Euskal enpresaren blog-a Zure enpresarentzat garrantzitsua den eguneroko informazioa

12 azaroa, 2019
ORTZE proiektuak estatuan aitzindaria den ontzi elektrikoa sortu du

Proiektua I+G arloko Hazitek 2017 programa estrategikoari atxikita dago eta Eusko Jaurlaritzako Ekonomiaren Garapen eta Azpiegitura Sailak eta FEDER 2014-2020ko Euskadiko Programa Operatiboak kofinantzatu dute
Ortze

Sistemak portuetan eta eremu babestuetan zero isurpenekin nabigatzeko aukera emango du.

ORTZE-CV deritzon I+G arloko proiektuak kostaldeko itsasontzien isurpenak murrizten lagun dezaketen energia-eraginkortasun handiko soluzio berritzaileak garatzea du helburu. Ekimena Ingeteam buru duen euskal partzuergo batek bultzatu du, ontzigintza arloko enpresen, ikerketa-zentroen eta unibertsitateen parte-hartzeaz. 2016an hasitako proiektu honen emaitza bateria elektrikoak eta diesel sorkuntza uztartzen dituen sistema hibridoa da, potentzia handiko itsasontzietan instala daitekeena. Estatuan aitzindaria den teknologia honi esker, itsasontziek kostaldean lan egin ahal izango dute gas kutsatzaileak edo zaratak eragin gabe.

“Kostaldeko potentzia handiko ontziek diesel sorgailuak piztuta eraman behar dituzte portura sartzean edo portutik ateratzean, eta horrek, zarata ez ezik, CO2 eta sufre isurpen handiak eragiten ditu, guztiz kaltegarriak ingurumenarentzat nahiz pertsonen osasunarentzat”, azaldu du Juanjo Varela ORTZE-CV proiektuaren Ingeteameko arduradunak; “teknologia honen bitartez, ontziak kostaldetik hurbil daudenean bateria elektrikoen laguntzaz nabigatzen jarraitzeko aukera izango dute, isurpen kaltegarriak eta kutsadura akustikoa deuseztatuz”.

Proiektuan erabiltzen diren bateria elektrikoek 200 kW/orduko energia biltegiratua dute, eta 12 itsas-miliako autonomia ere izan dezakete 5 korapiloko abiaduran. Gainera, potentzia handiko konexio elektrikoak erabiliz gero, osoko birkarga ordu erdian ere egin daiteke. ORTZE-CV partzuergoak egindako ikerlanaren arabera, nabigazio modu elektriko honek isurpenen ia % 100 murriz dezake, eta modu hibridoan murrizketa % 30ekoa ere izan daiteke. Modu hibridoak diesela ere erabiltzen du eta larrialdi egoeretarako diseinatuta dago, bateriek huts egiten dutenerako, baita kostaldetik urrun nabigatzeko ere.

Teknologia hau Pasaiako Itsas Arrantza BHIak operatutako Ortze eskola-ontzian instalatzen ari da eta datorren urteko udaberrian nabigatzeko prest egongo da. Horrela, Euskadin diseinatu, garatu eta operatutako lehen ontzi elektrikoa izango da, estatuan parekorik ez duen teknologiaz hornitutakoa. Ontzia erreferente bihurtu eta itsas-garraio eraginkor eta iraunkorragoaren aldeko prestakuntzan nahiz ikerketan aurrera egiten laguntzea da xedea. “Ezagutza gehitzea da partzuergoaren helburua, ez bakarrik ontzi elektrikoei buruzkoa, baita horrelako ontziak operatzeko behar den ekosistema osoari buruzkoa ere”, ziurtatu du Juanjo Varelak, “izan ere, proiektua eskola-ontzi batean garatzeak itsas sektoreari bermatzen dio etorkizun hurbilean Euskadin profil espezializatuak izateko aukera”.

Hauexek dira ORTZE-CV partzuergoko kideak: Ingeteam Taldea, SKV Group, Ormazabal, Lasa Naval, Euskal Herriko Itsas Foroa, UPV-EHU Bilboko Ingeniaritza Eskolaren bitartez, Mondragon Unibertsitatea eta Azti-Tecnalia. Proiektua I+G arloko Hazitek 2017 programa estrategikoari atxikita dago eta Eusko Jaurlaritzako Ekonomiaren Garapen eta Azpiegitura Sailak eta FEDER 2014-2020ko Euskadiko Programa Operatiboak kofinantzatu dute.

Jose Ignacio Hormaetxe. Director del Cluster de Energía de Euskadi
Energia 14 uztaila, 2020
José Ignacio Hormaeche, Energia Klusterra: “Trantsizio energetikoa eragile garrantzitsua da ekonomia suspertzeko”

  Euskadiko Energia Klusterreko zuzendari José Ignacio Hormaecherekin elkarrizketatu gara...Leer más

Tres entidades vascas participan en un proyecto para mejorar componentes críticos en turbinas eólicas
Iratxe Zuloaga, CEO Ariadna Grid
Energia 10 uztaila, 2020
Ariadna Grid: ETE baten berrikuntza-lidergoa enpresa erraldoien sektore elektrikoan

Sektore elektrikoan multinazionalak dira nagusi. Baina erraldoiz betetako ekosistema horren...Leer más

Javier Calleja, CEO Solaris
Energia 3 uztaila, 2020
“Azken hilabetetako egoerak emisiorik gabeko mugikortasunerako trantsizio are azkarrago batera bultzatu beharko gintuzke”

Mugikortasun iraunkorra da haien ikur aipagarrienetakoa. Jesus Calleja Solaris Bus &...Leer más

Placas solares
Energia 29 ekaina, 2020
Tecnalia: “Trantsizio energetikorako bidea berrikuntzan eta teknologian oinarritu behar da”

Datu bakar batekin, hurrengo urteetan aurre egin beharko zaion trantsizio energetikorako erronka...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?