Euskal enpresaren blog-a Zure enpresarentzat garrantzitsua den eguneroko informazioa

30 iraila, 2019
Dirulaguntza-programa berri batek 15 milioi euro bideratuko ditu euskal industriaren efizientzia sustatzera

Plan honek efizientzia-estandarrak jaso nahi ditu, energiaren kontsumoa murrizteko asmoz

Industriaren alorreko ETE eta enpresa handiei bideratutako laguntzen artean, Euskadin inoiz kudeatu den dirulaguntza handiena da hau.

Efizientzia hobetzeari esker, industriek energiaren kontsumoa eta energia-faktura murriztuko dute, euren lehiakortasuna hobetuz.

Funtsak eskuragarri egongo dira gaurtik aurrera 2019ko eta 2020ko ekitaldietan.

Euskal industriak 15 milioi euroko dirulaguntza-programa berri bat dauka, bi urtean energia-efizientzia hobetzeko denetariko jarduketak eta proiektuak babesteko erabiliko dena, industriaren energia-kontsumoa, haren energia-faktura eta karbono-emisioak murrizteko xedearekin.

 

Energiaren, Meategien eta Industria Administrazioaren Zuzendaritzak kudeatzen duen dirulaguntza-programa honek apirilaren 12ko 263/2019 Errege Dekretuaren babesa dauka, eta guztira 15 milioi euroko zenbatekoa emango du 2019. eta 2020. urteetan zehar, Euskadin kokatutako industria-enpresa guztientzako eskura izango dena.

 

Onuradunak ETEak edo industria-sektoreko enpresa handiak izan daitezke, baldin eta energia-hobekuntzarako euren proiektua Euskal Autonomia Erkidegoan kokatuta badago. Sektore honetan diharduten energia-zerbitzuen enpresak ere onuradun izan ahalko dira. Inbertsioaren % 30eraino iritsi daitezke dirulaguntzak, baina muga batzuk daude; ekipamendu eta prozesuetako hobekuntza teknologikoen jarduketetarako gehienez milioi bat emango da eta ISO sistemen ezarpenerako gehienez 30.000€.

 

Eskaeren epea gaur zabalduko da, 2019ko irailaren 30ean, eta indarrean egongo da 2020ko abenduaren 31ra arte edo ezarritako aurrekontua agortu arte. Eskaerak Irekia atariaren eta Eusko Jaurlaritzaren dirulaguntzak kudeatzeko plataformaren bidez egin ahalko dira.

 

Diruz lagunduko diren jarduerak

Euskadiko industria-sektorearen testuinguruan, energiaren amaierako kontsumoa eta harekin lotutako emisioak murrizteko xedea duten energia-efizientzia jarduketa mota guztiak babesteko aukera aurreikusten du dirulaguntza-programa honek. Ildo horretatik, europar zuzentarauetan (2019/27/EB Zuzentaraua) ezarritako energiaren amaierako kontsumoa murrizteko helburua eta Eusko Jaurlaritzaren 2030rako Estrategia Energetikoaren helburua lortzen lagundu nahi da. Era berean, dirulaguntza horiek euskal enpresen lehiakortasunarengan garrantzi handia duen osagai baten gain jardungo dute: energia-fakturaren gain.

 

Alde batetik, diruz lagunduak izan ahalko dira energia kontsumitzen duten ekipamendu, industria-prozesu eta sistema osagarriei hobekuntza teknologikoak ezartzen dizkieten proiektuak, betiere elementu horien ordez energia-efizientzia handiko edo eskuragai dagoen teknologia onenaz baliatutako beste batzuk ezarriz gero. Bestalde, UNE-EN ISO 50001 Araua betetzen duten energia-kudeaketaren sistema ziurtatuak ezarri nahi dituzten enpresek ere dirulaguntzak jaso ahalko dituzte, baldin eta energia kontsumitzaile handiak ez badira.

Javier Calleja, CEO Solaris
Energia 3 uztaila, 2020
“Azken hilabetetako egoerak emisiorik gabeko mugikortasunerako trantsizio are azkarrago batera bultzatu beharko gintuzke”

Mugikortasun iraunkorra da haien ikur aipagarrienetakoa. Jesus Calleja Solaris Bus &...Leer más

Placas solares
Energia 29 ekaina, 2020
Tecnalia: “Trantsizio energetikorako bidea berrikuntzan eta teknologian oinarritu behar da”

Datu bakar batekin, hurrengo urteetan aurre egin beharko zaion trantsizio energetikorako erronka...Leer más

Energia 25 ekaina, 2020
Industria-sektoreko enpresa txiki eta ertainen eta enpresa handien energia-eraginkortasunerako laguntzak handitu dira

Laguntzen helburua da karbono dioxidoaren emisioak eta azken energia-kontsumoa murrizteko...Leer más

El proyecto Neosub integra el ecodiseño en el sector energético con el desarrollo de subestaciones eléctricas sostenibles y de menor coste
Energia 16 ekaina, 2020
Neosub proiektuak energia-sektorean ekodiseinua integratu du, azpiestazio elektriko jasangarrien bidez

Neosub ekodiseinu-irizpideak azpiestazio elektrikoen fabrikazioan integratzen dituen bi urte eta...Leer más

Ditrel prueba en Escocia un proyecto de reducción de tiempos y costes en energía renovable marina para impulsar su uso

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?