Hidrogenoaren metaketan berrikuntza bermatzea, DESSERT proiektuaren helburua
Energia garbiaren aldeko apustua gero eta nabarmenagoa den mundu honetan, sendotzen ari den alternatiba hidrogenoa da, batez ere energia modu eraginkor eta jasangarrian biltegiratzeko eta garraiatzeko duen ahalmenagatik. Baina energia mota horren eragozpen bat da biltegiratzean materialetan eragiten duen higadura. Alde horretatik, lur azpiko gordailuen erresistentzia eta iraunkortasuna hobetzea da DESSERT proiektuaren helburu nagusia.
Proiektua sortu duen partzuergoa sei bazkidek osatzen dute, Tubacex eta Tekniker ikerketa zentroa, besteak beste. Asmoa da lurpeko biltegietan hidrogenoa injektatzeko eta erauzteko diseinatutako altzairu herdoilgaitzezko hodiaren prototipo berri bat garatzea. Beste bazkideak TU Clausthal (Alemania) eta Johannes Kepler University Linz Austria unibertsitateak eta AC2T Research GmbH (Austria) eta Enco srl (Italia) ikerketa zentroak dira.
Tubacex, bere berrikuntza eta ‘Upstream Technologies’ esparruen bidez, proiektuaren buru da, diseinuan lagunduz eta hodiak fabrikatuz, energiaren eta mugikortasunaren sektoreetarako nikel eta altzairu herdoilgaitzezko eduki handiko aleazio aurreratuak fabrikatzen duen lanari esker.
Teknikerrek, berriz, hidrogeno asko duten inguruneetan materialek zer joera izango duten aurreikusten du. Berariazko azterketak egingo ditu altzairuen portaera iragartzeko, bai baldintza estatikoetan, bai dinamikoetan, eta hutsegite-modu espezifikoak landuko ditu, hala nola “galling” deritzona; lotura hariztatuetan agertzen den higadura larria da, eta eragin erabakigarria du haiek jarduten duten instalazioaren erabilgarritasunean.
DESSERT proiektua 36 hilabetez luzatuko da, 2027. urtearen erdialdean amaituko da eta Europar Batasuneko Ikatz eta Altzairurako Ikerketa Funtsen (RFCS) programaren finantzaketa jaso du.
SPRI Taldea RIS 3 Euskadi estrategia abian jartzen duen eragileetako bat da, energiaren, fabrikazio aurreratuaren, bio-osasunaren eta nanozientziaren arloetan espezializazio adimenduna bultzatzeko.
SPRI Taldeak aukera ematen die euskal enpresei haien jardueraren berri emateko bere informazio-kanaletan. Zure proiektua gure gaiekin lotuta badago (I+G+b, digitalizazioa, internazionalizazioa, ekintzailetza, berrikuntza…), Zutaz mintzo gara ekimenean parte har dezakezu.
Lotutako albisteak

Fecin, industriako eskuilagintzan espezializatuta 60 urte daramatzan Gipuzkoako ETEa
Deban kokatuta dagoen enpresa da Europa mailan sektore honetako bost fabrikatzaileetako bat eta SPRI Taldearen zibersegurtasun-programaren laguntza jaso du

Teknikerrek errepideen mantentze adimenduna bultzatzen du teknologia robotiko aurreratuaren bidez
Zentro teknologikoak errepideak diseinatzeko, eraikitzeko eta mantentzeko teknologia robotikoak eta automatizazio adimendunak hornitzeko lanak gidatu ditu Europako Omicron proiektuan.

Flexix, 75 urteko historia berrikuntza aldarrikatzen
Enpresa bizkaitarrak ez ditu alde batera uzten joera eta teknologia berriak, balioa handitzeko, egokitzeko, prozesuak hobetzeko eta energia berdea bezalako sektoreetara dibertsifikatzeko.

Emakumeak dira buru Glualeko zuzendaritza-organoen % 60 baino gehiagotan
SPRI Taldeak garatzen duen genero-berdintasuneko jardunbide egokien identifikaziorako proiektu bateko parte-hartzaileetako bat da Azpeitiko enpresa

ENSen kalifikazio gorena lortu du Izertisek, eta administrazio publikoen eta enpresen bazkide estrategiko gisa zuen posizioa indartu du
Informazioa kudeatzen duten sistema, aplikazio eta zerbitzuetan duen maila ezin hobea ziurtatu du aholkularitzak; Gasteizen du egoitza