Bizkaia munduarekin konektaturik: Bizkaiko 6 startup Tel Aviveko SOSA bizkortzailean

“Talentu handiko ekosistema gara, txikia baina asko eskain dezakeena eta munduarekin era aitzindarian konektatzen ari dena”. Horrela iragarri zuen Bizkaiko Foru Aldundiak Tel Aviveko SOSArekin sinatutako akordioa. Hurrengo sei hilabeteetan sei startup eta Bizkaiko ekintzaileak joango dira enpresa-bizkortzaile horretara. 

Emerid System, Kimet Sport, Nowave Engineering Solutions, Plato Hola!, Recircular, eta Satlantis Microsats-ek bidea zabalduko dute eta denboraldi batean SOSAk diseinatutako bizkortze-programa jarraituko dute, balio erantsia eman eta teknologia eta berrikuntza esanguratsuekin konektatzeko.

Egoitzak Tel Aviven eta New Yorken dauzkan SOSA plataformaren helburua abangoardiako berrikuntzaren eskaintza eta eskariaren arteko tartea gutxitzea da. 2013an sortu zen eta haren instalazioetatik jadanik 8500 startup baino gehiago pasatu dira, korporazio handiek eta inbertsiogileek osatutako SOSAren sare globalera sarbidea izanik.

“Bizkaia munduarekin konektaturik” Bizkaia 2030 estrategia osatzen duten 4 ardatz nagusietako bat da; bertan Aldundiak hurrengo urteetan aurre egin behar zaien erronkak zehazten dira, horien artean “gure enpresa eta gazte ekintzaileen nazioartekotzea indartzea eta gure lurraldea nazioarteko agendan koka dadila lortzea, nazioarteko sare eta foro garrantzitsuetan presentzia aktibo eta sistematikoa izanik”.

Hori lortzeko, 2016an lehenengo itunak sinatu ziren Bostoneko MassChallenge bizkortzailearekin eta Cambridge Innovation Center, CICekin. Orain SOSArekin sinatu da hitzarmena, munduan ekintzailetza arloko bigarren ekosistema garrantzitsuentzat jotzen denera sarbidea emanez.

Lotutako albisteak

19 apirila, 2024 Ekintzailetza

Wake Up! Albiste ekintzaile batzuk sarean

Irakurri gehiago

18 apirila, 2024 Ekintzailetza

Abian da ekintzailetza berritzailea sustatzeko Toribio Echevarria sarien 34. edizioa

Irakurri gehiago

17 apirila, 2024 Ekintzailetza

Grabitek bat egin du NVIDIA Metropolisekin ikusmen artifizialeko soluzio aurreratuen bidez saltokietako galera ezezaguna murrizteko

Irakurri gehiago

17 apirila, 2024 Ekintzailetza

Zinemaldia Startup Challenge ekimenaren VI-garren deialdia abian da

Irakurri gehiago

16 apirila, 2024 Ekintzailetza

SPRIk startupekin berritzearen onurak proposatu dizkie ETEei BIND SME Connection programaren bidez

Irakurri gehiago

Joan blog-era