prozesua birdefinitzen duen Adimen Artifizial Sortzaile tresna

Irakurri gehiago

22 apirila, 2024 Ekintzailetza

Absentixek lan-absentismoaren kostuak murrizten ditu, enpresen lehiakortasuna eta produktibitatea handitzeko

Irakurri gehiago

Joan blog-era