Vaillant Groupek aire-ur bero bonba berri bat merkaturatu du, eraginkorragoa eta zarata-mailak murrizten dituena
Vaillant Groupek, Split proiektuari esker, aire-ur bero bonba ekipo berriak garatu ditu. Makina berriek klimatizazioa (hotza eta kalefakzioa) eta etxeko ur beroa (UBS) eskaintzen dituzte, 3 eta 8 kW bitarteko ahalmenarekin. “Makinak duten abantaila nagusia zarata-maila baxua eta eraginkortasun handia dira”, nabarmendu du Aitor Urkiolak, Saunier Duval Clima enpresako I+Gko zuzendariak, Vaillant Groupek Araban duen konpainia.
Split proiektuak hozte-zirkuituak garatzen ditu, bero bonben Split aplikazioetan erabiltzeko. Aplikazioak barneko eta kanpoko unitate bat konektatzen du hozte-hodien bidez. “Proiektu honek hozte-zirkuituak garatu ditu R32 hozgarriarekin, eraginkortasun, zarata eta lan-tenperaturen prestazioak ziurtatzeko”, azpimarratu du konpainiako ordezkariak.
Proiektua garatu ondoren, helburua zen merkatura ateratzean ezarritako ingurumen-arauak betetzen zituen produktu bat eskaintzea. Eta, gainera, ohikoek baino ingurumen-inpaktu txikiagoa duen hozgarri bat sortzea. Horren harira, “iazko urte amaieratik makina berriak saltzen ari dira”, adierazi du Urkiolak.
Bezeroarentzako abantailak
Split sistema berriek bezeroen beharrei erabateko konponbidea ematea dute helburu. “Instalazio-distantzien eta -altueren balioak eskaintzen ditu, erabiltzaile-kasu gehienak eta merkatuko zarata-maila baxuenetako bat betetzeko”, ziurtatu du. Gainera, “funtzionamendu-tenperatura lehiakorrak eta Split bero bonben segmentuaren eraginkortasun handienetako bat” ere eskaintzen ditu.
Aitor Urkiolaren hitzetan, aire-ura bero bonba berriak “etxebizitzetara eta etxebizitza-eraikinetara bideratutako merkatuan erabiltzen dira”. Etorkizunera begira, produktu berria “batez ere Europako merkatuan” komertzializatzea da asmoa, Urkiolak dioenez. Konpainiaren helburua da “ekipo berrien 30.000 unitate saltzea”, gaineratu du.
Proiektua SPRI Taldearen Hazitek Laguntza Programak finantzatu du 2022, 2023 eta 2024 urteetan. Garapen Teknologikorako eta Berrikuntzarako Zentroak (CDTI) diru-laguntzak ere eman ditu, partzialki itzultzekoak. “SPRI Taldearen laguntzari esker, gure kostuen zati handi bat ordaindu ahal izan dugu, arreta paregabearekin eta zalantzak argitzeko eskuragarritasun ezin hobearekin”, azpimarratu du.
SPRI Taldeak euskal enpresen I+G bultzatzen du tresnekin, aktiboekin, laguntzekin, lantalde eta aliantzekin, ikerketa sustatzeko eta teknologia berriak sortzeko. Elkartek, Emaitek edo Hazitek bezalako I+Grako laguntza programak kontsulta itzazu.
SPRI Taldeak aukera ematen die euskal enpresei haien jardueraren berri emateko bere informazio-kanaletan. Zure proiektua gure gaiekin lotuta badago (I+G+b, digitalizazioa, internazionalizazioa, ekintzailetza, berrikuntza…), Zutaz mintzo gara ekimenean parte har dezakezu.
Lotutako albisteak
EatAmigo, ostalaritzako eskaerak automatizatzeko AA erabiltzen duen tresna
Gipuzkoako enpresak jatetxeekin, ostalaritza kateekin eta elikagai banaketa enpresekin egiten du lan estatu mailan, eta duela gutxi Mexikon lortu du lehen bezeroa.
Zabalgarbik denbora errealeko analisi-tresnekin modernizatu du bere azpiegitura
Besteak beste, biki digitala eta adimen artifizialean oinarritutako teknologiak ezartzeaz gain, lurrun-gainberogailu bat instalatzea du helburu enpresak, energia-eraginkortasuna eta jasangarritasun operatiboa hobetzeko ekimen estrategiko bat.
HIMUGI proiektuak mugikortasunean eta garraioan aplikazioak dituen hidrogeno-propultsio sistema bat lortu nahi du
Euskal erakundeen arteko partaidetza eta lankidetza handia du, eta SPRIren Hazitek programaren laguntza ekonomikoa jaso du.
Diseinua, estrategia eta helburua: horrela egiten du lan Dot.-ek, erakundeei aldaketarantz laguntzen dien kooperatibak
Hainbat bulego ditu gaur egun, eta krisi testuinguru batean jaio zen, sortzaileak hainbat eszenatokitara egokitzera behartu dituena.
Sei euskal ikerketa-erakundek bat egin dute ITTHACAn zahartze osasuntsua sustatzeko
Elkartek programak finantzatutako proiektu honek biomarkatzaileak, iragarpen-ereduak eta osasunaren zuzeneko monitorizazioa erabiltzen ditu.
Tecoplasek plastiko teknikoen eraldaketan erreferentzia gisa sendotzea du helburu
Bizkaiko enpresak industria-sektorerako eta uren tratamenduko sektorerako lantzen du material hori, eta akuikultura- edo elikagaigintza-sektoreetan duen posizioa handitzea esploratzen ari da.
Aloka, profesionalen artean ikus-entzunezko materiala alokatzeko plataforma
Gipuzkoako startup-ak hainbat ekipo eskaintzen ditu, hala nola kamerak, grabagailuak, mikrofonoak, droneak. Mobile World Congress-eko 4YFN biltzarrean parte hartu zuen, SPRI Taldeak kudeatutako stand batekin, webgunea inbertsore eta bezero potentzialei aurkezteko.
Haizelur, nazioartekotzearen aldeko apustua egiten duen doitasun-mekanizazioaren arloko Debako ETEa
Enpresaren esportazioek SPRI Taldearen zibersegurtasuneko programaren dirulaguntza jaso dute eta negozioaren % 35era iritsi dira dagoeneko
Metagra, mende erdiko berrikuntza automobilgintzarako hotzeko estanpazioan
Bergarako enpresa pieza konplexuen fabrikazioan sendotu da, jasangarritasunaren eta berrikuntzaren alde eginez.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.