Filtra tu búsqueda



I+G
Albisteak 31 abendua, 2024

ECOJABWLek papera ekoizteko industria-prozesuko araztegiko lokatzetan dagoen ura berreskuratzen du

Bellmer buru duen euskal partzuergo batek gauzatu du proiektua, eta paper ekoizpenean aztarna hidrikoa eta ikatz arrastoa murrizten ditu, baita zabortegira bidalitako hondakin kopurua ere. SPRI Taldearen Hazitek laguntza programaren babesa jaso du.

ECOJABWL proiektuak, Bellmer Ibérica Machinery enpresa gipuzkoarra buru du, eta papera ekoizteko makina batean sortzen diren araztegiko lokatzetako uraren berreskurapena optimizatzea du helburu. “Horrela berreskuratutako ura paperaren ekoizpen prozesuan barneratzen da berriro, eta, ondorioz, ekarpen berriaren beharra nabarmen murrizten da”, dio Marian Lopezek, Bellmerreko I+G arduradunak.  

Alde horretatik, Lópezen arabera, proiektuaren helburua da “ekipo mekatroniko adimendun berri bat diseinatzea eta garatzea, papera ekoizteko prozesutik datozen hondakinen bolumena nabarmen murrizteko eta horietan dagoen ur-bolumen handia berreskuratzeko”. Hala, “oregintzan eta papergintzan funtsezkoa den industria-prozesu baten iraunkortasunari ekarpen garrantzitsua egiten zaio”, zehaztu du Lopezek.  

Bi urteko lanaren ondoren, “ekipamenduaren behin betiko diseinura iristen ari gara. Teknologia desberdinak konbinatuz, sortutako hondakin solidoen kopurua murrizteko gai da, eta, aldi berean, bildutako ura berreskuratzen eta berrerabiltzen du”, aurreratu du.  

Industriarako abantailak

ECOJABWLen garatutako ekipo berriak hainbat abantaila eskaintzen ditu industriarako, hala nola “prozesuaren aztarna hidrikoa murriztea eta zabortegietara eramandako hondakinen bolumena murriztea”, adierazi du Marian Lopezek. Gainera, “karbono-aztarna murriztea lortzen du, hondakinak hondakindegira eramateko garraioa murrizten baitu”, argitu du.  

Bellmerrekin batera, beste bi euskal konpainiak parte hartzen dute proiektuan: Ingebit Electrónica e instrumentación eta M&C Aplicaciones; eta diseinu-taldea hiru enpresetako eta Tekniker Teknologia eta Ikerketa Zentroko 40 pertsonak osatzen dute.  

Proiektuak 1,5 milioi euroko aurrekontua izan du guztira, eta SPRI Taldearen Hazitek laguntza programak finantzatu du partzialki. “SPRI Taldearen Hazitek programarekin izan dugun esperientzia oso ona izan da, eta oso pozik gaude beti jaso dugun lankidetzarekin”, aitortu du. 

Etorkizunerako ezarritako helburu nagusia da “oregintzan eta papergintzan sortutako araztegiko lohiak lehortzeko gai den ekipo berria merkaturatzea”, aurreratu du. 

SPRI Taldeak euskal enpresen I+G bultzatzen du tresnekin, aktiboekin, laguntzekin, lantalde eta aliantzekin, ikerketa sustatzeko eta teknologia berriak sortzeko. Elkartek, Emaitek edo Hazitek bezalako I+Grako laguntza programak kontsulta itzazu.  

SPRI Taldeak aukera ematen die euskal enpresei haien jardueraren berri emateko bere informazio-kanaletan. Zure proiektua gure gaiekin lotuta badago (I+G+b, digitalizazioa, internazionalizazioa, ekintzailetza, berrikuntza…), Zutaz mintzo gara ekimenean parte har dezakezu. 

Lotutako albisteak

Elkartek,  industria  adimendunean,  energia  berriztagarrietan  eta  osasun  pertsonalizatuan  oinarritutako  ikerketa  kolaboratiboa
27/12/2024 I+G

Elkartek, industria adimendunean, energia berriztagarrietan eta osasun pertsonalizatuan oinarritutako ikerketa kolaboratiboa

Eusko Jaurlaritzak Elkartek programa ireki du. Horren bidez, 2030eko ZTBPko lehentasun estrategikoekin lotutako ZTBESeko eragileen ikerketa kolaboratiboa bultzatzeko 44 milioi euroko laguntzak bideratuko ditu. Eskaerak martxoaren 7a baino lehen aurkeztu beharko dira.

93M  €  Euskadiko  enpresentzat  industria-ikerketarako  laguntzetan
27/12/2024 I+G

93M € Euskadiko enpresentzat industria-ikerketarako laguntzetan

Datorren urtarrilaren 2an hasiko da Hazitek Programa. Horren bidez, Eusko Jaurlaritzak 92,5M € bideratuko ditu euskal enpresen ikerketarako eta garapenerako. Eskaerak martxoaren 17a baino lehen aurkeztu beharko dira.

MEEVCE  II  proiektuak  osagai  eoliko  erresilienteak  diseinatzeko  metodologia  ebolutiboa  garatzen  du
19/12/2024 I+G

MEEVCE II proiektuak osagai eoliko erresilienteak diseinatzeko metodologia ebolutiboa garatzen du

Elkartek proiektua klima-aldaketatik eratorritako baldintza berrietara egokitzeko eta turbina erresilienteak sortzeko beharretik abiatzen da, teknologiaren iraunkortasunerako eta eraginkortasunerako.

Euskadiko  mila  enpresa  eta  agente  teknologiko  baino  gehiago  baliatu  dira  2024an  Eusko  Jaurlaritzaren  I+G  programaz
16/12/2024 I+G

Euskadiko mila enpresa eta agente teknologiko baino gehiago baliatu dira 2024an Eusko Jaurlaritzaren I+G programaz

SPRIk kudeatutako 145 milioi laguntzak 265 milioi euroko inbertsio pribatua mobilizatu dute

Izen-ematea  zabalik  dago  IAM4EUrekin,  Material  Aurreratuen  Aliantza  Estrategikoarekin,  bat  egiteko
12/12/2024 I+G

Izen-ematea zabalik dago IAM4EUrekin, Material Aurreratuen Aliantza Estrategikoarekin, bat egiteko

IAM4EUk, material aurreratuen arloko Europako aliantza berriak, kide berriek izena emateko epe berria ireki du. Ekimena 2025ean hasiko da eta Lidergo Industrialerako Material Aurreratuei buruzko Europako Estrategia ezartzea bultzatzeko diseinatuta dago. Gainera, funtsezko plataforma da Europan aukera komertzialak garatu eta proiektu estrategikotan posizionatu nahi duten erakundeentzat.

Joan blog-era

Jarraitu gurekin

Gure sareetan espezializatutako kanalak eta eguneroko aktualitateak.