Euskal enpresaren blog-a Zure enpresarentzat garrantzitsua den eguneroko informazioa

27 Marzo, 2019
Appsamblea, boto-kutxa eta papera ordezkatuko dituen aplikazioa

Sistemak blockchain zifratua eta teknologia darabiltza onlineko botoa bermatzeko

 

Sistemak blockchain zifratua eta teknologia darabiltza onlineko botoa bermatzeko

 

Appsamblea proiektua sortu zen bere fundatzaileetako bat den Raúl Bejaranok hauxe galdetu ziolako bere buruari: nola da posible gurea bezain konektatua dagoen gizarte batean ezinezkoa izatea botoa Internet bidez ematea berme guztiekin? Ideia horretatik abiatuta, Appsamblea tresna garatzen hasi zen Gorka García, Clara del Río eta Guillermo López ekintzaileekin batera.

 

Hala, aplikazio bat sortu zuten bozketa prozesua online egiteko, betiko bozketen estandar guztiak gaindituz. Tresna berria hiru zutabetan oinarritzen da segurtasuna bermatzeko prozesu osoan: boto egiaztatu, sekretu eta aldaezinak. Horretarako, identifikazio-metodo akreditatuak erabiltzen ditu (adibidez NAN elektronikoa) eta emaitza guztiak zifratzen ditu. Hala, ez antolatzaileek, ez Appsamblea tresnaren lantaldeak, ezin dute jakin parte-hartzaile bakoitzak zein boto eman duen, botoaren eta boto-emailearen datuen arteko lotura desagertu egiten delako. Azkenik, blockchain teknologiak bermatzen du emaitzak ez direla aldatuko. “Boto bakoitza zifratu eta kopiatu egiten da kateko hainbat puntutan, beraz, inork kopia bat aldatu nahiko balu, alarma bat piztuko litzateke gainerako kopia guztietan” azaldu du Clara del Ríok, Appsamblea ekimeneko marketineko arduradunak.

 

Lantaldea 2017an sortu zen enpresa gisa, Demium Startups Bilbao azeleragailutik igaro ondoren, eta hainbat prozesutan probatu dute tresna berria, esaterako, alderdi politikoen primarioetan eta tamaina desberdinetako elkarteetako edo hezkuntza komunitateetako bozketetan. Sistema onlinekoa izaki, posible da presentzialki bozkatzea, baina orobat bozkatzeko aukera ematen die toki desberdinetan dauden parte-hartzaileei. “Nahiz eta teknologia konplexua duen, tresna hau adin eta profil guztietako pertsonentzat pentsatuta dago eta sistema oso erraz eta intuitiboa du” azaldu du startup-eko CMOak.

 

Orain lantaldearen helburua da aplikazioaren funtzionaltasunak zabaltzea beste parte-hartze prozesu batzuetan ere erabili ahal izateko, adibidez, inkestetan eta eztabaidetan. Epe laburrerako badu beste helburu bat ere, tresnaren erabiltzaileak autonomoagoak izatea hain zuzen. “Guztiz auto-konfiguragarria izatea nahi dugu, bezeroak online kontratatu dezala inolako laguntzarik gabe” azaldu du Clara del Ríok. “Horri esker, kostuak merkatuko dira eta prozesuak azkartu”.

 

Appsamblea da MassChallenge Biscay programan parte hartzeko aukeratutako 15 startup-etako bat. Finalerdia gainditu ondoren, enpresen azelerazio-tailer batean parte hartuko du Bostonen eta aukera izango du Ipar Amerikako azeleragailuaren nazioarteko lehiaketan sartzeko. MassChallenge Biscay ekimena Bizkaiko Foru Aldundiak eta MassChallenge azeleragailuak sinatutako akordio baten emaitza da eta helburutzat dauka euskal startup-ak harremanetan jartzea nazioarteko ekintzailetza- eta berrikuntza-sareekin.

up euskadi wake up
Ekintzailetza 23 uztaila, 2021
Wake up! Albiste ekintzaile batzuk sarean. Asteko laburpena: Uztailaren 19tik, 23rako astea

Wake up! -ek Komunikabide eta Sareko Blog desberdinek argitaratutako albisteen hautaketa txiki bat...Leer más

premios toribio echevarria sariak
Ekintzailetza 22 uztaila, 2021
‘Innovation Tree’ eta ‘Polykey Polymers’, Toribio Echevarria 2021 Saridunak ekintzailetza berritzailean

Startup hauek, 'Innovation Tree'-k, ‘Enpresa asmoak’ kategorian, eta 'Polykey Polymers'-ek,...Leer más

surf irekia
Ekintzailetza 21 uztaila, 2021
Surf Irekia, pertsona orok olatuez disfrutatzeko teknologia irekiak

3DLan erakundeak eta Barrika Surf Camp eskolak Surf Irekia sortu dute, mugikortasun gutxiagotua...Leer más

Handira jo
Handira Jo ‘lehiaketak enpresa-proiektu bihurtzeko aukera duten tesiei sariak emango dizkie

Ostegunean, uztailak 15, "Handira Jo" lehiaketako sari banaketa egin zen Bizkaia Aretoko...Leer más

up Euskadi wake up
Ekintzailetza 16 uztaila, 2021
Wake up! Albiste ekintzaile batzuk sarean. Asteko laburpena: Uztailaren 12tik, 16rako astea

Wake up! -ek Komunikabide eta Sareko Blog desberdinek argitaratutako albisteen hautaketa txiki bat...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?