Sistema berriak baterien birziklapenerako
Hainbat euskal zentro teknologiko eta ikerkuntza-zentrok sustatutako RELIBAT programak, ioi litiozko baterietan erabiltzen diren materialak birziklatzeko eredu bat bultzatzea du helburu
Ioi litiozko baterien erabilera gero eta handiagoak, metal alkalino honen eta tankera honetako beste material batzuen, esaterako kobaltoaren edo kobrearen, prezioa areagotu du. Nahiz eta maiz erabiltzen den, oraindik ere ez da elementu hauen birziklapen prozesuan jarduten duen enpresa sare zabalik.
Testuinguru honetan sortu da RELIBAT: CIC Energigune ikerkuntza entitateak, berrikuntza teknologikorako Inatec fundazioak, Gaiker-IK4 zentro teknologikoak eta berrikuntza eta ekintzailetzarako Isea zentroak parte hartzen duten proiektua, beti ere energia biltegiratzeko sistemen erabateko birziklatzean eta material kimikoen berreskuratzean oinarritutako negozio eredu bat sustatzeko asmoz.
