Arkaitz Etxezarreta: “DUNE proiektua erronka teknologiko eta industrial oso garrantzitsua da Errekarentzat”

Arkaitz Etxezarreta, Errekako zuzendari nagusia

Erreka DUNE (Deep Underground Neutrino Experiment) esperimentu zientifikoaren bazkide teknologiko bihurtu da. Ikerketa Nuklearrerako Europako Erakundeak (CERN) Antzuolako kooperatiba aukeratu du, 1,5 kilometro baino gehiagoko sakoneran lurperatuta egongo diren eta neutrinoak detektatzeko balioko duten egituraren finkapenak garatzeko erakunde arduradun gisa. “Ilusio handia egiten digu DUNE proiektua bezalako fisika teorikoko proiektu garrantzitsu batean parte hartzeak, eta erronka teknologiko eta industrial oso garrantzitsua da Errekarentzat”, esan du aurten Errekako zuzendari nagusi izendatu duten Arkaitz Etxezarretak. 

 Guztira, 90.000 finkapen fabrikatuko ditu partikula horien detektagailuaren egitura osorik konformatzeko. Egitura hori Sanford Undeground Research Facilityn kokatuko da, Hego Dakotan. “Torloju horietako batzuek Erreka Digital Bolt teknologia eramango dute, eta horrekin egituraren karga une oro irakurri eta hemendik monitorizatzeko gai izan gaitezke”, azaldu du Etxezarretak. 

Mondragon Corporationen integratutako enpresak hiru negozio-lerro nagusi ditu: bata, automozioaren sektorerako plastikoak injektatzen dituena; bestea, sektore eolikorako ‘fastening’ -era (finkapenak) bideratua; eta azkena, “connected access” delakoa, hau da, eraikuntza-sektorerako sarbideak garatzera bideratua. Gainera, Etxezarretaren arabera, “apurka-apurka ‘medical’ sektorean sartzen eta hazten saiatzen ari gara”. 

Orain, DUNE proiektuari esker, Errekak merkatu-ildo berri bat ireki du, ‘Big Science’ delakoa. “Dibertsifikatzen ari gara eta sektore horietan guztietan hazteko lanean ari gara, etorkizunean Erreka kooperatiba handiagoa eta negozio-lerro gehiago izango dituena izan dadin”, esan du zuzendari nagusiak. 

SPRI Taldeak euskal enpresen I+G bultzatzen du tresnekin, aktiboekin, laguntzekin, lantalde eta aliantzekin, ikerketa sustatzeko eta teknologia berriak sortzeko. Elkartek, Emaitek edo Hazitek bezalako I+Grako laguntza programak kontsulta itzazu. 

Lotutako albisteak

25 Marzo, 2024 Berrikuntza

“Euskararen aldeko apostua ez da bakarrik emozionala, praktikoa ere bada, enpresari balioa ematen diona” Ion Etxeberria, IKERLAN

Irakurri gehiago

30 Azaroa, 2023 I+G

Armando Astarloa (UPV/EHU): “Talentua eta prestakuntza funtsezkoak dira erdieroaleen sektorean”

Irakurri gehiago

21 Azaroa, 2023 I+G

Rooster Capitalek I+Gak enpresak balizko inbertitzaileekin elkartzeko duen gaitasuna aztertzen du

Irakurri gehiago

6 Azaroa, 2023 I+G

Semantic Systems: “PILAR proiektuaren bidez, industria adimenduna lagundu nahi dugu konektibitate eta zerbitzu soluzio osoa garatuz”

Irakurri gehiago

26 iraila, 2023 I+G

Eva Arrilucea: “Ezin dugu teknologia- edo ekonomia-subiranotasunik izan industria subiranotasunik ez izanez gero”

Irakurri gehiago

Joan blog-era