Euskal enpresaren blog-a Zure enpresarentzat garrantzitsua den eguneroko informazioa

9 azaroa, 2018
Spri Taldeak esparru biosanitarioan pertsona ekintzaileen prestakuntza sustatzen du

BIC Gipuzkoa Biosanitario

Biozientzien eta mediku- eta osasun-teknologien sektorearen garapena da, lurraldean lehiakortasuna indartzeko, Gipuzkoa babesten ari den apustu estrategikoetako bat. Testuinguru horretan, BIC Gipuzkoak esparru biosanitarioko ekintzaileentzako prestakuntza-programa espezializatu baten beste edizio bat jarri du martxan.

BIC Gipuzkoak sektore biosanitarioan 48 enpresa-proiektu baino gehiagoren sorrera babestu du. Jarduera horri esker, sektore honen ezaugarri propioei erantzungo dien prestakuntza espezializatu bat eskaintzeko beharra hauteman da.

Kasu askotan, ekintzailetzako proiektuak, oinarri zientifiko eta teknologiko sendo bat eduki arren, ez dira merkatu sanitarioaren beharrekin erraz uztartzen, industria sanitarioaren eta osasunaren esparrura zuzendutako produktuen edo zerbitzuen ezaugarri partikular batzuei erantzuten ez dietelako.

BIC Gipuzkoak diseinatutako prestakuntza-programa honen bitartez, hain zuzen ere, premia sanitario berriak konpontzeko helburua duten enpresek aurre egin behar dieten berezitasunen eta erronken inguruan orientatu nahi da.

Ikastaroko sei saioetan zehar parte-hartzaileek euren proiektuak ideiekin eta esperientziekin alderatu ahal izango dituzte honako arlo hauetan: sektore biosanitarioan berrikuntza teknologikoa, produktuaren espezifikazioa, jabetza intelektuala babestea, erregulazio-esparru batean produktua lantzea, produktu sanitarioen marketina eta finantziazioa.

Gainera, esparru honetan eman diren hainbat enpresa-esperientzia aztertuko dira, besteak beste, honako hauen kasuak: Deneb Medical, Biolan Biosensores, Viralgen Vector Core edo Cidetec-en nanofarmakoen instalazioa.

Ikastaroan ekintzailetzaren munduko 30 pertsona inguruk, ikerketa-zentroek, unibertsitateek eta esparru biosanitarioan lan egiten duten enpresek hartuko dute parte.

Programa sei astez jarraian landuko da eta saio bakoitzean goi-mailako adituek hartuko dute parte. Amaiera-ekitaldia inbertsioen foroari eta finantziazioari buruzko modulu bat izango da. Bertan María Bobadillak —Senior Director, Global Business Development de Roche— hartuko du parte eta “Farmazia-sektorean aliantza goiztiarrak eta berrikuntza irekia” gaiari buruz hitz egingo du.

wake up eus
Ekintzailetza 3 uztaila, 2020
Beste albiste batzuk ekintzaileentzat. Asteko laburpena. Ekainaren 29tik, Uztailaren 3rako astea

Wake up!-ek Komunikabide eta Sareko Blog desberdinek argitaratutako albisteen hautaketa txiki bat...Leer más

Novia Salcedo empleo
BIND 4.0 ekitaldiaren IV. edizioak berriro gainditu ditu espektatibak, krisia gorabehera

  SPRI Taldeko Ekintzailetzako zuzendari Aitor Urzelaik ostiral honetan aurkeztuko ditu...Leer más

imh webinars
Ekintzailetza 1 uztaila, 2020
Ekintzailetzaren sustapena Industria eta Hezkuntza esparruan

Webinar honetan ekintzailetza industriala nola sustatu dezakegun aztertuko dugu, bereziki hezkuntza...Leer más

ETE berritzaileen finantzaketari buruzko jardunaldia

EIC Europako Berrikuntza Azeleratzaileak ETEen berrikuntza-, ekintzailetza- edo...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?