Cikautxok nanoteknologiaren aldeko apustua egin du kautxuaren aplikazioetan aurrera pauso bat emateko, eraikuntza edo biomedikuntza bezalako sektoreetan

Cikautxok duen I+G+b unitatea (Cikatek) nanozientzien ikerketa kooperatiboko zentroa den CIC nanoGUNErekin elkarlanean hasi da, bere sektorean aurrera pauso bat eman eta balio erantsi handiko kautxua lortzeko bidean aurrera egin ahal izateko.  

Kautxua elastomero mota bat da,  erraz deforma daitezkeen polimero elastikoak, eta CIC nanoGUNE ikerketa zentrotik azaltzen dutenez, material hauek hautsi aurretik gaitasun elastiko eta malgua dute. “Osagai elastomeriko konbentzionalen ezaugarriak oso optimizatuta daude, eta zaila da abantail lehiakor bat lortzea teknologia gainditzen ez bada”, azaldu du José Santosek, Cikatekeko Injekzio arloko ordezkaria. Cikatek zortzi herrialdetan presentzia duen eta 3.000 profesional dituen Cikautxo enpresako I+G+b dibisioa da. 

Mugatze honek bide berrien eta horiek posible egingo dituzten aliantzen aldeko apustua egitera eragin dute. Cikautxo eta Zientzia, Teknologia eta Berrikuntzaren Euskal Sareko eta BRTA aliantzako kidea den CIC nanoGUNE elkarrekin egiten ari dira urrats berri hori, “bi teknologia disruptibo” erabilita.  

Nanobioteknologiako taldearekin, material berri bat lantzen ari dira, konpositeak eta matrizeak sortzeko, eraikuntza edo medikuntza bezalako sektoretan erabiltzeko. Elastomeroei gehitutako material berri honekin, kautxuari “erresistentzia dinamiko eta korrosio handiagoa” eman nahi diote, Raúl Pérez-Jimenez nanoGUNEko talde honetako liderrak azaldu duenez.  

Proiektuaren beste esparru bat Nanomaterialen taldetik lantzen da, material hibrido polimeriko ez-organikoak sortzeko, osagai bakoitzak banaka ez dituen propietate berriak sartzen lortzeko. “Hibridazioak fase inorganiko eta polimerikoen ondorio sinergikoak sor ditzake, eta, beraz, mekanismo garrantzitsua izan daiteke propietate mekanikoak hobetzeko eta elastomeroaren nekea ahalik eta gehien murrizteko”, azaldu du taldeko buruak, Mato Knezek.  

Bi erakundeek nabarmendu dutenez, “puntako teknologia horiek erabiltzeari esker, zalantzarik gabe, osagaien prestazioen gorakadan aurrera pauso kualitatiboa bat egingo da, eta hori lortuko balitz, lehiakortasuna areagotuko litzateke, espezifikazioen koadernoa osagai txikiagoekin, arinagoekin edo lehiakorragoekin bete ahal delako”. 

Proiektu hau arlo estrategikoetan elkarlaneko ikerketa sustatzeko Elkartek  laguntza-programaren barruan dago, industria-potentzial handiko proiektuen blokearen barruan. SPRI Taldeak euskal enpresen I+G bultzatzeko erabiltzen dituen programetako bat da hau. Horretarako, tresnak, aktiboak, laguntzak, lantaldeak eta aliantzak ditu, ikerketa sustatzeko eta teknologia berriak sortzeko, Emaitek edo Hazitek programekin batera, eta horien informazioa hemen dago eskuragarri. 

Lotutako albisteak

18 apirila, 2024 Berrikuntza

Ikasplay, Gipuzkoako enpresa aitzindaria prestakuntza-esperientzia murgiltzaile eta elkarreragileak sortzen

Irakurri gehiago

16 apirila, 2024 Berrikuntza

Genero-berdintasunik handiena duten enpresek berrikuntza maila handiagoa izaten dute eta lehiakorragoak dira

Irakurri gehiago

15 apirila, 2024 Berrikuntza

Arreguik erantzun egiten dio eraikinetako behar berriari, etxean egon gabe paketeak jasotzeari

Irakurri gehiago

11 apirila, 2024 Berrikuntza

B Corp izatea, enpresen indarra mundua aldatzeko erabiltzea da

Irakurri gehiago

9 apirila, 2024 Berrikuntza

STEM unibertsoan emakumeen talentua sustatzera bideratutako saio batean parte hartu du SPRIk

Irakurri gehiago

Joan blog-era