Ehun bat euskal enpresa MetalMadrid ekitaldiaren hamaikagarren edizioan

19 apirila, 2018

90etik gora euskal startup eta enpresa joango dira aurten MetalMadrid ekitaldira beren konponbideak eta produktuak erakustera. MetalMadrid irailaren 26an eta 27an egingo da Madrileko azoka-eremuan, Composite Spain eta Robomatica azokekin batera.

MetalMadrid ekitaldiaren helburua da toki berean biltzea sektoreko enpresak eta balizko bezeroak, bertatik bertara ezagutarazteko hainbat arlotako azken nobedadeak: automatizazioa eta robotika, IoT, compositeak, soldadura, azaleren tratamendua, neurketak, ikuskaritza, kalitatea eta testing-a, makinentzako osagaiak, NBEak, azpikontratazioa, makina-erreminta, 3D inprimaketa…

Aurten, azokak ahalegin berezia egingo du aurrera egiteko sektore horien eraldaketa digitalean. Azoka antolatzen duen Easyfairs erakundeak hainbat nobedade dakartza aurtengo edizioan, apustu egin duelarik bisitariaren esperientzia digitalaren alde:

• Smart Badge: akreditazio interaktiboetan eta irakurle digitaletan oinarritutako teknologia bat, bisitarien eta erakusleen arteko harremana hobetzeko.
• Connected Manufacturing: apropos prestatutako gune bat, norbere negozioa industria konektatu berriari egokitzeko konponbideak erakusteko.
• Innovation Area: enpresa eta erakusleentzako gune bat, industria desberdinetako nobedadeak erakusteko.

 

Horretaz guztiaz gain, ahalegin handia egingo da networking gune gehiago jartzeko ekitaldiko aisialdi-eremuetan, eta espazio bikoitz bat prestatuko da hitzaldi, mahai-inguru, kasu arrakastatsu, eta abarrentzat.

Informazio gehiagorako: www.metalmadrid.es